بعد ما انتقلتي الى مملكة زوجج منو اللي غير طبع الثاني؟ . من هنا تبدأ المشكلة

14 تعليقا على “بعد ما انتقلتي الى مملكة زوجج منو اللي غير طبع الثاني؟ . من هنا تبدأ المشكلة”

1. والله وايد اشياء في اشياء اهو غيرني وفي اشياء انا غيرته مثل على قولتج نومه الظهر احنا في بيتنا كنا نننام في بيتهم لاااا قمه النشاط فتعلمت منه وفي بيتنا بعد ما يقومون من النوم يشربون جاي ويتيمعون في بيتهم لااا اصلا ما عندهم هالعاده بس انا خربت ريلي وفي بيت اهل زوجي خلط ريايل مع حريم احنا ما كنا جذي فكنت وايد اتضايق وما اخذ راحتي بس الي وااايد تأثرت فيه طريقه التفكير احس مع مرور السنين صرت نسخه ريلي نفس التفكير بالضبط

   ---

   ---

   رد
2. كل واحد غير بالثاني شي .. الحمدالله حياتي ما تغيرت وايد عن قبل الزواج لان كنا عارفين بعض ومتفقين على كل شي واللي اختلف بحياتي ان اليمعات كلها اختلاط في بيت اهله وهالشي كان مو عندنا في بيت اهلي وماكنت متقبلته في البدايه كلش وشوي شوي قمت اتأقلم مع اني ما افضلها

   ---

   ---

   رد

3. اقتباس:

   المشاركة الأصلية كتبت بواسطة caty-al كل واحد غير بالثاني شي .. الحمدالله حياتي ما تغيرت وايد عن قبل الزواج لان كنا عارفين بعض ومتفقين على كل شي واللي اختلف بحياتي ان اليمعات كلها اختلاط في بيت اهله وهالشي كان مو عندنا في بيت اهلي وماكنت متقبلته في البدايه كلش وشوي شوي قمت اتأقلم مع اني ما افضلها

   هي الخلطة صراحة ما ترتاح الوحدة فيها …
   الحريم ودهم ياخذون راحتهم بالكلام …. خاصة ان وقت الجمعة قصير

   (( بس هم حلو البنت تسمع اشياء الرييل يقولونها ما راح تسمعها مكان ثاني …. فرصة تشفي فضولها ))

   ---

   ---

   رد
4. تدرين من اي ناحيه ما ارتاح ؟؟ باللبس يعني خصوصا وقت العيد والا رمضان الوحده تحب تفنتق وتلبس قصير وتسوي شعرها بس دام الجنس الاخر موجودين تقيدي بلبس و ترى سوالفهم حلوه لوووووول

   ---

   ---

   رد
5. انا خذيت اطباعه وتعودت عليها وندمااانة حيييل

   ---

   ---

   رد

7. سؤال إذا ممكن

   متى يبدي التغيير بالضبط ؟ بعد اشكثر يبين يعني ؟

   بتطمن على سير العمل عندي ههههههههههههه

   ---

   ---

   رد
8. اي والله الاختلاط مو شي ههههه لا وتلاقين ريلي طول الوقت عينه علي ( عدلي قعدتج قصري صوتج بلا ضحك زايد) وبعديين يعني اشحقه ملتمين؟؟؟ وااااااي وين ايام قبل التكعكع والضحك الى ماله نهايه

   ---

   ---

   رد

9. اقتباس:

   المشاركة الأصلية كتبت بواسطة بشه المنفشه سؤال إذا ممكن متى يبدي التغيير بالضبط ؟ بعد اشكثر يبين يعني ؟ بتطمن على سير العمل عندي ههههههههههههه

   يبدا التغيير ….. من اول قعدة مع امه
   هههههههه

   ---

   ---

   رد
10. انا الشي اللي احسه غريب وليلحين شوي شوي قاعدة اتأقلم وياه اهوا قعدات الاختلاط يعني انا متعودة ابيت اهلي ماكو اختلاط حد الوناسة وقت الزوارات ما تتقيدين ولا في احد يمج يقولج قصري صوتج والا سوي ولا تسوين

    ---

    ---

    رد

11. والله أشياء كثييييييييييييييييييييييييييييييييييررررررررررة تغيرت

    أهل زوجي شوي طبعهم صعب … كل شي ممنوع و عيب…عكس أهلي
    و مع هذا شسووووي بعد متحملة كله عشان زوجي … كافي إنه طبعه غير أهله و هذا اللي مريحني ,,يعني إحنا الحمدلله متفاهمين,,,جدامهم نسوي اللي يبووووونه ومن وراهم اللي نبيه

    إحنا على طووووووول جمعات و قعدات مع الأهل ,,, بس أهل زوجي لأ بس بالمناسبات و الأعياد باجي أيام السنة …البيت صــــــــــخــــــــــــــة

    بيت أهلي الكل يتجمع عالغدا أو العشا أو الفطوووور برمضان.. إخواني و حريمهم و خواتي. حتى رياييل خواتي,, و عند أهل زوجي لأ عييييييييب

    و الحيااااااة تسيييييييييييير وتمضي و تمضي

    ---

    ---

    رد

13. شوفي

    احنا قعداتنا مختلط وحتى على طاولة الأكل وقت الغدا كلنا مع بعض
    عندهم لأ الرياييل بروح والحريم بروح ،، اتذكر اول مرة يا وشاف قعدتنا انصدم لووووول

    قبل لو شنو ما ينام الظهر وانا متعودة على نومة الظهر
    صار الحين العكس اهو ينام وانا اقعد

    ما احب العيش ولا السلطة الخضرة علمني الحين آكل سلطة اهم شي

    قبل ما يحب المطاعم ولا يدخلها
    علمته على المطاعم والكافيهات

    واذا تذكرت اقولج لوووول

    ---

    ---

    رد

14. اقتباس:

    المشاركة الأصلية كتبت بواسطة *باجر أحلى* انا خذيت اطباعه وتعودت عليها وندمااانة حيييل

    ندمانه !!!!

    ليش ؟؟

    اطباع مو حلوة … والا ندمانه انج مو انتي اللي علمتيه على اطباعج ؟؟

    ---

    ---

    رد
15. والله اثنينا

    انا علمته على نوومة الظهر

    واهو علمني على قعدة البيت

    ---

    ---

    رد
16. الصرااااحه انا غيرة طبعه
    مثلا كا ن عادي ينام وتلفزيوون مبطل وفيه صوووت
    انا لا عندي مافي ليت بالغرفه خير شر ولازم يسكر التلفزيووون
    عندهم قعده الريااييل بروح والحريم برووح
    بس عند اهلي عادي فتعود اهووو على المكان والبيت اللي يريحه
    ما كان يرووح السينما الا من وين لي وين خلييته ادمااان على السينما
    المطاااعم نفس الشي في مطااعم عمره ما دخلها بحيااته
    دخلته وصاار عنده كذا مطعم يحبه
    يعني من هالشغلات
    بس انا ما غير فيني شي غير قمت اخذت طبع من اطبااعه
    يعني طريقته لما يعصب شلووون لا شعووري قمت اسوي نفسه لما اعصب
    وهالشي واايد يضحكه يقثووول والله احس اني ربي بلاني باللي اسويه فيه

    ---

    ---

    رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.