مبروك احلى واغلى عروووووس

بسم الله الرحمن الرحيم
والصلاة والسلام على اشرف الخلق والمرسلين محمد بن عبدالله وعلى اله وصحبه اجمعين
اما بعد
اختي وحبيبة قلبي ومهجة فؤادي
حبيت ابارك لج بصوره مميزه وتبقى ذكرى بقلبج دايم
قلت ابارك لج قدااااااااااام الكل

مبروك يا اختي الفين والفين مني هديه
مبروك ياقرة العين ياربي يخليج لي

وعادي لي غيرت بالكلام كيفي

عروسنا بالحلا محدن يعذربها عز الله اللي خذاها ماخسر فيها العب العب عاشوا عاشو

المهم خل ابارك لج
مبروك الف مره لج يا ام عيالي
ماانسى دورج في تربيتهم وضفتهم يابعد قلبي
وانتي لاتنسينهم لا اعرستي واشغل بالج سبع البربمه

المهم فديت امي انا <كلش موخاقه

يمه ترى هذا التطور عادي نبارك في النت محد يدري

المهم نرجع للعروس
مبروك
واسمعي النصايح وانا اختج
الله الله بالعقل والركاده ترى العقل زينه المره
والله الله بالذرابه
وحللي جهازج
اكشخي ثم اكشخي ثم اكشخي لاتخلين تعب امي يرووح هدر
المهم يا حبيبتي
اهتمي بحياتج من طأ طأ لي سلام عليكم
الله الله بالنظافه خلي غرفتج تلمع وريح البخور يعجعج فيها
والذرابه
الضحك له وقت والتبسم له وقت والطنقره لها وقت <<نحتاج لها بعض الاحيان
والعيشه الله الله بالعيشه لحد يموت جووووع
ترى رجلج مهو مقابلج اربع وعشرين ساعه
لي طلع روحي الحمام وتفركي لين يبرق جلدج
وتبخري لين يعبق شذا عطرج واستغلي الفرصه وحشي لج توسته بجبن قلاص واشربي لج عصير لحد يهلك وتنقر عويناته

وعجوزه الله الله فيها
اللي تبينه لامج سويه لها
تبسمي في وجهها وسولفي معها ولي غثتج طقيها بكس بوجها لا امزح اكسبي العجيز بصفج

المهم
ترى لج حقوق اعرفيها ولاتهملينها
لايمر الشهر الا مطببته السوق
ترى ابنج على ماربيتيه وزوجج على ماعودتيه
والله اني كنت كاتبه شيء واجد بس انمسح
المهم
الله يوفقج ويسخر لج اسمر الللللللون

ويرزق اللي بعدج
تراني افرح بزواجكن
واللي تحتها لاتضحكين عسى الله يرزقج بعد بس مو الحين توج بزر

والله يكتب لج حفظ القرآن كامل كلنا يارب واولنا انتي يا الدره
المهم
اسرتي الحبيبه
تراني احبكم وايد <<يعني حضريه
وناصر ولدي يموت عليكم <<علشان محد يشكني خخخخ

بكره فطوري عندكم
ويمه سوي شعيريه حق رجلي نفسه فيها كل يوم مذيني عليها

ايه وبعد الله الله في بعض

ومبروك الف مبروك ياحبيبة قلبي
وسلام للكل
عسى نبارك لج في جناتج الست قولي امين