البنت الأم الأخت

يسعد مسااااكم ياااارب

الله خلقنا كلنـا انـس والجـان
والله جعل للبنت نظـره فريـده
تحس فيها شـي يجذبـك فتـان
حتى وهي في المهد طفله وليـده
يكفي انها دايم قريبه للاحضـان
من يوم تولد لين تصبـح قعيـده
ويكفي انها للحسن والطهر عنوان
من عهد مريم لين وقت القصيده
البنت زاد الروح والبنت بستـان
نزرع به البذره ونرجى حصيـده
من يحمي البستان من كل طمعان
لابد ما يثمـر وتطلـع وريـده
والبنت دره دايم الـدوم تنصـان
من يهمل الدره فقل شلـت ايـده

البنت امك يالذي فيـك نقصـان
والبنت امـك يـا ردي المكيـده
والام تحت اقدامها باب لاجنـان
ياللي تبي الفردوس ياللي تريـده
والبنت بنتك كان للبنت حقـران
والبنت عزك في الليالي الشديـده
والبنت اختك يالذي دوم سهـران
ما بين شات وشات تلمح لصيـده
راجع لنفسك يالـذي دوم تيهـان
والدين تكفـى لا تفكـر تزيـده
هذي نصيحه قالها قلـب شفقـان
للي غواه ابليـس واحكـم لقيـده
واخر كلامي كان للطهر عنوان
اسجله للبنـت باعلـى الجريـده

تحيااااتي لكم مع أطيب تمنيااااتي
شيهـ الفهد ـاااانة