السلام عليكم حبايبي اليوم بقدم لكم تجربتي بعمليه الانابيب اللي حصلت بالردن عند دكتور زيد الكيلاني مستشفى فرح
اولا بقولكم نبذة عني انا صارلي متزوجه سنتين و5 شهور وانا صراحة حلم حياتي اني اكون ام
كنت ايام الملجة ادعي اني احمل من اول شهر والحمدلله ماصار حمل وكنت اتضايق دايم لما تجي الدورة
وبعد 5 شهور من زواجي رحت اراجع واتضح ان فيني تكيس وزوجي سليم وبدت رحلت العلاج من اكلوميد ومنشطات وابر تفجيريه وماصار حمل كنت اروح شهر وشهرين لا لان زوجي ماخذ الامر عادي
الين رحت السنه اللي فاتت لمركز البراء لدكتورة ماجدة بس مادخلت عندها رحت لدكتورة دميانه مصريه تعاملها راقي وسوينا فحوصات وهني طلعت الطامه اللي غيرت حياتنا واثرت علينا
طلع بزوجي تشوه بالحيوانات المنويه بنسبه 73 بالميه ومالنا علاج الا الانابيب تخيلو وقع الصدمه على زوجي كان مصدوم لدرجه انه وقف عن المراجعات
وقال مابي اسوي عمليه ولا شي ابي من ربي انه يعطيني وانا تعبت نفسيتي اكلمه
وماكوفايدة الاشهر تمر وممكن النسبه تزيد وتقل فرصة الحمل بس لا حيات لمن تنادي
لين شهر واحد 2024 تاخرت علي الدورة لمدة اسبوع مو عادتها وحللت تحليل دم عادي وطلع حمل ضعيف بس نزل ثاني يوم الحمدلله
ورحنا لدكتورة جديدة وحللنا من جد وجديد وطلعت نسبته 99 بالميه تخيلو الصدمة الثانيه الحمدلله على كل حال وهاذا كان شهر 2 اللي طاف
وقبل عطلة الصيف فاتحني بموضوع العمليه ان نسويها بالكويت بس الاسعار كانت غاليه حيل والاطبه فاشلين
وكلمه واحد من ربعة وهو حالته مثل حالت زوجي وهو معالج بالاردن بمستشفى فرح والحمدلله الحين زوجته حامل الله يسهل ولادتها
وهذا عطانا حافز انا نسافر بس المشكله الحين بالماليه صراحه تصكر الموضوع كذا مرة الين الله فرجها انا بعت اللي عندي وزوجي تسلف والحمدلله سافرنا
ان شالله راح اكمل لكم بعد شوي عن رحلت العلاج وردتي الكويت بس صبرو اشوي لاني بطيئه بالكتابة
اولا بقولكم نبذة عني انا صارلي متزوجه سنتين و5 شهور وانا صراحة حلم حياتي اني اكون ام
كنت ايام الملجة ادعي اني احمل من اول شهر والحمدلله ماصار حمل وكنت اتضايق دايم لما تجي الدورة
وبعد 5 شهور من زواجي رحت اراجع واتضح ان فيني تكيس وزوجي سليم وبدت رحلت العلاج من اكلوميد ومنشطات وابر تفجيريه وماصار حمل كنت اروح شهر وشهرين لا لان زوجي ماخذ الامر عادي
الين رحت السنه اللي فاتت لمركز البراء لدكتورة ماجدة بس مادخلت عندها رحت لدكتورة دميانه مصريه تعاملها راقي وسوينا فحوصات وهني طلعت الطامه اللي غيرت حياتنا واثرت علينا
طلع بزوجي تشوه بالحيوانات المنويه بنسبه 73 بالميه ومالنا علاج الا الانابيب تخيلو وقع الصدمه على زوجي كان مصدوم لدرجه انه وقف عن المراجعات
وقال مابي اسوي عمليه ولا شي ابي من ربي انه يعطيني وانا تعبت نفسيتي اكلمه
وماكوفايدة الاشهر تمر وممكن النسبه تزيد وتقل فرصة الحمل بس لا حيات لمن تنادي
لين شهر واحد 2024 تاخرت علي الدورة لمدة اسبوع مو عادتها وحللت تحليل دم عادي وطلع حمل ضعيف بس نزل ثاني يوم الحمدلله
ورحنا لدكتورة جديدة وحللنا من جد وجديد وطلعت نسبته 99 بالميه تخيلو الصدمة الثانيه الحمدلله على كل حال وهاذا كان شهر 2 اللي طاف
وقبل عطلة الصيف فاتحني بموضوع العمليه ان نسويها بالكويت بس الاسعار كانت غاليه حيل والاطبه فاشلين
وكلمه واحد من ربعة وهو حالته مثل حالت زوجي وهو معالج بالاردن بمستشفى فرح والحمدلله الحين زوجته حامل الله يسهل ولادتها
وهذا عطانا حافز انا نسافر بس المشكله الحين بالماليه صراحه تصكر الموضوع كذا مرة الين الله فرجها انا بعت اللي عندي وزوجي تسلف والحمدلله سافرنا
ان شالله راح اكمل لكم بعد شوي عن رحلت العلاج وردتي الكويت بس صبرو اشوي لاني بطيئه بالكتابة
انا مشيت يوم 246 للاردن طيران وكنا حاجزين بفندق دلمون صراحة حلو ونظيف وقريب من المستشف يعني اروح مشي
وثاني يوم رحت المستشفى ودخلوني على دكتور تيسير وهاذي اول محطة من رحلة العلاج وهو قام بكل الفحوصات والفحص الداخلي تخيلو بعد سوالي سونار على الكلى وحللنا دم وكل شي عندي اوكي لاتكيس ولاخمول بالغدة مثل ماقالو دكاترنا الفاشلين بالكويت بس تحليل زوجي صار التشوه 100ب100 ولازم نسوي العمليه وصرفلي الدكتور فولك اسيد
ولما جتني الدورة حولوني لدكتور محمد ودكتور زيد الكيلاني وسافو كل الفحوصات وكتبلي العلاج الفصير
وبلشيت ابر بالعضل وتحت الجلد لمدة7 ايام تخيلو تعبت تعب الله لايوريكم الحمدلله وحددو يوم الرصد وكانت دكتورتي اسمها سداد وهي عراقيه سريعة بس فاهمه وعطتني ابر بعد لمدة يوميب وبعده حددت الابرة التفجيريه وخذيتها واهني بدى الجد حددو العمليه ولازم اكون صايمه ودخلت المستشفى الصبح الساعة9 ولازم تلبسين لبس العمليه الله لايوريج انحرجت حيل وخذوني للعمليه الساعة11 ولما بغت السستر تدخل الابرة للبنج اذتني وايدها ثقيله اعفستني وعورتني الين جت دكتورة البنج وحطنه لي بسهوله وعطتني البنج ماحسيت بعمري الالما قعت وانا ارجع من البنج صراحة تعبت منه صحيت الساعه 1ونص وكنت كل اشوي ارجع الين جتني دكتورة البنج تراقبني لين ارتحت الساعة3 وكانو حيل مهتمين فيني وطلعت ورحت شقتي مشي لاني كنت دايخة والسيارة تدوخني وقالو دقو علينا ياجر الساعه11 عشان نعرف جم تلقحة بويضة وثاني يوم كنت على اعصابي انطر الساعة تصير 11 عشان ادق وبلغوني انه تلقحت 4 بويضات الحمدلله من الفرحة سجدةلله شكر وحددو الترجيع باجر الساعة7 الصبح
ورحت وكنت اول وحدة وسويت العمليه وانا على بطني ونوموني لمدة ساعة عليه وبعدها امارس حياتي طبيعيه وثاني يوم رجعت الكويت ورحت لبيت اهلي عشان ارتاح كنت عادي حركتي مرتاحة
شوي راح اكتب كيف كنت انتظر النتيجة والتحليل
موعد التحليل كان اليوم 12 بعد الترجيع بس الهله يهداه زوجي مستعجل جابلي تحليل حمل 10 يوم اللي بالمنزل وحللت عشان خاطرة
والحمدلله طلعت
حااااااااااااااااااااااااااااااااااااااامل
وبعد يومين حللت دم ودخلت على الدكتورة وريلي كان ينطر التحليل بالمختبر وقالت لي انت مو حامل التحليل سلبي تخيلو طلعت وانا اقول الحمدلله دقبت على ريلي وقلت له قال شلون انا لين الحين نطر التحليل لين الحين ماخلص واشو الا هو جاي وكلما الدكتور الا انا حامل والتحليل اللي قرته قديم صارة سنه الغبيه
والحين انا اراجع عن دكتورة ماجدة اختصاصيه وحلوة وحبوبه فاهمة الانابيب
ولاتنسوني من دعاكم ان الله يثبته ويبلغني فيه
وخلاص خلصت
اكلي فوليك اسد
ريحي نفسج
اشرربي حليب واحرصي عليه
والحمدلله على سلامتج
عسى الله يثبته لج وما يضيع تعبج ان شاء الله
مع اني ما اعرفج بس والله فرحت لج وايد
ومشكورة على التقرير اللي يشجع وعساج عالقوة
والله يسهل عليج يارب
ومشكورة احلى سما على النصيحة والله يعطيج اللي تبينه يارب
جزاج الله خير على طرح تجربتج والله دمعت اعيونى
الله يثبته واهم شء الراحه التامه
الله يثبته يارب وتفرحيين في عيالج
الله يتمم عليج ويجعله من الذريه الصالحه
ويرزق كل مرحروووووووم يااااااااااااارب
والله يقومج بسلامه
و الله ضحكت و أنا أقرا خصوصا ،، " الغبية " اللي طلعت التحليل نيقاتف
الله يثبته يا رب و يقر عينك بشوفته و يجعله من الذرية الطيبة
و هذا من طيبك إنك طرحتي تجربتك للتفاؤل و للاستفادة و الله يجزيك كل خير على نيتك
لكن عندي سؤال ؟ كم كلفتك العملية مع السفر ؟
و هل عادي تمارسين حياتك طبيعي بعد إرجاع الأجنة ؟ و عادي تسافرين بالطيارة؟