السلام عليكم
بنات انا الصيفي او الكورس الاول اتخرج حسب التساهيل
وحاطة ببالي اول ما اتخرج اخذ دورة cpa عند انفو سنتر واقدم الامتحان بامريكا ان شاء الله
منو فكرت تاخذ هالشهادة ومنو تعرف احد عنده الشهادة او قدم الامتحانات سواء نجح او لأ؟
انا ببدي احضر حق هالامتحان من الحين ان شاء الله لان التحضير مو سهل والامتحان نوعا ما صعب
بس من اللي قريته بالمواقع من اللي قدموا الامتحان ويابوا درجات عاليه ان اللي يدرس قبل كل امتحان 100 ساعه تقريبا كافي انه يعديه واييب درجة حلوة
الكل اجمع ان الامتحان طويل ودسم بس مو صعب مثل ما الكل متخيل يعني مستواه زين بالنسبة للطالب اللي اساسا كان مستواه زين بالجامعه
وهم قالوا ان الاسئله ماتدش بالعمق بالعكس تكون عن اشياء سطحية بس ان الكمية كبيره
فعشان جذي الاستعداد لازم يكون مبجر مو حزة الحزة
يالله بنات اللي عندها اي معلومة تقولي ابي اعرف كل شي
السلام عليكم
بنات انا الصيفي او الكورس الاول اتخرج حسب التساهيل
وحاطة ببالي اول ما اتخرج اخذ دورة cpa عند انفو سنتر واقدم الامتحان بامريكا ان شاء الله
منو فكرت تاخذ هالشهادة ومنو تعرف احد عنده الشهادة او قدم الامتحانات سواء نجح او لأ؟
انا ببدي احضر حق هالامتحان من الحين ان شاء الله لان التحضير مو سهل والامتحان نوعا ما صعب
بس من اللي قريته بالمواقع من اللي قدموا الامتحان ويابوا درجات عاليه ان اللي يدرس قبل كل امتحان 100 ساعه تقريبا كافي انه يعديه واييب درجة حلوة
الكل اجمع ان الامتحان طويل ودسم بس مو صعب مثل ما الكل متخيل يعني مستواه زين بالنسبة للطالب اللي اساسا كان مستواه زين بالجامعه
وهم قالوا ان الاسئله ماتدش بالعمق بالعكس تكون عن اشياء سطحية بس ان الكمية كبيره
فعشان جذي الاستعداد لازم يكون مبجر مو حزة الحزة
يالله بنات اللي عندها اي معلومة تقولي ابي اعرف كل شي
ويمكن ينفع مع القطاع الخاص بس حكومة ما يهمهم
الامتحان جنه 4 او 6 مواد
مالية – تكاليف وماذكر شنو بعد نسيت
جمعية المحاسبين يقدمون هالامتحان ويعطون دورات حقه
اول مرة ادري ان انفوسنتر يعطي هالامتحان!!
دقي على جمعية المحاسبين استفسري منهم
وسألي بعد دكاترة المحاسبة بالقسم يفيدونج بعد
اذكر د. متولي كان يسولف لنا عن هالشهادات
بالنسبة لي ما افكر آخذ هالشهادة ولا غيرها
لأن شخصيا طقت جبدي من الدراسة ابي اشتغل
صارلي 4 سنين ادرس محاسبة يا الوقت اللي اطبق اللي درسته
يمكن عقب 5 سنين او اكثر افكر آخذ mba ما يندرى
بس انتي دام ان عندج طموح انج تكملين وترتقين اكثر بمستواج هذا شي وايد حلو
شدي حيلج وموفقة انشالله
الامتحان هذا ماتقدمينه بأي مكان بالعالم الا امريكا
بس انفو سنتر متعاقدين مع احسن مركز تدريب cpa بامريكا اللي هو Becker وماخذين منهم اعتماد انهم يدربون عليه
فاللي بيسوونه ان بيعلمونج و يعطونج الكتب والمواد الرسميه و يساعدونج على حجز مكان حق الامتحان و تسافرين تقدمينه بامريكا
هذي اقسام الامتحان
The four parts of the CPA exam include:
Financial Accounting and Reporting
Auditing and Attestation
Regulation
Business Environment and Concepts
تقدرين تمتحنينهم ورى بعض او تخلين فترة شهرين بينهم بس الاحسن ان امتحنهم ورى بعض مرة وحدة مافيني حيل اروح امريكا كل شوي وارجع
فعشان جذي قلت بحضر له من الحين عشان ادشه وانا متمكنه
هذا سايت المركز اللي قلتلج انه احسن تدريب بامريكا
http://www.becker.com
انا فعلا افكر اشتغل بقطاع خاص او هيئات حكومية مستقله بس مو وزارات لو شنو
الوزارات دفن للطاقات والطموح
بما انج بمرحلة التخطيط
دقي على الاماكن اللي انتي حابة تشتغلين فيها بعدين
وسأليهم عن هالشهادة اذا يحتاجونها وشنو تعطيج مميزات
بالخاص بالهيئات الحكومية المستقلة اللي انتي حابتها
على الاقل حطي جدامج خيارات من الحين
لا تسوين مثلي حزة الحزة افكر وين ابي والفرص تطير من جدامي وانا آخر من يعلم
بالتوفيق انشالله
اني اسأل من الحين واعرف شنو الشهادات المطلوبه والشهادات اللي ماتنفع
بالنسبه لهالشهادة بالذات تعتبر جواز مرور لكل المجالات باقسام الماليه والمحاسب بالشركات والبنوك وغيره
غير جذي بالاماكن المختصه بالمحاسبة مثل بعض ادارات البنك المركزي و ديوان المحاسبة وغيرهم من الهيئات
يحتاجون ناس عندهم مثل هالشهادات لان شغلهم من اوله لي اخره حسابات
غير عن الوزارات اللي اقسامهم مو ماخذه من المحاسبه الا الاسم
اعرف واحد يشتغل بالداخليه يقول خسارة هالتعب بالدراسه
حاطيني ادق عالشركات اقولهم نبي هالكثر قرطاسيه جم تعطونا سعر؟ وسلامتج هذا شغله
لو يحطون مندوب مو متعلم هم بيعرف يسوي الشغل
آنا اخوي قاعد يدرسلها صارله سنه لأنه قال يبي يمتحن مره وحده
هالشهاده اكو مسؤل معاه بالدوام ماخذها ما شالله .. يقول انها جدا مفيده .. بسرعه تترقين والمعاش يزيد بشكل كبير وهم تفتحين فيها مكتب محاسبة
بس الامتحان يقول صح مو صعب بس طويل
وان شالله اهوا مسافر هالسنه بعد جم شهر واستفسر منه شيصير واعطيكم تقرير
موفقه ياروز ماشالله عليج
عاد على حظي لما اتخرج بيكونون مسوين تعديلات عالامتحان
simulation بيتغير شوي كان طويل الحين بيسوون اقصر بس بيكون كذا واحد
اخوج ماراح يحوشه بس انا بيحوشني عاد مايندرى ايهو اسهل
وناطره تطورات اخوج
والله يوفقه يارب