اذا مايواجه شتسوين؟ تكفوووووووون منقهره ابي حل مع هالريل

السلام عليكم بنات اذا ريلج صار لاقدر الله اي خلاف عطاج طاف اسبوع اسبوعين شهر ماتحاجون وعمره مايواجه ويقلب السالفه عليج سامحتيه مرة مرتين بس خذا بالوضع الحين اخر مرة الخلاف اهوا السبب فيه خذاني بالصوت قلت مابي اعوده انا اللي اراضيه المفروض على الاقل يناقش الموضوع ماهي حاله هذي

امس دزيت له مسج شدعوة تترقا وماتقولي لو في خلاف بينا تعال قولي انسي اللي فات ببشرج بشي ونتكلم عن الخلاف ويطيح كلشي تري انا ماستاهل كل هذا ليش قلبك اسود على، هذا لو انا الغلطانه عموما مبروك

عقبها ياني مسج انا قلبي اسود ماشي لوريج؟؟؟

يا البيت طبعا مايتكلم الا عند الباب لابغا يطلع سمعيني عندي لج رساله مابي اشوف منج ولامسج فاهمه الا اذا في شي حق شغل البيت ، قلت له الظاهر عجبج الوضع هذا تخيلوا مانتحاجا كلش وجنه قاعد بفندق وكان ينام بالصاله بعد بس قلت له الخدم ينقلون الحجي وبعدين يا الدار

وقال اذا انتي مرة تامه على بيتج مابي ولامسج وخلينا جذي لين الله ياخذ امانتج او امانتي بذمتكم شنو هذا هذا حجي شدعوة شسالفه؟؟؟؟ يتلكك طبعا انا كنت كاتبه موضوع وقالوا البنات ماقصروا روحي اشتري كيكه وسويله مفاجاه انا دزي هالمسج على بالي بي يحاجيني وتهدي شوي النفوس بس شرايكم قهر مايشجعج تسوين شي

والحين انا احتمال حامل ومابي اقوله او موحلو الوقت علشان اقوله طبعا موبجري هذا عفيه قولولي شسوي

اهوا وايد زين وطيب ومايقصر بس فجاه يقلب