هاي بنات
مابي اتكلم عن علاقتنا مع ازواجنا داخل البيت
ابي اتكلم عن العلاقة برة البيت
شنو التصرف اللي كان زوجج يحرجج فيه جدام الناس
مثلا ينزرج بالسوق
يتطنز عليج بالمحل وانتي تقايسين شي
يعصب عليج بمحل المكياج ويقولج بسج من هالخرابيط
او تتمشين على الراحة ويزفج على برودج
او يزف اليهال
او بينج وبينه متر وكل واحد يمشي بصوب
او يضايقج بخز هذي وذيج
او وقت الدفع ينحاش من المحل جنه ما يدري 
وغيره من تصرفات
وشلوووووووون قدرتي تغيرين هالتصرف ؟
……………
ابدي
انا ساعات من غير قصد واحنا نتمشى ابأي مجمع ينزرني بس بيني وبينه مو بصوت عالي
يا بسج مكياج
يا يالله خل نرد
او يرد بنزر على موضوع معين بالذات اذا اذونا اليهال
عاد لا تشوفوني لووووول
بسرعه احتقن ،، واقوله : يالله يالله البيت
وان كنت اكل اقوله شبعت وقوم اتمشى بالمحلات
المشكلة يتعذر ويقول والله مو قصدي بس انتي دلوعة ما تتحملين !!! يا سلاااااام ،، و الوقت اللي ينزرني احس كل اللي بالمكان اسمعوا وشافوا تعابيرنا .gif "Eh S(13)")
بسرعه ينقص ويهي ،،
بس الحمدالله الامور تعدلت لما سويت اضراب عن الطلعه معاه ،، وشوي شوي قام يضبط نفسه
او من يبدي يعصب امسك ايده وابتسم واقوله ورا بعض ( ابتسم ابتسم ابتسم ) اعلق عالكلمة .gif "Eh S(3)")
وحتى ساعات يقولي ميو مسكينه هذي زوجها زفها ،، اقوله اي انا كنت مسكينة نفسها
جذي شكلك كنت اذا نزرتني عشان تعرف انه يبين عليك وانت على بالك ما يبن
يالله كل وحده تقولنا مشكلة وشلون حلتها خل نستفيد
مابي اتكلم عن علاقتنا مع ازواجنا داخل البيت
ابي اتكلم عن العلاقة برة البيت
شنو التصرف اللي كان زوجج يحرجج فيه جدام الناس
مثلا ينزرج بالسوق
يتطنز عليج بالمحل وانتي تقايسين شي
يعصب عليج بمحل المكياج ويقولج بسج من هالخرابيط
او تتمشين على الراحة ويزفج على برودج
او يزف اليهال
او بينج وبينه متر وكل واحد يمشي بصوب
او يضايقج بخز هذي وذيج
او وقت الدفع ينحاش من المحل جنه ما يدري
وغيره من تصرفات
وشلوووووووون قدرتي تغيرين هالتصرف ؟
……………
ابدي
انا ساعات من غير قصد واحنا نتمشى ابأي مجمع ينزرني بس بيني وبينه مو بصوت عالي
يا بسج مكياج
يا يالله خل نرد
او يرد بنزر على موضوع معين بالذات اذا اذونا اليهال
عاد لا تشوفوني لووووول
بسرعه احتقن ،، واقوله : يالله يالله البيت
وان كنت اكل اقوله شبعت وقوم اتمشى بالمحلات
المشكلة يتعذر ويقول والله مو قصدي بس انتي دلوعة ما تتحملين !!! يا سلاااااام ،، و الوقت اللي ينزرني احس كل اللي بالمكان اسمعوا وشافوا تعابيرنا
بسرعه ينقص ويهي ،،
بس الحمدالله الامور تعدلت لما سويت اضراب عن الطلعه معاه ،، وشوي شوي قام يضبط نفسه
او من يبدي يعصب امسك ايده وابتسم واقوله ورا بعض ( ابتسم ابتسم ابتسم ) اعلق عالكلمة
وحتى ساعات يقولي ميو مسكينه هذي زوجها زفها ،، اقوله اي انا كنت مسكينة نفسها
جذي شكلك كنت اذا نزرتني عشان تعرف انه يبين عليك وانت على بالك ما يبن
يالله كل وحده تقولنا مشكلة وشلون حلتها خل نستفيد
داااايم يحب يسوي نفسه ابو العريف
يطلع الطلعه من عيوني ع اي شي لو اسأله فلان شنو هذا يقولي اي عقيديه شعرفج ؟
ابيه شوي واذبحه …
والمن رحنا تاينلد انا اللي اتكلم لاني اعرف انقلش واترجم له واذا ترجمت له يقولي لا يبا انتي شعرفج
واخر شي يطلع اللي اقوله صح
ااااااااااااااااااااااه يبط جبدي
اي مخلوق كان يكون هذا تصرفي واذا ابدا رايه بشي يع او حلو سعنني ماسمعت
ولا سالوني شرايج مارد اقول لج ولا لي الشغله انا برااا ولا المحل الي يمج
والاكل اغير طاولتي ههههههههههههه
وهذا الطبع اللي عجزت اغيره
ينزرني وهو مو قصده يهاوش يعني زهقان بس الناس شعرفهم
انه زهقاااان يبط جبدي إخر هوشه على هالسالفه قبل امس
وقعدت يومين زعلاانه وهو يراضيني وما ارضى على الله يغير طبعه
لاااا واللي يغث يزعل يقول انتي تتبليني انا اكلمك عادي اي عادي اي بطيخ
اه اممممم من وين ابدي
طبعا قبل جم سنه كان ويهه كله معفوووس ولما يكلمني يم الناس يعفس ويهه يعني اشكرره مانشتهي بعض (بس الحين الحمدلله الوضع تغير)
وشنو بعد..ولما ينادي احد من اليهال شوي رايح بعيد بمكان عام جنه قاعد بالبيت ينادي صوت عالي (فلاااااااااااااااااااااااااااااااان)
طبعا انا ..يعني … اطالع الناس الف ويهي بسرعه يمين يسار واركض اقوله شفيك خل يصير عندك شوي اتكيت اللي يشوفك مايقول دارس بامريكا
– هاهاهاهاها بس ليلحين اذا ماله خلق يصير ويهه معفوس
مره كنا مسافرين وشفنا قروب فيه ناس من اهل امي عينهم علينا (جان اقرب يمه قلت له عليك الله لا تفشلني ويههههك فرده — اهل امي)
حبيبي هاهاهاهاه بنفس اللحظه قال وينهم وهو يبتسم عااااااادي صار شكلنا هاهاهاها جنه ذايبين بالحب
حتى لو غلطان وما دل المكان مثلا
اقوله ما فيها شي روح هالصوب اسألني يعني انا ادل
يقول لا !! انا اعرف
ونفتر ساعه يالله نلقى المكان اقوله شتسوى عليك
جان قلتلي
بس ما يطلع روحه غلطان اهو الفااهم بكل شي
يعطيج العافيه حبيبتي مواضيعج تشوق ..~
انه مرات عالمكياج يقولي اوووه اليهال اذوني وانتي تحوسين بهالمكياج جنه اللي بالبيت خالص ههههههههههههههه
عاد انه بس اضحك جدام الناس عشان ما افتشل كككككك يعني اواريهم انه قاعد يضحك ككككككككككك
ومرات اليهال اذا اذونه اشوي يعصب بس تبين الصراحه ريلي الحمدالله مايعصب علي وايد بره الا اذا انه نرفزته اشوي
ومره خليته يحاسب بالمحل وطلعت عنه ورحت المحل الثاني
ههههههه مستعيله مافيني صبر جان يهاوشني بس بصوت خفيف يقولي انتي مافيج صبر ماتنطرين قلت له لأ مااصبر 
ككككككك بعد ارد ما اتوب جان اقوله خلاص زين .gif "Eh S(3)")
وعاد انه ارقع بالحجي اقوله وييه شوف عيالك هههههههههههههههههههههههههههه 
ههههههههههههههههههههههههه يارب هالحريم اذا راحو السوق جنه هالمحلات يبيعون ببلاش مانخلص من المشتريات ههههههههه مشكوره حبيبتي ميووونه عالموضوع النااايس مثلج
وعينك ماتشوف الا النور خخخخخخخخخخخ
صج مو حلوه هالحركه ليش طالعين ويا بعض عيل
قبل كان هذا هاجسي ومحور مشاكلي………………….
شقول وشخلي؟؟
تخيلي تكونين طالعه وكلج رقه وانوثه………….. وواحد معاج يمشي ويعلق عالناس بصوت مسموع!!!!! اسوي نفسي مو تبعه كلش ولا اعرفه هههههههههههههههه
شوفي كشه هذا؟؟ شوفي هذي مو قادره تمشي من لبسها ضيج اشحادها؟؟ وشوفي هذي شكلها اول مره تلبس كعب تبي تطيح؟
وشوفي هذا يسمع موسيقى حاط باذونه هيدفون عباله نفسه فنان؟؟ انزين انت شكوووووووووووووووووووووووووو
يمه يمه يمه مصيبه
بصدمج اخر شي…….
وكله بصوب ولما يروح بصوووب ثاني بالمحل وتالي يناديني بصوت عالي بأسمي…… يافــــــــــــــــــلانه!!!!!! والله ولا اطالعلهاسوي نفسي مو حقه هههههههههههههههههههههه حلوه مو حقه…….
واذا بحاسب يروح المحل اللي جنبه يعني مادري انج قاعده تحاسبين بس اصيده لووووووووووووووول…
ويمشي ويتحرش بالجهال يعرجبهم ويسحب عناقيص البنات واهل الجهال يشوفونه وعااااادي عنده!!!!
كنت اكره اروح معاه السوووق……… ودي ابجي هههههههههه
ويتعمد يحرجني باي شي………… مثلا نشتري اغراض من مكان محدد سعره فرضا كارفور او مركز سلطان واهوه يحاسب يناشب الكاشير مافي ديسكاوند؟؟؟ يااااربي
اذا رحنا مطعم يقول انزين اللي على الطاوله هذيك شنو طالبين؟؟؟؟
يبــــــــــــــــــــووووي
مره ودانا لماجيك بلانيت وللأسف انه كان معانا لووووووووووووووووووول
والله قام يلعب ولده مع اي جاهل قاعد بروحه يشيل ولده ويركبه معاه ابلاش ههههههههههههههههه يمه مصيبه
بس اخر شي تأقلمت عليه صار عادي مايفشل الا عمره………… شسوي حاولت اغير ابدل ماكو فايده
صرت اخذ بعض من اطباعه من كثر ماتطنز عليه ربي بلاني ههههههههههههههههههه اختي تقول صايره تفشلين اذا رحت معاج للسوق؟ هههههههههه صج لا تعيب الا على صايم ومصلي
وتقبلي مروري وقرقتي
ام عبوش
>>> هل من مزيد >>>> طماشه
كل ما نطلع مع بعض نرد متهاوشين
اقوله ركبتي معاك السياره أزمه من ازمات الحياة
طبعا بالجمعيه :
((يالله يالله يالله يالله يالله خلصي خلصي خلصي خلصي.gif "Eh S(13)")
ماله داعي هذا رديه ماله داعي ماله داعي ماله داعي مواعد رجال مواعد رجال مواعد رجال خلصي خلصي
يالله يالله والله لامشي واخليج يالله كلنا نفرين ليش ترستي السله
انتي تدفعين الزايد يالله يالله يالله جوعان ميت تعبان بموت بروح البيت فيني مغص يالله
جبدي تقلب دايخ مصدع يالله يالله يالله ))<<<<كل مرررررررررره جذي كل مره
وفوووق راسي مرات ودي ابجي..
بمجمع:
((العن ابو المسخره شهالاشكال انا اوريج جايبتني لهالاشكال<<طبعا اهو اللي منقي المجمع واهو اللي يسوق
انا بس قلت طلعنا\اففففف استغفر الله شهالبنات اللي مايستحون اففف يالله انا مو رجال جايب اهلي هني؟؟اخر مره اسويها يالله خلصي مشينا ))<<اخلص شنو؟؟تونا داشين واصلا مادري شنبي خخخخخخخخخخخخخخخ
موديني الصالون:
((يدق كل اربع ثواني ماخلصتوووو؟؟
يالله يالله خلصي ماصارت
واقوم ما ارد على اتصالاته شيسوي؟
مسجات"
خلصي!!!
نغير الصالون؟؟
صالونج شكله زحمه!!
انا بره انتي مطوله؟؟
جوووعان برد البيت نعسان تعبان هلكان يالله !!
شكثر يبيلج؟؟
اروح وارد والا انطر؟
ماصارت
بشتري شي عاجبني مثلا يقعد يلعن خير اللي يبيع
ينزر بويهه مرات وده يتهاوش معاه
اقوله انا عاجبتني وسعرها عاجبني انت شوي واتطق الريال ليش؟؟
يقول نصابين!!!
رايحين مطعم :
اول شي يطلب جريده وطفايه
يدخن على مايوصل الاكل ياكله بخمس اجزاء من الثانيه ويقول
خلصي
يالله
نبي نمشي
ابي ادخن عادي وانتي تاكلين؟
ويدخن ويطالعني بحزن يالله كل هذا اكل؟؟
كرررهت الطلعه معااااااااه
قبل لا اركب السياره اقول والله العلي العظيم ان بلشت تنكيد
انزل من الحين
يقول لا بس انتي خلصي بسرعه لوووووووووووووووووووووووووول
يقولى صووووتج ياامرة قصرى صوتج <<<<<<والله لو بس اهمس
ومااحبه لا استعبط على رااس راعى المحل ولاالطبيب ويسااال عن كل شئ اف شئ ونووعه وطريقه اسلوبه جنه يجذب الطبيب او البيااع
يخلى الرجال يحقد عليييييييه عاد انا اقوله خلاص تكفى امش
يخزنى ويقول ولاكلمه
وماايحب اكلم مثلا البياع ولاالطبيب ولااى احد وانا معه اف ههههههههههههههههههههههههههههههه
وانا اشدراني ان وراي واحد واكون ماشية بكل برووود يوخرني
يحط ايده ورا ظهري ويوخرني حدي انحرج واتنرفز من هالطريقة :/
والشي الثاني مرات يطفرني ما احب هالحركة مثلا قاعدين بكافيه او مطعم
نكون قاعدين قبال بعض يسوي روحه ان في وحده وراي ماشية يقوول
اووف لا تطوفج هذي ومن هالحركات اللي تحر واخر شي ماكو احد
وحتى مرات بالسيارة اكون اسولف معاه يسوي روحه يطالع السيارات
يقول شوفي السيارة كلها بنات وااااااااااي ودي اذبحه بهالوقت
كل هذا يسوويه ويغثني واخر شي يقولي احبج ليمن تعصبين وتتنرفزين
ويمسك حنجي من تحت نفس اليهال لوووووووووول او يمسح على راسي
او يبوس ايدي ويقولي احبج شفيج يعني ما اتغشمر بس انتي بسرعة تزعلين
اقول له اي حده هالشي يزعل يعني
هذي الظواهر السلبية
والحين شلون تغلبت عليها
قمت اسوي نفسه بالضبط اووه طالع هذا شنو لابس
وجذي سوالف نفس ما يسوي فيني ينقهر ويقولي تبين كف على ويهج هههههههه
وانا اموت من الضحك واقول له شفت شلون يغث
ويضايق والحين بس حرم يقول شي عقب الدرس اللي عطيته اياه
مشكورة حبيبتي عالموضوع الحلو ^ـ^
انا احب اذا رحت مكان اروح وارد محد درى عني ! يعني بسكات ! مو كل الناس تلتفت علينا بسبة الصوت العالي !
بس زوجي فظيع صوته حيل عالي بالذات لا طلعنا يعني حتى لو يسولف كل الناس تسمع !
ومايحبني اكلم البياعين ! يغثني ! يعني لازم اطلب اللي ابيه عشان يفهمونه ! شهالتناحة اقولك عشان تقوله وهو واقف قدامنا !
لااااااااااااا وعاد اذا عيالنا معانا ! بالذات اذا هو وبنته تقابلوا ! آآآآآآآه شييييييييييي !
مرة كنا بهارديز ، وتجي الفلبينية تبي تاخذ الطلب ! وتقعد بنتي تعلق شفيها عيونك !؟ تعورك ! ليش ما تفتحينها عدل !
العن ابو شكلك فلبينية هذي خلقتها ! وابوها فااااطس يعني بنتي تضحك !