التصنيف: الحياة الزوجية

طبعا البنت تتزوج … وتكون يايه من بيئة غير بيئة زوجها

اختلاف قد يكون كبير جدا بين البيئتين ….

مثلا ……

هي : كانت في بيتهم في جمعة اهلها يتغدون الرياييل مع الحريم مع بعض
هو : الريايل بروح والحريم بروح

مثلا ……..

هي : ما ينامون في بيتهم الظهر نهائيا (يقعدون مع بعض .. يشربون شاي .. يسولفون)
هو: ما تسمعين صوت ابرة الظهر (خمده)

مثلا …..

هي : الويك اند .. طلعات .. وغدا بره
هو: ما يعتبون باب البيت … من الصبح الى الليل ما يطلعون

طبعا …………

في عادات اختلافها يخلق مشاكل بين الزوجين ……
البنت تظن ان عاداتهم افضل …. والريال يظن انه عاداتهم هي الافضل

وكل واحد يسمع الثاني " احنا مو مثلكم .. احنا ما نسوي كذا وكذا "

وكل واحد يبي تمشي حياتهم على اللي تعوده في بيتهم ..

((( طبعا مو دائما الاختلاف فيه مشكلة .. احيانا اختلاف عادي )))

السؤال ؟؟

بشكل عام …. من الذي غير الاخر .. انتي ولا زوجج ؟؟

وهل تغيرت عاداتك بعد الزواج الى عادات زوجج واهله …. ام انك انت اللي اثرت فيه وغيرتي عاداته

هل انتي راضية على التغيير ؟؟

عطينا مثال … لاختلاف عاداتكما … اللي تغيرت

…………….. وتبقى مجرد وجهة نظر

في وحده إسألتني سؤال وجاوبتها لكنها تبي مني مصدر او دليل على كلامي

هل يجوز للرجل الزواج من دون علم زوجته بالسر ؟؟؟؟؟؟؟؟؟؟؟؟؟؟

اذا لأأأأأأأأأأأأأأأأأأأأأأأأأأأأأأأأأأ ابي المصدر و الدليل مابي اتقولون ابتنجرح

او بتزعل لا ابي حديث او آيه ادل على هالشي ابي اقنعها ان هالشي مايجوز

انا طول عمري اسمع ان مايجوز لازم يكون عند الزوجه علم و برضاها بس

ماعندي دليل على كلامي

السلام عليكم

بنات انشالله هالشهر ذكرى زواجي وناويه احتفل فيها عندي جم استفسار

اولا مابي اخططها بروحي ابي زوجي يخطط معاي .. احس هالمناسبه لنا اثنينا ولازم يشارك والا شرايكم ؟؟

ثانيا ماراح اشتري هديه احس مومال هديه خصوصا نغرت له على دبله كارتيير حقرني فقلت اشتريها لنفسي وادلع عمري لاني زوجه صالحه بسسسسسسسسسسس باجر سياره كشخه

والمطاعم محتاره بين التسيمو برج النصار و ليتر دامور اللي عالبحر ايهو احلى ؟؟

واللي عندها اقتراح تسدحه *** ملاحظه راح اكون باسبوع المرور