ذكرى الزواج . ابي رايكم

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

بنات انشالله هالشهر ذكرى زواجي وناويه احتفل فيها عندي جم استفسار

اولا مابي اخططها بروحي ابي زوجي يخطط معاي .. احس هالمناسبه لنا اثنينا ولازم يشارك والا شرايكم ؟؟

ثانيا ماراح اشتري هديه احس مومال هديه خصوصا نغرت له على دبله كارتيير حقرني فقلت اشتريها لنفسي وادلع عمري لاني زوجه صالحه

بسسسسسسسسسسس باجر سياره كشخه

والمطاعم محتاره بين التسيمو برج النصار و ليتر دامور اللي عالبحر ايهو احلى ؟؟

واللي عندها اقتراح تسدحه *** ملاحظه راح اكون باسبوع المرور

14 تعليقا على “ذكرى الزواج . ابي رايكم”

  1. ههههه اهم شي اسبوع المرور يعني مامنج فاااايده ههههه تحرينه بس

    بالنسبه لفكره انج يشاركج التجهيزات واااايد حلوه افضل من ان تكون مفاجأة

    والله يهنيج ويسعدج

    رد
  2. شوفي اذا اهوا من نوع الل يحب يشارك فا اوكي بس حلااتها تشوفين متذكر ولا الحياة سعيده هههه يعني ناسي ولا بباله

    بعدين دام عرفتي طبعه ما ييب شي عيل ليش تييبين هدية ماله داعي ، خليها احتفال برا بمكان حلو وخلاص

    رد
  7. اجري سياره و لا تعلمينه خليه يتفااجا احلاا والله و روحي انتي وياه للمطعم و احجزي قبلها

    رد
  9. دايم اشوف بذكرى الزواج المره هي اللي تخطط وتشتري وتتعب والزوج ولا على باله مدري ليه .؟؟

    خليك ذكية وذكرية بس بطريقة غير مباشره
    مثلا حطي كرت زواجكم بدرج ملابسه يعني بالصدفه يشوفهم
    وشوفي لك فيلم معاه يكون فيه مشاهد زوج يجهز ل ذكرى زواجه وكيذا
    واذا بغيتي افلام حاكيني خاص واعطيك
    واذا بدلتك حقت الزواج لسه عندك البسيها عنده كانك تقوسينها وقولي يالله الايام تمر بسرعه مين يصدق مرت سنة على زواجنا , مثلا يعني

    الزبدة خليه يتلحلح ترا الزواج مو بس انتي اللي فيه

    الله يسعدكم وتكون ليله جميلة

    رد
  11. تحمممممممممممممممممست

    انا اليوم ذكرى ملكتي

    بس ماسويت شي مع اني مخططه اسوي بس عشانه يصادف خميس تكاسلت
    لانه يوم سهرته مع اصدقائه

    شكلي بخليها بكرا

    بس نبي افكاااااااار

    رد
  13. السلام عليكم

    يالغوالي مايجوز الاحتفال بذكرى الزواج وكل احتفال يعاد كل سنه بنفس التاريخ لايجوز

    الكلام كلام مشايخنا مو كلامي

    وشكرا لكم حبايبي

    رد
  16. حلوه فكرتج وعجبتيني انج بتشترين هديته لنفسج انا بعيد زواجي الاول شريتله وسويت كل شي واهو ولا ورده كسرت خاطر نفسي

    الصراحه

    سوي شي يونسج انتي سالفة المطعم تونسج وتغير عليج الجو مع تاجير السياره

    ماتحتاجين افكار زياده فكرتج عجيبه

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.