اتمنى منكم المساعدة خواتي المتزوجات

مساءالخير بنات

انا من زمان مشتركة معاكم في المنتدى بس مشاركاتي جدا قليلة
ومحتاجه نصيحتكم ومساعدتكم
مع انه عمري ما طلعت او قلت لاحد عن مشاكلي الزوجية
لاخواتي ولا صاحباتي اعتبرها اشياء خصوصية ما لازم تطلع برا الزوجين
بس وصل هالشي الى حد احتاج الى نصيحة او مساعدة
وانا دايما اتابع مواضيعكم واغلب البنات ما شاءالله عليهم ما يقصرون بالمساعدة جزاهم الله خير

بنات انا صار لي تقريبا ثلاث سنين متزوجة
وعندي ولد عمره سنه و8 شهور
حياتي بشكل عام مستقرة ومافي مشاكل بيني وبين زوجي وعمرنا ما تهاوشنا
الحمدلله زوجي طيب وحنون وهادئ وعارف ربه

بس اللي مكدرني جانب واحد بحياتنا احسه صار شي هامشي بحياتنا
مع مرور الوقت دخله الفتور والبرود والمشكلة طبعنا انا وزوجي عمرنا ما تناقشنا عن مشاكلنا في هالجانب وجها لوجه
مشكلتي هي حياتنا الخاصة ما احس باي اهتمام من زوجي لها
دايما انا اللي ابادر بهالشي واذا ما لمحت نادرا ما يجي هالشي منه
وصار عادي عنده انه يمر اسبوع من غير ما يصير بينا شي
وتطور الموضوع الى اسبوعين وثلاثة وشهر !!
احيانا اقول يمكن وضعنا طبيعي وانا مكبرة الموضوع
واحيانا لا ما احس الوضع طبيعي بالنسبة لي صار الموضوع شي عادي ما عندي اي مشاعر او اهتمام والسبب ما ابي اشرح اكثر بس كل متزوجة تعرف شلون كل ما طالت الفترة يصير كل شي بسرعه بسرعه ومع الوقت احس زوجي ما صار يراعي مشاعري

وهالشي ما صار له شهر او شهرين هالشي صار له يمكن سنتين
تخيلو يا بنات من تزوجت ما جدددت اقمصة نومي وقبل سنه شريت ثلاث جدد قلت خلني اجدد من ناحيتي بس كل واحد منهم انلبس مرة او يمكن ما انلبس
وقبل اسبوعين من قهري شلت كل اقمصتي في شنطة سفر لانه وجودهم وعدمهم واحد صار لهم شهور ما قربت لهم

ناقشت زوجي في هالشي مرتين مرة قبل سنه ومرة قبل اسبوعين وعادتي مع زوجي الشي اللي ما اقدر اقوله له وجها لوجه ارسله له رسالة عالجوال اول مرة تفهم الوضع وحاول يتغير بس كلها فترة ونسى الموضوع
والمرة الثانية ما حسيت من جانبه اي تغير

مع اني عارفة انه يحبني ومتاكدة من هالشي
وصار يوميا الصبح يرسلي رسالة روحته الدوام
وقبل اسبوع لما رجعت من بيت اهلي فاجئني ببوكيه ورد

بس انا انثى حالي حال اي متزوجة نفسي احس انه زوجي يحبني يحسسني بمشاعره واحاسيسه

ادري اني طولت عليكم بالكلام بس انا اعتبرتكم مثل خواتي
وفضفضت لكم عن اللي بقلبي يمكن الاقي منكم مساعدة تريحني