سفره شهر العسل انصحوني يا اهل الخبره .

السلام عليكم ورحمة الله وبركاته

بدون مقدمات لاني مو شاطره بتصفيف كلمات المقدمه .. مباااشره للموضوع

انا سعوديه وعرسي سادس ايام العيد ومحتارين انا وزوجي وين نسافر واثنينا انا وياه مالنا سوابق بالسفر ..

اهو مسافر الاردن وسوريا ايام قبل وبسسس باقي سفراته كلها داخل السعوديه وعنده خبره بالمناطق الداخليه على شان جذي يقترح اننا مانطلع برا

اما بالنسبه لي انا مابي قلت له المناطق الداخليه خلها بعدين الحين شهر العسل لازم نطلع برا نغير الديره ..

فقالي خلاص انتي اللي تحددين الدوله وانتي تحملين المسئوليه اذا ماستانسنا..

على شان جذي ابي مساعدتكم بما اني ماعندي اي سابق خبره بالسفر وابي نصايح صاحبات الخبره

ابي مكان يكون الجو فيه حلو ووناسه يعني مايكون ضيقة خلق ومحتاره اخاف اقوله مكان وبعدين يلومني

احنا محتارين مابين (( عمان.. مصر.. ماليزيا.. لبنان.. او مكان ثاني تنصحوني فيه ))

بالنسبه لوقت السفره بيكون اول شهر اكتوبر ( 10 ) لمدة 10 ايام بسسس

والميزانيه زوجي حاط 15000 ريال ,, يعني تقريبا 1300 دينار

وين تنصحوني…… مع العلم ان زوجي مامعاه لغه واعتقد على شان جذي مو حاب الدول الاجنبيه

ناطره نصايحكم وتفاعلكم معاي