رحلتي للوزن المثالي والصحه ان شا ءالله تشجيعكم يهمنى

السلام عليكم ورحمه الله وبركاته

اخيرا وبعد انتظار دام شهور قررت اني ابتدي نظام صحي ورياضه عشان انزل وزني وارتبه لانه قبل الزواج كنت شي وبعد الزواج والعيال صرت شي ثاني .. مع انه الوزن مب وايد زاد بس الترهلات يا سلام بكل مكان وطبعا نشاطي وصحتي وايد تغيرت صرت كله تعبانه والهث ومافيني شده على شي .. قلت شدي الهمه يالله وابتدي وخلي الايام اليايه اتكون احسن وانشط عشاني اولا وعشان بيتي وعيالي ثانيا ..

المهم انا اصلا طولي 155 ووزني 60 اللي اطمح له يكون وزني 52 ان شاء الله من غير شر
نظامي بيكون تخفيف بدون حرمان ومحاوله اني اودر الاكل الجانك واركز ع الصحي والمفيد .. وطبعا بحاول امارس رياضه يوميه واللي حابته هو الاوبتتراك 20 دقيقه و ايروبك 20 دقيقه
وطبعا بركز ع السوائل والماي باذن الله بحاول التزم اشرب لي بطل ماي لتر ونص يوميا ..

بوزن نهايه كل ويك يعني ع السبت ..
وبالنسبه للقياسات بحاول اشوفها بعد ووين تغيرت اللي اتمناه اني كرشي يروح لانه فشله كاني حامل

ممممممم .. وبحاول اخ شاي نعناع وزنجبيل واخضر وها السوالف بدل الكوفي مع اني ما استغنى عن الكوفي احبه موت .. وطبعا بدون سكر
وبخذ لي يوميا قبل الوجبات حبه اكاي بيري يقولون زينه وتحرق ..
ويالله اتمنى القى تشجيعكم .. بحاول اصور كل شي اكله وان شاء الله اوصل للي ابغيه يا رب وياكم ..