لمعلمات العلوم والاداريات ابي رايكم

حبوبتي العلوم مدللين في كل مكان لان توجيهم قوي هذا اولا وثانيا الادارة تحترمهم واييييييييد وعندهم محضرة كل شي تنجزة عنهم فقط يصلحون ويشرحون اما الادريات ادرة عن ادارة تختلف ماياخذون مناوبة واشراف اداري ولا كنترول ولايحزنون بس ترى فاتحينها دلالة وبيع ويسافرون وايييييييييييييد اثناء الدوام علشان البيع لحسابهم واكثر من مربح القهوة العربية هم

اي والله قسم العلوم مهضوم حقه دائما

جان زين مدللينا الا نشتغل وما يبين بعيونهم بعد

والتوجيه ما منه فايدة بس على ناس وناس

اذا تبين على تدريس المنهج نفسه حلو والباقي يعتمد على ادارتج انتي وحظج

up
up
up

من صجج درستي أربع اسنين وتعبتي وأخرتها اداريه لاوالله مو تنقيص فيهم لا حشى"" بس أنا أنصحج خليج على التدريس جم سنه بعدين لا كبروا عيالج حولي اداريه إذا أنتي متزوجه

اي والله العلوم صعب
يبيج تحضير ادوات و طرق مختلف للشرح مو بس الطريقة العادية لا مرات بوربوينت وغيره وخاصة اذا المخضره الله بالخير ما تسوي شي

كنت تربية عملية وحسيت صج تعب
وحتى انا خايفة اقدم على التدريس مثلج