اسئله خاصه بالمتزوجات ارجو التفاعل

العمر
21

عدد سنوات الزواج
للحين بفترة الملجة

عدد الاطفال
****

هل انت متعلمه وماهو مستواك التعليمي؟
اي نعم انا بثالثة جامعة

هل انت موظفه ام ربه منزل؟
طالبة

هل تعيشي في منزل مستقل ام مع اسره زوجك؟
ان شاء الله بعيش عند اهل زوجي >>> الله يعين

كيف تقييمين علاقتك بأم زوجك واخوات زوجك ؟ وهل تعتبري ان اخت الزوج عمه ثانيه لك؟
والله للحين علاقتي فيهم وعلاقتهم فيني كويسه لاني للحين بعيده عنهم ..اعتبرها بس اذا كانت زينة معاي وتعاملني زين

ماهي طبيعه علاقتك باهل زوجك بشكل عام هل الزيارات اسبوعيه وهل تستمتعي برفقتهم في النزهات ام تفضلي دائما الخروج مع زوجك واطفالكم وان تكون العلاقه رسميه بينهم؟

والله حبيبتي للحين ما اقدر اجاوبج على هالسؤال الا اذا تزوجت رسمي يعني بعد العرس ..

في نظرك متى تكون الزوجه مخطئه بحق ام الزوج ومتى تكون ام الزوج هي المخطئه؟
اذا ماصار في احترام من الزوجة لام الزوج والعكس … واذا صارت المشاكل بينهم ..

ماهي اماكن الترفيه التي تفضلي الذهاب اليها مع زوجك واسرتك الصغيره؟
انا احب اروح مع زوجي المطاعم المجمعات والسينمات..

هل انت ممن يؤمن بالحركات الرومنسيه لزوج؟
ااي اكيد انا احب الرومانسية حيل عكس زوجي , بس اكيد لو تزوجته بسوي له اجواء رومانسية حلوة ..

هل تلاحظي انك بعد الزواج قل اهتمامك بنفسك ؟اذا كانت اجابتك بنعم فماهي الاسباب في نظرك؟ وان كانت لا فاخبرينا كيف تحافظين على اهتمامك بنفسك؟
للحين لو تزوجت ان شاء الله اجاوبج ..بس ان شاء الله ما يقل اهتمامي بنفسي ..

هل تعتقدي ان الزواج عن حب وتفاهم افضل من الزواج التقليدي؟
لا طبعا مو شرط .. انا زوجي تقريبا تزوجته زواج تقليدي لا عن حب ولا غيره …
ترا يرجع كل شي للقسمة والنصيب ..

مارأيك في الخيانه؟ وماذا تفعلي لو اكتشفت ان زوجك يخونك؟
الخيانة اكرة شي على الانسان انه يحسه وخصوصا لو كان من يخونه شخص يموت فيه ويحبه..
لو اكتشفت ان زوجي يخوني بكلم بكل هدوء وافهم منه ليش الخيانة وليش سوا جذي معاي وهل انا مقصرة معاه ؟؟؟
وما عندي اي مانعاني اعطيه فرصه ..

ماذا تفعلي لو زوجك تزوج باخرى بدون علمك؟
بموت من القهر والله … بس بساله ليش تنتزوج علي وحده ثانية … واقوله شي يا انا يا اهية وهذا اخر شي عندي …
الله لا يجيب هاليوم >>> خرعتيني والله من هالاسئلة

بإعتقادك ماالذي يدفع الرجل بالزواج بأخرى؟
يمكن عدم اهتمام زوجته فيه .. وانه مو محسسته بوجوده .. ولا انها دايرة بالها عليه فيلجا لوحده ثانية .. بس في بعض الرياييل يبون
يتزوجون المرة الثانية بس جذي يعني زوجاتهم مافيهم اي عيب ..

متى تكون ام الزوج خطر حقيقي يهدد علاقتك الزوجيه ؟وماذا تفعلي اذا حصل ذلك؟
اذا تدخلت بين الزوج وزوجته .. واذا قامت تقط نغزات على زوجت ولدها .. واذا قامت تحرض الزوج على زوجته ..اذا صار يمكن اطوف
لانها مرة كبيرة ..بس اذا زاد عن حده اكلم ولدها ..

هل تسمحي لام زوجك بالتدخل في امور بيتك ؟
لا طبعا..

متى تقفي في وجه حماتك وتقولي لاااا؟
اذا تكلمو واذا وقفو ضدي واذا شيشو زوجي علي ممكن اوقف في وجهم ..

ماهي في نظرك اسباب المشاكل الزوجيه ؟
اسبابها عدم مراعاة الرياييل لزوجاتهم والعكس .. وعدم تفهم الشخص للاخر ..

ماهي الصعوبات التي واجهتك في بدايه زواجك مع اهل زوجك وكيف تمكنت من التغلب عليها؟
للحين لما اتزوج اقولج ..

هل تقبلين الزواج بشخص متزوج مهما كانت ظروفه؟
لا طبعا متزوج مااخذه ..

هل انت مؤمنه بان الزوج المعدد لايمكن ان ينجح في علاقته الزوجيه من ناحية العدل والتوفيق بين زوجاته؟
اي اكيد .. ماراح يعدل ولا راح يوفق بينهم .. اذا الزوج تزوج وحده يالله يعدل ويصرف عليها فشلون حرمتين صعبة حيل ..

ماهي السلبيات التي تضايقك في زوجك؟
والله للحين الي شفته بالملجة اهتمامة بربعه الزايد ..والديوانية >> تكرهها ..واهتمامه باهله بزياده ..والحداق كل جم يوووم ..
والكذب الابيض .. ترا وايد اشياء بس اقول ان شاء الله يتغير مع الوقت ..

كيف يمكن تغير بعض السلوكيات الخاطئه عند بعض الازواج دون الحاجه الى تدخل احد؟
والله في بعض الرياييل مستعد انه يغير من سلوكياته وبعضهم لا .. اتمنى ان يكون زوجي من هالي يرضون في تغيير سلوكياتهم …
يمكن يغير سلوكه لما تكلمه زوجته بالكلام الطيب والزين ويتعود على طبعها ..

هل تعتقدين ان بامكان الزوجه تغير عادات زوجها السيئه قبل الزواج ام ان صاحب الطبع لايمكن تغييره؟
على حسب الزوج ..

كيف يمكن بناء جيل صالح في هذا الوقت خاصة مع ظهور القنوات الفضائيه وتعدد وسائل التثقيف؟
حبيبتي على تربية الاهل للشخص والتربية الزينه تولد شخص زين..

هل يكفي قيام الزوج بتلبية طلبات الاسره دون اعطائهم الوقت الكافي للتحاور معهم ؟
لا طبعا .. اهم شي المحاورة اهم من الفلوس وغيره ..

هل تعتقدين ان ارتفاع نسبة الاناث في المجتمع وانتشار ظاهرة العنوسه هي السبب وراء تهاون بعض الازواج بالطلاق؟
لا طبعا .. بس كثرة الطلاق بسبب هالفضايات وهالخرابيط .. والجيل كل ماله قعد يصير اسوا ..

متى يكون الطلاق حلا؟
اذا كان صعبة العشرة بين الزوجين خلاص يصير الطلاق ..

ماهي اهم الوسائل التي تساعد الزوجه في المحافظه على اسرتها ؟
اهتمامها باسرتها وزوجها وبيتها وعيالها .. وتلبيه حاجاتهم .. وانها ما تقصر معاهم بشيء ..

هل تؤيدين انجاب اكثر من خمس اطفال ؟مع السبب؟
اؤيد انجاب 5 اطفال او اقل كفاية عشان يقدر الواحد يربيهم ببيئة زينة ..

هل كثرة الاطفال تمنع من اعطائهم كفايتهم من الرعايه؟
اي ..

كم نسبة المشاكل في رايك التي تنتج وراء انجاب الاطفال دون النظر الى حاجتهم ؟
واااااااااااايد نسبتهم اكثر من 75%

هل تؤيدين استقدام الخادمات للمساعدة في تربية الاطفال؟
للمساعده مو لتربيتهم ..

هل انتشار الخادمات قلل من تقارب الابناء مع والديهم؟
اي لان اكثر الابناء صارو الخدم لهم هم اهلهم ..

كيف نستطيع استغلال وسائل التربيه في تثقيف الابناء؟
بكل الطرق ..

شاركة لج حبيبتي على الموضوغ … بس صج تعبت … لو تقللين الاسئلة شوي احسن …