يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما

السلام عليكم ورحمة الله وبركاتة

في فترة زمنية سابقة جتني بنت من أقاربي وقالت لي كلآم يتعلق فيني بشكل كبير

نقلا من بنت ثانية ومن أقاربي بعد , هاللاكلام فيه أتهام لجهة ماراح أفصل بالموضوع أكثر

لكنه بالمختصر المفيد أنه هناك من زور باأسمي شغلات نهايتها وخييمة,,,,

أنجن جنوني لكن مثل كل مرة أتعب نفسي وأراقب الأمور من بعيد خوفا من أي شي ممكن يصير

قلت لأهلي الكلام الي وصلني , وأهلي مثل كل مرة بعد لازم يخلوني غلطانة بكل شئ….

صرت بين أمرين أما السكوت أو مواجهة هالجهة على الكلام الي وصلني ومعرفة ملابسات الموضوع…

لكن بما أنه كلام ومن أقارب بعد ماراح أعتمد عليه,لأنه لو جاني نفس الكلام من أحد ماأعرفه أو

بعيد عني ممكن أصدقة بس من قريبة مستحيل راح أصدق كلام بعد كل الي شفته من العقارب وليس

أقارب,,,

رحت بنفسي للبنت الي وصلني منها الكلام واجهتها شخصيا قلت لها كيف عرفتي هالكلام

وكيف أكتشفتي تشابة الأسم والمعلومات مع أنها تعرف أني مو ملتحقة بالجهه لامن قريب ولامن بعيد,,,

قالت لي : ها مدري مدري بس شفت الأسم وقلت لج
وبعد المواجهه أكتشفت أن هالبنت سوت هالسالفة كلها بس لأستفزازي وتدري أن هالأمور تضايقني

فحبت تسوي لي سالفة تستثير أعصابي فيها وماحد راح يندم غيري بالنهاية,,,

يعني بالمختصر هي جذبت علي جذبة وبسبب جذبتها أنا كان من الممكن يصير لي مشكلة في حال أتصرف بدون ماني متأكده من الموضوع,,,

بقمة الأزمة ,, كنت أتذكر آية ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

كنت أفكر أنا يامريت بمصايب وكانت من ورى ناس من اللحم والدم
كانوا هم أشد الأعداء بالنسبة لي,,للشماتة جاهزين , للسوالف والقال والقيل جاهزين

للمضايقة جاهزين ,, فليش أصدقهم وأصدق كلام ينقلونه بعد كل الي صار؟؟!!!

هذي الآية كانت جواب قوي قاطع للي أنا مريت فيه( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

فكرت هالبنت والبنت الثانية عمرهم مابغوا لي خير! أكره طبع الحريم غيرة وحسد وحقد

ليش بغيت أصصدقهم وأدخل نفسي بمتاهه صعب أطلع منها

الحمدلله اني أكتشفت أنهم كذابين الحمدلله الي جعل الله لي بهالآية مخرج لما أنا فيه

كانت رفيجتي تسألني شسويتي؟؟ قلت لها ماسويت شي غير هاللي بالآية ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين)

بالنهاية,,

بزمننا ماأكثر الفاسقين!
وماأكثر الناس الي تبي لج المشاكل!
وماأكثر الناس الي بتضيعج بغيرتها وحسدها!

أذا وصلج أي كلام تذكري هالآية( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين)

أذا شكيتي بشئ تذكري هالآية( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

ولا تستسلمين لكلام عدوا حرضه الشيطان لزعزعة الهدوء النفسي عندج

تذكري أن هالدنيا مليانة شياطين أنس وجن كلهم يتعانون لهدم أي راحة نفسية من داخلج,,

باأختصار

أي مشكلة عندج تلاقين الأجابة لها والرد عليها بالقرآن أتبعي الحل فيه وترتآحين

والسلام عليكم,,