قلت اسم الزين؟ قالت لي شروق

وين احـصّل بالبشر خلٍ(ن) صدوق
اشـتـكـيـلـه ويـسـتـمـع لـي باهتـمام

الـهـِـجُـوس كـثـار والـخـافـق يـضـوق
يــالله إنـي طـالـبـك .. زيـن الــمــنـام

وقـفـت بـالـجـوف دقــات الــخـفــوق
من سبايب مهرت(ن) ارخت لثام

مـا هـقـيـت الـزيـن ذبـاح الـشفـوق
لـيـن صــاب الـقـلـب من عينه سهام

اثـرنـي ضـعّـيـف وقـلـبـي مـايـعوق
كنت احْـسِـبه جامد شديد وما يضام

مـن حـلاتـه جـف دمـي بــالــعـروق
اشـهــد إن الـزين يـعـطـيـهـا وسـام

قلت اسم الزين؟ قالت لي شروق
قــلـت عــز الله شـروق بــلا ظــلام

زانــت الـجـلـسـة وزيّـنْـت الـطروق
جـبـت لـه أحــلى الـقصايد والكلام

قـرّبـت مـنـي وقـالـت لـي تـذوق؟
الـفـواكـه .. الـعسل .. بيض النعام

قـلـت خـايف ابتدي تقولي طفوق
يـوم جـاتِ مــنـك اسـقـيـنـي أوام

قـرّبـت تـسـقـيني من فمها عذوق
وانــا جـالـس انـتـظـر وبـل الـغمام

صـاح صـيّـاح(ن) يـنادي لا تبوق
لا تـمـادى بــالــفـعــل هــذا حــرام

انـتـبـهـت وقـمـت من نومي واروق
قـومـتـنـي ساعــتـي وقـت الـدوام

بـعـض الحلوم ماودك انك به تفوق
وهـذا اخـر حـلـم جـانـي بـالـمـنـام