اهل زوجي كرهوني بالضيوف 00كل وحده ساكنه مع اهل زوجها تتفضل

السلام عليكم ورحمه الله وبركاته

تروني كتبت الموضوع ثلاث مرات والاتصال يقطع وبالاخير استسلمت
وقلت معد بكتب 00لاني حسيت اني فضفضت

باختصار شديد 00السالفه ومافيها

انا ساكنه فوق اهل زوجي 00
وام زوجي من يوم تزوجت وهي اول مايجيني ضيف لبيتي لازم تجي
طبعا لازم اناديها
او زوجي يقول لها بنيابه عني (لقافه)
حتى لو الضيوف اخواتي 00او صديقاتي او قرايبي

يعني تعودت ان اذا عندي ضيوف تجي واذا مادقيت وجاني احد
من قرايب زوجي كمان تجي

المهم في الموضوع اخواتي 00وجاراتي وصديقاتي
صاروا يتجنبون يجوني بسبب خالتي ام زوجي
لانهم ينحرجون كثير منها
والقعده تنقلب رسمييييه اول سكوووت

اول ماتدخل000000
وكلهم يقولوا اعذرينا مانقدر نجيك الااذا ماعندك احد 00
وبالمره ماصرت اتحمس احد يجيني بيتي لاني مااخذ راحتي ابدا ولا ضيوفي ياخذون راحتهم عندي
واتاري اهل زوجي مفكرين انو انا مااحب الناس ولا احب احد يزورني
ويجيني بعض التعليقات منهم يوصلها زوجي بدون قصد
اخر المهزله
انه جات فاتوره الكهرباء وطبعا لازم تمر على عمي وكانت حوالي 400ريال
ولما شافها تدرون وش قال لزوجي (من كثره الضيوف اللي يجونكم00ليش الفاتوره مرتفع

طبعا انا طنشت وماحرك فيني شعره 00
لكن حسيت انهم مايستاهلوا اني احرم نفسي الجمعات والزيارت
عشانهم
ومن بعدها صرت انادي اللي ابي
وبدون ما اعطي ام زوجي اي خبر
طيبتي الزايده خلتهم يتمادوا اكثر00

انتوا وش رايكم انا خلاص باتبع هالاسلوب 00لان سلفاتي بعيد وماخذين راحتهم
وفالينها

وانا اللي متوهقه كل شي لازم يكون عندها خبر فيه
(0حتى جلوسي على النت تحاسبني عليه )

وجزاكم الله خييييييييييييييير للي بترد

منقول