حملت عقب سنة من زواجي بالابر . هل ممكن احمل بدون ابر؟

السلام عليكم
بنات انا الحمدلله صارلي 3سنين متزوجة وقبل اقل من سنه 9 اشهر ربي رزقني الحمدلله بولد ربي يجعله من الذرية الصالحة والحمدلله على كل حال حملت فيه عقب سنة وزوود من زواجي عقب ابر ,,,,, بالاول كنت اعالج بالكلوميد وسببتلي تكيس واصلا ما نفعتني بشي ,, تخيلو التبويض عندي نصصصصصص والمفروض الطبيعي 18 التبويض عندي نصص ولما خذيت الكلوميد صار التبويض 2.5 حجم البويضة والحمدلله عقبها جم مرة حاولت حاولت جالت بالابر عقب اكثر من 3محالات يمكن حملت عقب ما غيرتلي الدكتورة نوع الابر وعطتني نوع اقوى ولا تسالوني شنو اسمهم والله ماادري بس دكتورتي عالية الفضلي ربي يوفقها يارب وهالابر بالغصب حصلتهم دورتهم باكثر من صيدلية يا الله لقيتهم ولقيتهم بصيدلية الغانم اللي بالسالمية,,, جدام رميثية صايرة عالشارع,,, الحين ولدي اسم الله عليه عمره 9 اشه رتقريبا وودي احمل ,, وانا طول الفترة اللي طافت ماخذيت لا مانع ولا حطيت لولب ,,, ودي اعرف هل سمعتو وحده حملت عقب ما ولدت بدون علاج ؟؟ ادري ربي حبيبي قادر على كل شي ,,, ودي ودي تتأخر علي الدورة اسبوع اسبوعين واحلل اطلع حامل ,,, قاعدة ابجي والله وانا اكتب ابي اتفاجأ انني حامل ,,,, ربي يرزقني ويرزق كل محروم ومحرومه قولو امين ,, والله انني بالولادة والله العظيم ,,, كنت ادعي

يارب انك ترزق كل محروم ومحرومة ,, ويارب تروق كل وحده بمنتدى كويتيات تبي العيال يارب ترزق كل رمحرومة فيه والله العظيم ,,,, اذكر حتى امي حبيبتي تبجي معاي تقوللي بس قطعتي قلببي,,, وضغطي ارتفع وحالتي حاله وانا بس ادعي وادعي ,, لان ادري ان الضنا غالي ,,,
وانا من ولدت مو قادرة اضعف ومتنت حيل من العلاج بالابر والكلوميد زدت تقريبا 25كيلو

وقاعدة احاول انزلهم مو قادرة
حتى دكتور الريجيم طالب الشمري قال اكيد فيج غدة قلتله لا الحمدلله ,, سليمة ,,, على خبري بالغدة كانت زينة قبل سنتين,,, ولكن الحين سويت تحليل طلع عندي خمول بالغدة الحمدلله على كل حال,, وقاعدة اخذ علاجي توني بادية فيه
ابيكم تقولولي هل ممكن احمل بدون علاج؟
ومنو دكتورة شاطرة تنصحوني فيها,,, ان دكتورتي عالية الفضلي اتينن حدها وحبوبة وشاطرة بس ودي باستشاره قولولي شرايكم بهدى الزكري؟؟؟
وادعولي ربي يفرحني بحمل بدون علاج

املي بالله كبير