بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات بسألكم عن الرضاعه الطبيعيه،، الحين اشلون اعرف اذا البيبي يشرب حليب من صدري!! يعني يمكن يكون حاط حلجه وماكو حليب! يعني شلون اعرف…
ثاني شي،، اذا رضعت بالشفاطه،، بالمميه الوحده شكثر اشفط جم سانتي لانه اخاف اشفط وايد والبيبي مايشربه كله وحرام اقطه !! فجم سانتي اشفط
واخر شي اذا شفطت بمميه انزين وشرب منها وباجي حليل هل اقدر اخليه حق بعدين ولا مايصير!!
وشكراااا لكم 
*
السلام عليكم
بنات بسألكم عن الرضاعه الطبيعيه،، الحين اشلون اعرف اذا البيبي يشرب حليب من صدري!! يعني يمكن يكون حاط حلجه وماكو حليب! يعني شلون اعرف…
ثاني شي،، اذا رضعت بالشفاطه،، بالمميه الوحده شكثر اشفط جم سانتي لانه اخاف اشفط وايد والبيبي مايشربه كله وحرام اقطه !! فجم سانتي اشفط
واخر شي اذا شفطت بمميه انزين وشرب منها وباجي حليل هل اقدر اخليه حق بعدين ولا مايصير!!
وشكراااا لكم
لا تحاتين اول ماتولدين اطلبي من النيرس تعلمج شلون ترضعين ترا الماده الصفره اللي بعد الولاده مفيده جدا للبيبي
بعدين راح يطلع الحليب
وراح تشوفينه يعني بمجرد انج تضغطين يطلع
ومع كثر الرضاعه يزيد الحليب
يعني راح تلاحظين بالايام الاولى الحليب جدا قليل << يكون على قد حاجه البيبي
وكلما كبر زاد الحليب
وانا افضل انج تحطين الياهل على صدرج احسن من الشفط ..
بس انا شلون بعرف اذا البيبي يشرب من صدري او لا؟؟
انا بجريه مثلج ماعرف شي بالرضاعه ناطره اولد ويعلموني المستشفى.
انا بعد امي قالت لي جذي
وعادي اذا ماشرب البيبي اللى بالمميه كله
تقدرين تحطينه بالثلاجه بعدين تحررينه ويرد البيبي يشربه
انا بعد خالتى تسوي جذي لانها موظفه تشفط الحليب وتخليه بالثلاجه
وبعدين عادي اذا قاعديرضع طلعيه من حلجه وشوفي الحليب يصب ولا لاء؟والشفط ما انصحج اذا بجر لان يقولون ينشف الحليب ف خليه يمص طبيعي وهو يدر الحليب كل ما مصواكلي رهش ترى يدر الحليب
وبعد اي استفسار انا حاضره
اهم شي الاستمرار فالرضاعه عشان يزيد حليبج وشربي سوائل كثيره قبل الرضاعه وبعدها
فالبدايه الرضاعه متعبه وماتكون عندج ثقه بس بعدين الامور تتعدل وتستانسين على البيبي
up
انا بعد بجرية واستفدت منكم شكرا لكم
سؤالي .. باليوم جم مره ارضعة ؟؟
صج استفدت
الله يسهل عليج يارب ويقر عينج بشووفه البيبي
برافو عليج تفكرين بالطبيعي
انا جربت الاثنين ولقيت الطبيعي وااااااااايد احسن من الصناعي من ناحيه الغازات وبطنه ومعدته والبوصفار يعني صج صج ارييييح بوايد
شوفي اول شي كل والده يطلع حليب فلا تحاتين راح يدر حليبج من اول يوم ولاده لج طلبي منهم ايبون البيبي ترضعينه لان هما يخورنه ويعطونه مميه بدون لا يسألون الأم
اول شي البيبي اذا ماطلعله حليب راح تشووفينه يبجي
اذا مص مص مص وبجي مره وحده يعني مايدر حليبه
وراح تلاحظين ان فيه شي يمشي بظهرج وصدرج شوي هذا كل مامص البيبي تحسين بهالششعور سبحان الله
واول شهر راح تحسين بعوار برحمج بعد هذا دليل ان قاعد يرد مكانه
ومن ناحيه الشفط
انصحج ترضعينه من صدرج افضل لان الشفط كثرته موزينه اول شي يقل حليبج وثانيا يترهل صدرج يخلي الصدر جنج عيووز لوووول
بس اذا للضروره البيبي اول شهر يشرب 60 مل الارقام موجوده بالمميه واذا صار عمره فوق ال 3 اسابيع تعطينه 90 مل
يعني ترسيه لي 60 مل اذا بقي شوي خشيه بالثلاجه 3 ايام مدته
واذا بالفريزر 6 شهوور
واي سؤال انا حاظره من عنوني يا عيووني :d
up
انا بعد بجرية واستفدت منكم شكرا لكم
سؤالي .. باليوم جم مره ارضعة ؟؟
كل ساعتين بالضبط
هذا كلام دكتوري
انا كنت ارضعه كل مابجي وهذا غلط
لان اذا شرب حليب ينهضم بعد ساعتين واذا رضعتيه اقل من ساعتين راح يصير القديم علي اليديد وراح تتعب معدته تسبب له غازات ويرجع وايد
والحمدالله الحين عودت ولدي علي الساعتين كل ساعتين يقوم يبجي ارضعه ويرد ينام وهكذاااا
واذا رضعتيه راح تلاحظينه وايد بطئ يعني عادي يقعد علي صدرج نص ساعه او اكثر انتي لا تتعبين هي الرضاعه شويه صعبه كل مانام علي صدرج حركي اذوونه او خدوده علشان يمص
بس راح تكون سهله الضراعه بعدين اول شي البيبي صغير مايعرف راح تلاقين صعوبه
مس جوكو الله يسهل عليج
بصراحه انا اليوم الي اولد فيه
مارضع فيه لاني اكون تعبانه
ثاني يوم ابدأ ارضعه واصلاً مايكون فيني
حليب بس اخليه يرضع وينزل له حليب بكميه قليله
وايد لان حجم معدته كبر حجم تيله عرفتيها يادوب هالحليب يكفيه
ويشبعه ماعليج انا لما كنت بجر كنت شووي متوهقه وارضع
صناعي مع طبيعي بس عدا اسبوعين صارت بنتي ترضعني طبيعي
الحمد الله وهالمره الحمد الله من طلعنا المستشفى واهيا ترضع طبيعي
الخلاصه يبيلج 20 يوم بالكثير على ماتعودين
وخلي ارادتج قويه وهالشي حق من حقوق الطفل
عليج لاتحرمينه مـن حقه تعب اول سنتين فتره مؤقته
كفايه احساسه بالامان يعني مشبع عاطفياً وجسدياً