بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله و بركاته :
يا بنات بغيت اسألكم عن مقابلة أمينات المكتبة ؟
يعني شلون تكون نوع الأسئله ؟ و شني هي هالأسئله ؟ !
تكفون أنا عايشه بقلق غير طبيعي
و مقابلتي يوم الأحد … عسى الله يفرجها و يقبلوني يا رب
و ما راح أنساكم بدعاء لكم في ظهر الغيب
السلام عليكم ورحمة الله و بركاته :
يا بنات بغيت اسألكم عن مقابلة أمينات المكتبة ؟
يعني شلون تكون نوع الأسئله ؟ و شني هي هالأسئله ؟ !
تكفون أنا عايشه بقلق غير طبيعي
و ما راح أنساكم بدعاء لكم في ظهر الغيب
لعيونك
وموفقه مقدما
حبيبتي لاتحاتين شكلها المقابله سخيفه
ثلجه حاره …. هلا بسميتي … بس ليش حاره … هاهاها
أنتي مثل رفيجتي بالضبط … و توهم اليوم أتصلوا عليها .. بس تفائلي بإذن الله يتصلون عليج … يا رب عن قريب
و يا رب على قولتج تصير المقابله سخيييييفه
يا حلو قسم المكتبات و يا زينه هاهاهاهاها
خاف نسوني
بليز ثلجة قوليلنا شنو بقولين لج
بعد المقابله يعطونا اوراق الفحص ونمشي ؟
والا نرووح البيت ويدقون علينااااا
up
عسى الله يفرجها قبل شوي كلمت رفيجتي و قالت عن المقابله إنه مو من أول شي يقبلونج ممكن إه و ممكن لا على حسب الأسئله
اللي بيسألونج إياها و على حسب شخصيتج بعد
عااااد أنا حدي وحده أستحي و أرتكب حتى لو أعرف الاجابه من الارتباك ما أجاوب عدل …. يا رب استر
أنا خبري و اللي أعرفه إن المدرسات لهم مقابله أما الأمينات لا !! بس ياله الحظ و ما يفعل حظي جذي … بس ما أقول إلا الحمدالله
و من عيوني راح أقول لج شنو الأسئله اللي بيسألوني إياها
مهاااي
بالنسبه لأوراق الفحص … ما اعرف عنهم شي و ما عطوني أوراق فحص ..
أخاااااف ما يبوني و لا راح يقبلوني يوم إنهم ما عطوني أرواق فحص
بناااااات …. صبروا و خليكم عند تليفون البيت مو تصيرون مثلي ماسكه موبايلي 24 ساعه و بالأخير اتصلوا على تليفون البيت
و بعدين ألحين جمعه و سبت يعني عطله بإذن الله على يوم الأحد أو الآثنين بيتصلون عليكم … قولوا يا رب
يعني شلوووووووووووون ممكن اي وممكن لا
شكوو وشنو الاسئلة قوليلنا بليييييييييييييييييييييز
وااااي احس بتوهق وفناقر لي ماكو قبول والا وظيفة …
انا اداريه ويمكن معطيتهم رقمي غلط ===> من العجله
اجل بقعد عند تليفون البيت
موفقاااات
انهم بيحددون هدف معين
والهدف بيشوفون هل طريقه النطق سليمه
ومخارج الحروف عدل
والسوال اللي اتوقع بيسألوننا
شنو بتضيفين لنا اذا توظفتي ؟؟؟؟؟؟ يعني شنو انجازاتج بالمستقبل ؟؟؟؟؟
وبس يعني انشالله نجتازها بكل جداره … ربي يوفــــــــــقـــــــكــــنـــــــــــــــــــــــ ـــــــــــــــا
فولو امين .. واشكرج ثلج عالردود
يعني ممكن يقبلونج و تنجحين بالمقابله و ممكن تسقطين و يعطونج مقابله مره ثانيه… و عسانا يا رب ما نسقط و ننقبل من أول مره
و الله لو اعرف الأسئله … جان ما حطيت الموضوع من أساسه … بس طبعا راح أعرفها بعد ما أدخل المقابله …
و حبيبتي لا تقولين فناقر و أبتوهق و من هالحجي … لازم تتفائلين و خليج ريلاكس
تسواهن
…. صج تعالي شوفي أشكالنا عند صالة استقبال المراجعين …. مو صاحين هاهاها كل وحده تمشي و بإيدها ملفها
هاهاهاها من العجله
و المصيبه لمن سألونا عن الرقم … قمنا نلخبط و نعيد و نزيد … حشا جنا تونا مغيرين خطوطنا …هاهاهاها
و مشكوووووه يا قلبي و عسى الله يوفقنا أجمعين
مهاااي
على قولة المصريين ( من بقك لباب السما )
يا ليت يا رب تكون المقابله مثل ما قلتي … بس تصدقين إن السؤال صعب ( شنو بتضيفين لنا اذا توظفتي ؟؟ )
بالله شقول !!! بقول بضيف لكم كل الخير وكل السنع
و الله يعطيج العافيه يا قلبي على التفاعل …
و ما أقول إلا كلمة أختي بأي أمر صعب تقول : هونيها و أنا أختج و تهووووون
يا رب وفقنا و يسر أمرنا يا حي يا قيوم
كلامج يفتح النفس واللة
وننطرج يالغالية من تريدن قوليلنا شنو سويتي ..