بالصور ** دجاجه المخليه بالحشوه مع التورتيلا بحشوه الافوكادو

بسم الله الرحمن الرحيم

هذي صورتهم

نبدي بالديايه
تشترين الديايه المخليه من العظم انا احصلهم بمحل دين اند ديلوكا بالافنيوز
اغسلها وامسحها بطحين فتره وبعدين ارد اغسلها واتبلها بليمون وملح وقفشتين صويا خالطتهم مع قفشه معجون طماط وقفشه زيت زيتون وفلفل اسود واوريجانو وثوم بودر وتخلينها متبله من ساعه واكثر

تسوين الحشوه اللي تحبينها انا حشيتها خضار مسلوقه مثل الجزر والكوسا وحمستهم مع بصل شرايح وبهرتهم بفلفل اسود وملح وكمون وحشيت فيها الديايه ولفيتها وتقدرين تسكرينها باعواد الخشي مالت الاسنان او اذا عندج خيط سميك لفيها

وحمريها بالفرن

اللحين نسوي التورتيا

تاخذين عجينه التورتيا الجاهزه من مركز سلطان وتسوين لها الحشوه

حبه اوحبتين افوكادو حسب كميه التوتيلا وتقينها نصين وتطلعيتن اللي بداخلها وتهرسينه مع عصير ليمونه وملح وفلفل اسود
وتفردينه على التورتيا

وهم اخذي فاصوليا العلب وانا افضل الفاصوليا السودا تنباع بمركز سلطان اطبخه مع فص ثوم مدقوق وملح وفلفل احمر

واهرسيه وفرديه عالتورتيلا

ورشيهم جبنه بارميزان ولفيهم وصفيهم بصينيه فرن
سوي صلصه طماط نفس صلصه البيتزا وصبيه عالتورتيا ورشي فوقهم جبنه مازرولا

وخليهم بالفرن الى ان تسيح الجبنه وتتشرب الصوص

وقدميهم مع الدياي

وممكن تسوين التورتيا بحشوه اللحم المفروم وتقدمينه بدون الدياي وبالعافيه