انا قلبى طيارة ورق ومرفرفة وسط الغيوم

انا قلبى طيارة ورق

ومرفرفة وسط الغيوم

اوقات بكون فوق فى السما

وساعات كتير بنجرح
ما اقدرش اقوم

وتيجى نسمة تصحى فيا

تاخدنى تانى من ايديا
ونطير سوى فوق للنجوم

وارجع واعافر فى الهوا
وارجع واطير من غير هموم

ادينى طاير فى السما
وسط الحمام ..

ولا ليا حبل يشدنى
ولا فى لجام ..
بقدر اطير وسط السحاب
واسرح بعيد ..

مايهمنيش اعيش فى الخلى
او اكون وحيد ..

ما يهمنيش ..
ادينى طاير فى الهوا
من غير وقوف

ويوم ما الريح بتهدنى
برجع واطوف ..

فى كل اتجاه ليا طريق
ما اعرفش توهه
ما اعرفش خوف

ادينى طاير فى الهوا
من غير وقوف ..

مما لمس وجدانى