شنو النادي الصحي المفضل بنات عنكم؟؟؟

انا نادي المفضل شامبيونز الجابريه واسعاره stillارخص من الباقي ويهتمون فيج ويتابعونج وهم لانه ثقه ومافي سوالف واشكال او بنات وصخين فاهمين قصدي يعني كل اللي فيه محترمين وراقين معنه صارله قريب 10 سنين او اكثر بس للحينه يديد من داخل وهم اروحله لاني اعرف منو صاحبته وراعية النادي نفسها تفتر في نادي ولمه يكون في kids club اههي تشرف عليهم بنفسها يعني النادي مضمون 100%مافي خرابيط او كاميرات واييد يحترمون سالفة انه ممنوع تفتريين يم المسبح بيدج تلفون كاميرا وهذا اهم شي

اما فليكس الصراحه ويع ماعجبني دشيت شفت وسألتهم في متابعه اتقولج لا الا اذا سجلتي 3 شهور ممكن انتابعج!!!اي شي ويع ويع ويع بكل معنى الكلمه وفوق كل هذا النادي طوابق ويع الصراحه حده طايح من عيني نادي يعني شنو نادي 5 طوابق كل شوي صاعده نازله عشان العب على الاجهزة ولا اروح سكواش ولا ادش حمام باحه ويكفخني الهوا البارد وانا بالمصعد كل شوي ..لالا كلش ماعجبني وايد يهال وايد بنات صغار يحوسون ماعجبني ..وكاتبين عندهم كارتيه وهم ماعندهم مدربه وهالحجي كان على شهر 7 العام الحين مادري عنهم لالا ويع الصراحه واسمحولي بنات اللي مسجلين في هالنادي كل واحد ورايه وذوقه

شامبينز على الاقل يحطولج برنامج تمشين عليه وتواريخ كل ماتتمرنين على الاجهزه ويسولج اختبار قدرات وملف حتى لو مسجله شهر يسولج واذا عديتي عدد معين من المرات على التدريب يطورون برنامجج..وعندهم مدربة كارتيه على الاقل وايد تهتم وكدشتنا عدل بس سافرت لمه خلص اشتراكي بس اكيد يابوا الحين وحده يديده كانت عاد خوش مدربهاي وفي مضمار مشي بعد

وهذا عن تجربه

اما لافام حلو وايد من داخل بس عيبه صغير وصراحه سعره مايسوي حجمه يعني اذا بتسجلين وصار صيف شوفي الزحمه اما تدريبهم مادري عنه بس اجهزتهم زينه

عند بعد fittness اللي يم جمعية المعلمين في الدسمه انا ماشفته بس غالي حيل اغلى من غيره ومادري بعد اذا زادو سعره او رخصوه وماشفته من داخل فاماقدر احكم اذا زين او لا

هذي يمكن احسن نوادي الكويت اما الباقي الله اعلمروحي دشي النوادي تمشي فيهم وشوفي قبل لا تسجيلين واللي يعجبج سجلي فيه
وشكرا