تخطى إلى المحتوى
الرئيسية » أوت ليت . لندن بليز

أوت ليت . لندن بليز

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

صباح/مساء الخير

بنات شنو أحسن الأوت ليتز اللي بلندن….. ؟؟؟

أنا الصراحة ولامرة رحت و في ناس ما يمدحونهم…. بليز نصحوني و مشكورييين

14 أفكار بشأن “أوت ليت . لندن بليز”

  1. chahinez
    الرد
    وووويع أنا أنصحج بأوت لت أمريكا وبسسسس إهوا صج السنع أما لندن لواعه حتي خامة الجنطه الماركه مومتوفر أصلا بالأصليه

    والأسعار فرق يمكن 20 أو 30 دينار شحادج ومافي أصلا إلا سوقين قريب من لندن أوت لت رحت مره ومافكر أروح بعد تمشيت وتغديت

    هناك ورجعت ماشريت شيء

  3. hamida
    الرد
    لندن نفسها مافيها بره لندن في قريه اسمها بكستر فلج تروحيلها عن طريق القطار

    بالظبط مادري المسافه من لندن لي بكستر فلج جم لان لم رحت ماكنت بلندن نفسها

  4. kamiliya
    الرد
    رحت يالغلا لبكستر فيلج ……….والله موذاك الرخص بس اعجبتني جنطه دولتشي غبانا وباخذها خلاص ولاماخذتها انجليزيه ونجيك ولااخر حبه ب 180 تهبل بسحابات الوان واهي سوده مالله كتب اشتريها وخذيت لعيالي من كاث كدز cath kidsعندنا الماركه بالافينوز وراح تفتح بمجمع البيرق حلوه الجنطه ورخيصه علي 7 دنانير واهي بالافينوز غاليه حيل بس مادري عندهم جناط مدرسه
    وخذيت عطورات من محل مقابل مصافط يبيع عطرين ب 50 باواند =25 دينار واحد لي واحد لاخوي مكتوب عليه no9
    حلووو العطر وحده قوي لدرجه تدوخين شكيت فيه نسبه كحول
    وخذيت من نفس المحلات الي قدام مصافط لوشن لليدين نفس الي بمغاسل الفنادق 2 ب 12دينار علي لافندر وعطر ثاني بس ترطيب قوي

    هذا عن بكستر فلج وتبعد عن لدن ساعه الا ربع تقريبا
    وبعد تبين اي شيء ………انا حاضره

  5. kouka
    الرد
    احلى اوت لت في لندن البيشستر فيلج وهو برا لندن تروحين لها بالقطار00

    تروحين محطة (مارليبون ستيشن)وتقصين تذاكر حق (بيشستر نورث)اللي فيها الآوت لت(بيشستر فيلج)

    وهناك بتلاقين اغلب الماركات ديور وجابانا ودكني وبربري وفولي فولي وجسوا ورالف لورين ولاكوست وهاكيت وبالي

    وجيرارد دوريل وجووووووووووووووووتشي هذا فتحوه آآآآآآآخر 9 اللي طاف بس مالحقنا عليه

    ومحلات اشكثر بعد بس موذاكره الحين00والله يوفقج

  6. brinhu
    الرد
    هذا البيستر فلج اللي أقصده موشيييي اللي متابعه الماركات لاشافت البضاعه اللي هناك بتعرف قصدي !!! مايسوي من يروحله

    بس التجربه خير برهان تقدرين تروحين تتطمشين بس قبلها روحي البوتيكات اللي بلندن بسلفرجز أو هارودز شيكي علي الماركه اللي تبين

    علشان لارحتي هناك تشيكين عليها الشكل والسعر

  8. madiha
    الرد
    شوفي بالنسبه لي الجنطه الي قلتلج لقيت شبيه لها بسلفرج وبسعر 4دبلات وموحلوه نفسها مت من القهر ان هذيج راحت علي والاسعاااار انا معاج نار بس فيه اشياء حلوه خذيت قميصين من مون سون يكفي لقيت مقاسي وبنص السعر وحيل يمدحوها مادري الناس اذواق وانا حريصه افتش عدل اتعب عالقطعه واتمني اكون افدتج

  9. salima
    الرد

    اقتباس:
    المشاركة الأصلية كتبت بواسطة ربوع الحلوة
    هذا البيستر فلج اللي أقصده موشيييي اللي متابعه الماركات لاشافت البضاعه اللي هناك بتعرف قصدي !!! مايسوي من يروحله

    بس التجربه خير برهان تقدرين تروحين تتطمشين بس قبلها روحي البوتيكات اللي بلندن بسلفرجز أو هارودز شيكي علي الماركه اللي تبين

    علشان لارحتي هناك تشيكين عليها الشكل والسعر

    ترا على حسب المواسم بالصيف يلوووووع الجبد بس بالشتا لانه ماعليه دووس وماكو عرب خبرج احنا العرب خبول نسافر عشان نتسوق لوووووول

  10. salima
    الرد
    انا رحتله بعيد الفطر اللي طاف …حلو والمنطقة حلوة …يعني حلوة للتمشي…ووالله شرينا منه ماشاءالله ..لان ماكان في وايد خليجيين ..

    واللي صج كان سيلهم مو طبيعي محل بولو وهكتار ..موديلات يديدة …وتلقين عالتاغ مكتوب 50 باوند وتروحين الكاشير والا تطلع ب 15 باوند …خمينا شكثر حق الشباب واليهال الله يحفظهم

    بس طبعا ماكو مقارنه بينه وبين الاوت لتات اللي في باقي اوربا خيااااااااااااااااال

    روحيله عن خاطرج وطريجه تقريبا من ساعة الا ربع الى ساعة…مو أكثر

  11. hamida
    الرد
    انا رحت بكستر فيليج بالاضحى الي طااف

    والاوت ليت عموما مسأله حظ

    يعني اهواا ستوكات على قطعه قطعتين وانتي وحظج اذا مقاسج موجود او لا

    والله تشريناا منه يعني تلقين اشياء حلوة

    شريت من بولو قمصان وبلوزات و جاكيتات لي انا واختي ولاخوي
    من فيرغامو شريت جوتي
    من فيزاجي شرت اختي وامي جناط
    شرينا من هاكيت بلوزات حق اخوي
    دي كي ان واي شريت منه قميص وجاكيت

    وانا الي عجبني ماكس مارا بس مالقيت مقاسي بس هدومهم وايد حلوة
    وعندج لوكسيان مال العطور والكريمات واايد حلو عروضه حلوة
    محل فولي فولي مال الساعات عنده كان اشياء
    محل كاث مال الجناط الي بالافنيوز اسعاره زينه

    غوتشي ماعجبني
    ديور ماعجبني
    دولتشي اند غابانا نوعا ما غالي

    بس عموما اذاا يعني كنتي فاضيه مري عليه

  13. brinhu
    الرد
    آنا رحت له شهر 4 اللي طاف الجو حلو يهبل والمكان حلو يونس حق التمشي وهادي ماكان فيه زحمه ولاعرب وايد ماقولج البضاعه تهبل بس تحصلين شغلات حلوه تشترينها يعني حق عيالي شباب شريت لهم تي شيرتات بولو وشيروتي وكرفتات حق ولدي والله بسيلفريجز كله على 150 باوند الكرفتات الماركه وفي الآوت لت لقيتهم على 40 و35 باوند فيرساتشي ودولتشي آند غابانا! وكان محل كلاركس مسوي تنزيلا جواتي اليهال على 15 و17 باوند اشكثر شروا منه وحتى حق الكبار.. هم شفت كويتيات شروا جناط فيرساتشي… وحق اليهال شريت من بولو… والله آنا من رايي تروحين المكان حلو… بس للعلم ترى أكو كذا آوت لت غيره بلندن سوي سيرج بقوقل ويطلع لج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.