السلام عليكم بنات شلونكم وشخباركم …. طبعا قاعده اكتب لكم وجسمي يرجف من الحره بس شقول حسبي الله ونعم الوكيل 
الحاصل …. رحت اخذ بناتي من المدرسه …وانا واقفه الا يتني الخدامه تركض تقول مدام في مشكله قلت لها طيحتي قلبي شكووو؟ والا اطالع بناتي يايين ووحده منهم اللي بخامسه ابتدائي تصيح اركبت السياره خير يمه اشفيج خرعتيني …قالت الحصه الأخيره ابلة الإنجليزي..امجعتني من شعري ودزتني بقوه قالت قعدي مكانج قلت لها ليش؟؟ تقول قالت حضروا حالكم عشان بيطق الجرس الحين تقول شلت اغراضي والصف فوضى حده صراخ وحوسه تقول والأبله واقفه وماسكه ال(موباااايل)بيدها تقول شقلت جنطتي وقلت لها ابله طق الجرس ننزل تقول جان تسحبني من شعري من صوب اذني اليسار واتصرخ قعدي مكانج تقول شعري طلع بإيدها عاد بنتي ابروحه شعرها خفيييف وناعم وقصير المهم تقول انحرجت وتعورت نزلت راسي عالدرج وقعدت ابجي التموا علي البنات جان اتصرخ الأبله بس بس خلوها اتركوها لحالها…تقول شلت جنطتي وبطلع من الصف قامت تركض وراي وتناديني بإسمي … فلانه تعالي انا والله احبج انتي تلميذتي المميزه ارجوك خلاص انا بحبك (مااااااااتخبري حدى)) 
وراحت وراها لاحقتها لي الباب وقامت تسأل صديقات بنتي عن رقمي انا (امها) المهم واحنا بالطريج يمر المتوسط اخذ بنتي العوده قعدنا ننطر بالسياره والخدامه انزلت تنادي بنتي شفت شي يعور القلب شعر بنتي طايح على نفنوفها!!من صوب الكتوف وسكت قلت لها تعالي ماما قربي وين اي صوب اسحبت شعرج؟؟؟ اشرت لي من صوب ورا اذونها!! رفعت الشعر ولا والله العظيم ان شعرها طايح وصاير دائره فااااضيه مثل الصلعه مكان ما اسحبت شعرها الدائره اصغر من العشرين فلس بشوي!! مت من الخوف ولا شعوريا دموعي اقعدت اتصب….حسبي الله ونعم الوكيل
رجعت البيت … وابوها عرف بالموضوع قال انا اروح باجر الصبح انتي خلج لاتروحين .. اخاف تخبصينا وماتعرفين تصرفين وموبعيده تمجعينها مثل ما امجعت البنت…
راح الصبح الأبوو ودش عالناظره وقال لها ..انا كل مره اييكم المدرسه على حفل تفوق على تكريم لبنتي ومن هالأشياء ماعمري ييتكم اشتكي!! قالت له افااا ليش؟؟ قال لها بنتي شايله لكم الطابور الصبح اتيي امبجر عشان الموسيقى وماشالله عند كل اقسامكم لها صوره في لوحة الشرف جان العلوم ولا الرياضيات ولا النجليزي وغيره جذي يصير فيها امس راجعه تقول الابله ماجعتها… قالت الناظره من هي الابله؟؟ قال لها قالت غرييييبه عاد هذي من احسن الأبلات… المهم نادوها ويت وبس شافت زوجي قالت انا اسفه والله حتى امس قاعده احاول اطلع رقمكم بتأسف!!
وقالت اصلا اهي مميزه وحبوبه ومؤدبه ولما مسكت راسها و(دفشتها)على قولتها كنت بمزح معها!! طبعا ماقالت شديت شعرها ولا صرخت عليها ولاشي … تقول اصلا انا كنت ولهانه عليها لان صفهم انا ما اجيه الا مرتين بالاسبوع لان الجدول مقسم بيني وبين مدرسه ثانيه على صفهم فكنت ولها عليها وحبيت امزح!!
قاله لها زوجي اذا هذا مزحج على قولتك وهذا شوقج لها يبا مانبي هالشوق ترا انا كنت اقدر اتصرف بطريقه ثانيه بس حمدي ربج ان انا ياي اتفاهم واشوف الأسباب واتمنى ماينعاد هالشي… هالمره تكلمت معاج بإسلوب طيب ثاني مره ماتدرين شممكن اسوي ….والحمدلله ان زوجتي مايت بدالي .. جان تصرفها غير تصرفي…وبصراحه ماتنلام اهي اللي شافت الشعر اللي طايح على اهدوم بنتها واهي اللي شافت بنتها تصيح وحالتها حاله!!
عاد الناظره قالت لها لازم تمسكين اعصابج شنو وين قاعدين ؟؟؟ تمجعين شعرها !! طبعا ماياب زوجي سالفة الموبايل قهرني 
يقول يامعوده مانبيها تحقد والحياه طويله جدامنا ياما بنشوف وبنسمع وقلوبنا بتعور المهم طلع زوجي راح دوامه ومايندرى الناظره اشسوت معاها… بس عقبها راحت الابله لبنتي وقالت لها …….. ليش خبرتي الناظره!!
تخيلوا يعني …. والله مصيبه يعلم الله اني مانمت ذيج الليله من القهر عورت قلبي بنتي بروحها عصله تكسر الخاطر بس شسوي
لو انتوا بمكاني وتنحطون بهالموقف شتسوون؟؟
السلام عليكم بنات شلونكم وشخباركم …. طبعا قاعده اكتب لكم وجسمي يرجف من الحره بس شقول حسبي الله ونعم الوكيل
الحاصل …. رحت اخذ بناتي من المدرسه …وانا واقفه الا يتني الخدامه تركض تقول مدام في مشكله قلت لها طيحتي قلبي شكووو؟ والا اطالع بناتي يايين ووحده منهم اللي بخامسه ابتدائي تصيح اركبت السياره خير يمه اشفيج خرعتيني …قالت الحصه الأخيره ابلة الإنجليزي..امجعتني من شعري ودزتني بقوه قالت قعدي مكانج قلت لها ليش؟؟ تقول قالت حضروا حالكم عشان بيطق الجرس الحين تقول شلت اغراضي والصف فوضى حده صراخ وحوسه تقول والأبله واقفه وماسكه ال(موباااايل)بيدها تقول شقلت جنطتي وقلت لها ابله طق الجرس ننزل تقول جان تسحبني من شعري من صوب اذني اليسار واتصرخ قعدي مكانج تقول شعري طلع بإيدها عاد بنتي ابروحه شعرها خفيييف وناعم وقصير المهم تقول انحرجت وتعورت نزلت راسي عالدرج وقعدت ابجي التموا علي البنات جان اتصرخ الأبله بس بس خلوها اتركوها لحالها…تقول شلت جنطتي وبطلع من الصف قامت تركض وراي وتناديني بإسمي … فلانه تعالي انا والله احبج انتي تلميذتي المميزه ارجوك خلاص انا بحبك (مااااااااتخبري حدى)) وراحت وراها لاحقتها لي الباب وقامت تسأل صديقات بنتي عن رقمي انا (امها) المهم واحنا بالطريج يمر المتوسط اخذ بنتي العوده قعدنا ننطر بالسياره والخدامه انزلت تنادي بنتي شفت شي يعور القلب شعر بنتي طايح على نفنوفها!!من صوب الكتوف وسكت قلت لها تعالي ماما قربي وين اي صوب اسحبت شعرج؟؟؟ اشرت لي من صوب ورا اذونها!! رفعت الشعر ولا والله العظيم ان شعرها طايح وصاير دائره فااااضيه مثل الصلعه مكان ما اسحبت شعرها الدائره اصغر من العشرين فلس بشوي!! مت من الخوف ولا شعوريا دموعي اقعدت اتصب….حسبي الله ونعم الوكيل
رجعت البيت … وابوها عرف بالموضوع قال انا اروح باجر الصبح انتي خلج لاتروحين .. اخاف تخبصينا وماتعرفين تصرفين وموبعيده تمجعينها مثل ما امجعت البنت…
راح الصبح الأبوو ودش عالناظره وقال لها ..انا كل مره اييكم المدرسه على حفل تفوق على تكريم لبنتي ومن هالأشياء ماعمري ييتكم اشتكي!! قالت له افااا ليش؟؟ قال لها بنتي شايله لكم الطابور الصبح اتيي امبجر عشان الموسيقى وماشالله عند كل اقسامكم لها صوره في لوحة الشرف جان العلوم ولا الرياضيات ولا النجليزي وغيره جذي يصير فيها امس راجعه تقول الابله ماجعتها… قالت الناظره من هي الابله؟؟ قال لها قالت غرييييبه عاد هذي من احسن الأبلات… المهم نادوها ويت وبس شافت زوجي قالت انا اسفه والله حتى امس قاعده احاول اطلع رقمكم بتأسف!!
وقالت اصلا اهي مميزه وحبوبه ومؤدبه ولما مسكت راسها و(دفشتها)على قولتها كنت بمزح معها!! طبعا ماقالت شديت شعرها ولا صرخت عليها ولاشي … تقول اصلا انا كنت ولهانه عليها لان صفهم انا ما اجيه الا مرتين بالاسبوع لان الجدول مقسم بيني وبين مدرسه ثانيه على صفهم فكنت ولها عليها وحبيت امزح!!
قاله لها زوجي اذا هذا مزحج على قولتك وهذا شوقج لها يبا مانبي هالشوق ترا انا كنت اقدر اتصرف بطريقه ثانيه بس حمدي ربج ان انا ياي اتفاهم واشوف الأسباب واتمنى ماينعاد هالشي… هالمره تكلمت معاج بإسلوب طيب ثاني مره ماتدرين شممكن اسوي ….والحمدلله ان زوجتي مايت بدالي .. جان تصرفها غير تصرفي…وبصراحه ماتنلام اهي اللي شافت الشعر اللي طايح على اهدوم بنتها واهي اللي شافت بنتها تصيح وحالتها حاله!!
عاد الناظره قالت لها لازم تمسكين اعصابج شنو وين قاعدين ؟؟؟ تمجعين شعرها !! طبعا ماياب زوجي سالفة الموبايل قهرني يقول يامعوده مانبيها تحقد والحياه طويله جدامنا ياما بنشوف وبنسمع وقلوبنا بتعور المهم طلع زوجي راح دوامه ومايندرى الناظره اشسوت معاها… بس عقبها راحت الابله لبنتي وقالت لها …….. ليش خبرتي الناظره!!
تخيلوا يعني …. والله مصيبه يعلم الله اني مانمت ذيج الليله من القهر عورت قلبي بنتي بروحها عصله تكسر الخاطر بس شسوي
لو انتوا بمكاني وتنحطون بهالموقف شتسوون؟؟
تخيلت بنتى مكانها ميته من الحره الله لا يوفقها هذى مو كفو اتظل مدرسه هذى مال يجحتونها من التربيه بكبرها
بوسيلى بنيتج حبيبتى ولميها حيل معوره قلبى والله والله يصبرج انشاء الله
السنه اللي فاتت ابلة الألعاب بطت راس بنت سيلت دمها ولا سوا لها شي بس عطوها لفت نظر تخيلي
شنقول غير الله المستعان وحسبي الله ونعم الوكيل الله لها انشالله فشلت البنت واحرجتها
قاعده ادهن مكان الشعر اللي طايح بزيت خروع يمكن يطلع!!
اذا سوت شي حق بنتج مرة ثانية روحي بهذليهم بس ما اتوقع عقب الشكوى بتصير مرة والله ابتلشنا الله يعين اليهال مسكينة بنتج تكسر الخاطر هذي ياهل شلون تقطع شعرها عمه بعينها تصدقين حدي محترة مادري شقول
اروح .. وزبن ما اتل شعرها مثل ما تلت شعر بنتي ..!!
اشتكي عليها واقطع رزقها بعد ..
لأن البنت كبيرة .. ومو طاقتها على سبب ..
وطاقتها شي مبرح يعني مقطعة شعرها شتبين اكثر تذبحها ؟؟
لو منج جان اروح اثبت الحالة واشتكي عليها شكوى ماصارت ولا استوت وبنتي تحس ان وراها ظهر وحقها يرجع لها الله يعين بنتج ع الحرة !!
الصراحة ما حسيت خذيتو حق البنية ..
انا اقولج هالحجي وانا مدرسة ابتدائي واتعامل معاهم كل يوم مستحيل امد ايدي على بنية لو هي قليلة ادب اسوي استدعاء لامها واقولها بنتج جذي وجذي مالي حق اطقها مثل ما انا ماحب بناتي ينطقون !!
ما ارد لا على ناظرة ولا بطيخ
يامال ايدها الكسر
افففف حريتيني من الصبح
والله يوخيتي ودي اروح انهشها بس زوجي ماخلاني