موضوع يديد وما توقع احد طرحه مشكلة رفيجتي وتبي الخبرات يحلونها

وعلا قولة عبدالكريم (( ايا الاسمر يازين ..حبك عذبني وحنانك غير الواني …))

استغفر الله يعني اهو احسن من الله الله سبحانه عنده الناس سواسيه مافي فرق بينهم لا بلون ولا شيء الا بالتقوى

ما عليها منه خليها تلبس ولا تتخشش اهي ما فيها شيء شنو يعني اذا سمره اصلا يا حلو السمر والله مملوحين

واهي سمارها عادي مو غامجه

لا تفكر ولا تحط في بالها خليها تصير واثقه من نفسها وغصبن عليه اهو بيحبها تالي وما يعايرها

صج ناس عقلهم صغير وصلنا لللون وين قاعدين

عندي رفيجتي سمره تهبل يا زين سوالفها وخفة دمها

عمرنا ما قلنالها شيء

ليش تحط مكياج جذي ؟ 3 درجات افتح عاد ؟ ؟ انزين بتغطي ويها و جسمها شلون شلون فيه؟

هذي مشكلة المبالغة بالمكياج الله يهداها كأنها غشته

الوحده بالخطبة ماتكثر مكياج عشان يشوفونها على طبيعتها مو يشوف شي و عقب ماياخذها يطلع شي ثاني

خل تحورف بعمرها و تسوي جلسات توحيد لون بهالصالونات و مراكز السبا

و تبين له انها مهتمه بنفسها .. هذا اذا كانت تبيه و متمسكة فيه

الله يوفقها و يهديييه لها

كل ماقالهاا ليش انتي سمره ؟

ليش ركبج سووود

خليها تضحك من قلبهاااا وتقوول شنو الواحد يختار لونه بعد هههههههههههه

راح يحس بتفاهته

لأنه مع احترامي لها تافهه

وخليها تلبس ولا يهمهاااا
ولاتحط فاونديشن شكووو كل يوم وآخرتها يعيب بعد

بالطقاااااااااااق

خليها هي تقتنع بالاول ان هالشي عادي

مشكلة رفيجتج حاسه فعلا ان سمارها عيب او غلط

واذا تكلم وقال ليش وليش

خليها تقول شفيه مهند قام يسأل وتضحك مثل مايعيب تعيب

وخليها تقوله انت ليش ابيض حيل جذي

طبيعي ولا فيك شي ؟

هههههههههههههههههههههه

والله ضحكتيني يبااا خليها واثقه من نفسها بس وهذي الدنيااا

خل تنرفزه تمسك عليه شئ اهوا مايحبه بنفسه شوفي شغله ربعه امه اهله وتظغطه فيه كل ماقال عن سمارها قالت عنه بيلاقي نفسه يتحاشى موضوع سمارها وانا ادري انها مجروحه من داخل ومهزوزه ان الصوره الي كونتها كبنت ابيت ابوها عن زوج المستقبل تغيرت من اول ماعيب عليها توقعته كامل بعينها مثل ماتوقعت انها تكون كامله بعيونه ولمن شافته يعيب عليها وعلى خلقتها اهتزت من داخل وصار مكان الحب كره شوفي الصبر حلو وزين والريال مثل الياهل على كثر مااادلعينه وتلعبين معاه وتعطفين وادارينه يحبج ويتعلق فيج اكثر واكثر حتي لو ماكنتي الاولى بحياته شوفي حبيبتي قولي لها انتي كبيره الحين ولازم تعرفين من ليس له حيله فليحتال خليها تلبس وتخفف مكياج تسوي شعرها عادي بالبيت وتكشخ وتقعد اطالع تلفزيون ولا تقرا جريده او مجله قباله بيلاقيها مو مهتمه فيه ولا معطته بال على التعليقات وانه مهما قال عن بشرتها اهيا فخوره انها سمره وفخوره انها على الي اهيا فيه بنت ذكيه ومملوحه ودلوعه ومرتبه وذربه وماهمها كلام الناس او كلامه كله تقطه بالبحر مهتمه بريلها وابيتها وبعيشتها ومستعده تتعلم تحبه وتعلمه يحبها بيعجب فيها وبقوتها وحنان وحرصها بيتقرب اكثر واكثر لها وبيعرف ان نقطه ظعفها صارت نقطه قوه لصالحها وبيعرف ان هالشئ ماقام يفرق معاها ويخليه .. اتوقع ريلها صغير بالعمر وطايش ولي الحين ماتعلم المسؤوليه الي يسوي جذي علشان ينرفزها ويحاول يطلع الغصب والعصبيه الي فيه بطريقه او ثانيه انتي غشيتيه واهوا بعد مثلج تخيل شئ وطلع شئ ثاني مو معناته شئ مو حلو بس ماكان في باله الانسان يحلم باشياء ويحب يحققها ولمن يعرف انها ماتحققت يتغير ويتبدل من داخل
صدقيني لي عرفت سر ريلج تقدرين تسوين كل الي تبينه وتحبينه وبعدين الله يخلي ميامي السمره والبيضه وعبدالكريم عبدالقادر ايا يالسمر شغليهم طول اليوم ورقصي جدامه توكم متزوجين بسم الله مو حلوة تستسلمين بسهاله له وتخربين حياتج واسمج توج صغيره معاج الوقت كله لايهزج شئ خلج قويه جدامه وبيموت فيج …
___(((( لللعلم انا بيضه حيل حيل حيل الي عروقي تبين من مكاني تقولين شايفه شبح ونفس التعليقات توصلني من اهلى ولا اهتم كيفي بيضه سنووايت والي يبيني بيعرف اني بيضه واحب بياضي كافي ماخذ ملكه الثلج كله لوووووووووول))))