بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات بصراحه مليت وأنا أجرب بطرق القيمات وكل وحده تمدح وبالأخير خواره لا وحتى لو أخذتها من ناس ما يعطون الطريقه عدل لازم ناقص أو زايد المهم مو عدل ما أدرى ليش لو تقولون ببيعون أقول لا يعطون الطريقه أبرك بس لا يبيعون ولا شى
المهم ما علينا يالله إلى عندها طريقه مضبوطه وأبيها تكون مقرمشه من بره ولى تمت مده أو لى اليوم الثانى ما أبيها تخترب أو تلين عاد كيفكم هذى شروطى ويالله راونى طرقكم ..
السلام عليكم
بنات بصراحه مليت وأنا أجرب بطرق القيمات وكل وحده تمدح وبالأخير خواره لا وحتى لو أخذتها من ناس ما يعطون الطريقه عدل لازم ناقص أو زايد المهم مو عدل ما أدرى ليش لو تقولون ببيعون أقول لا يعطون الطريقه أبرك بس لا يبيعون ولا شى
المهم ما علينا يالله إلى عندها طريقه مضبوطه وأبيها تكون مقرمشه من بره ولى تمت مده أو لى اليوم الثانى ما أبيها تخترب أو تلين عاد كيفكم هذى شروطى ويالله راونى طرقكم ..
عندي لج طريقه سهله وحلوه
اخذي كرتون مال اللقيمات الجاهز انا استعمل رويال حلو احلى من هونيك وحطي عليه علبة روب و4 ملاعق حليب بودر واعجنيه بماي دافي حسب الحاجه وخلي شيرتج حلوه حطي عليها هيل وشوية زعفران مع شويه ماي ورد بتطلع لذيذه
واذا تبينها مقرمشه حيل اسلقي حبة بطاط صغيره واخلطيها بالخلاط مع كوب ماي دافي واعجني فيها المقادير السابقه على حسب ماتحتاجين بس مو تصيرسائله حيل ولا ثقيله واهم شي يكون الماي دافي عشان تختمر بسرعه والروب طلعيه بفتره عشان يدفه شوي
وبالعافيه
وبعد أبى طرق ثانيه يالله أخرجو يا كويتيات مافى جعبتكننننننننن
ياما جربت وصفات وما ضبطت معاه..فياليت يساعدونا الاخوات..مثل ما انتى عارفة رمضان على الابواب وانا بصراحة من عشاق اللقيمات بس ما اعرف اسويها..
كوب ونص طحين ابيض
نص كوب طحين اسمر
ربع كوب بطاط مسلوق ومهروس ناعم
ربع كوب ماي ورد منقوع فيه زعفران
م ص هيل ناعم
نص م ص دارسين ناعم
علبتين لبن خاثر اللي مقدار ربع ليتر يعن نص لتي لبن خاثر
ملعقة اكل مسح خميره مع ملعقه صغيره سكر
دفي اللبن مو يسخن لا بس تدفئه خفيفه لا تفسد معاج الخميره حطي فيها الخميره والسكر والهيل والدارسين والبطاط وقلبه لحد ما يحل البطاط واضيفي الطحين واعجني عدل لحد ماتنعم انا استخدم مالت الكيك عشان تنعملي العجين
اتركيه ساعه بالضبط اضربيه ضربتين باليد حتى تهبط شوي وبلشي صبي
انا اعبيها بكيس نايلون مال اللحم واربطها واقضهه من الطرف واحط يمي صحن ماي وقفشه صغيره واضغط العجينه من الكيس ابل القفشه ماي واشيل واصب طبعا انا اتحكم بكمية العجين اللي اطلعه بالضغط احس هالطريقه انظف
وبالعافيه
شيرة اللقيمات لا تكون سايله خلوها كثيفه شوي
إن شاء الله البنات ما يقصرون ويانا .
ما كو أسامى بجربها بإذن الله لأن أول مره أجرب الطحين نوعين فعلشان بجربها وأشوف .
بس ما قلتي الماء الورد والزعفران شسوي فيه
وطريقتج يديده علي
ومشكوره
ينعجن ماي الورد بالعجين اختي
وبالعافيه مقدما
وافضل طريقه لحفظ اللقيمات تكثيف القطر فيه جولوكوز بجمعي العديليه عند ركن الكيك والفانيلا وهالسوالف ينضاف للقطر عشان يسمكه ويعطي لمعه
حياتي
مشكوره
ممكن طريقتج للقطر
وشنو اسم الجلوكوز
أخاف قصدج الجلاتين
ويعافييييييييييج ربي
4 كوب سكر
2 كوب ماي
ربع كوب ماي ورد
ملعقة اكل عصير ليمون
نص كوب جولوكوز(يكون لزج وينباع عند شغلات الكيك والحلويات بجمعية العديليه انا اخذه منها وما ادري وين ينباع بس متوفر لو سألتي عنه يكون لزج مثل العسل مو جيلاتين ولا صوبه
ذوبي السكر مع الماي وبس يغلي خليه 5 دقايق على نار هاديه يطبخ عدل وبعدين حطي الليمون وماي الورد والجلوكوز ولما يطبخ قصري عليه 10 دقايق و يكون الجولوكوز حل وفج بالقطر
ان شاء الله بشتريه اليوم واصوره لكم يا قمرات عشان تلحقون عليه قبل ما يطير
بعد عمري
تسلمييييييييييييين
وياليت تحطين صورته
علشان جمعية العديليه بعيده علي فنشوفه بمكان قريب مني
ومشكوره
الله يعطيج العافيه يا ماكو أسامى تعبناج ويانا ما قصرتى الله يسلمج مره سمعت شيف يقول عن الجلكوز حق الحلويات ويخلطونه مع الشيره بس ما كنت أعرف المقادير وقال لأن تخلى الشيره أخف وتقلل من حلاتها .
إنزين الجلكوز مافى إلا بالعديليه ؟؟خل نشوف شكله وبعدين أدوره بجمعيتنا وإذا مو موجود كا العديلية يارتنا .
المهم اتصلت بالسوريه اللي علمتي على القطر قالت لي في مطحنة الكنوز الخضراء وهذي ما اعرف مكانها اوصفتلي اياه بالسالميه بس قالت لي مو مهم الجولوكوز ممكن بداله عسل وسألتها قالت اي نوع بالجمعيه وشريت عسل سوبي وسويت نفس الطريقه اللي كنت اسوي فيها قطرالجولوكوز عشان ما اقدر احط لكم وصفه مو مجربتها
4كوب سكر
2 كوب ماي
ملعقة ليمون
ربع كوب ماي ورد
نص كوب عسل
خليت القطر يطبخ اول شي ربع ساعه على نار خفيفه كله حطيته على بعضه بدون العسل وبعد الربع ساعه حطيت العسل والزعفران وخليته يطبخ 10 دقايق بس لاحظت اللمعه اول شي حلوه وثاني شي سمك معاي بردت منه فنجان بالفريزر ودهنت فيه كيكه عندي من المس من بره وشفت اذا لمعها وسمتت عليه لا والله حلوه النتيجه
هذي صورة الجولوكوز اللي انغشيت فيه وطلع بودره
لمعت فيه كيكه وطلع حلو شكلها
ولو عرفت اوصل لمطحنة الكنوز الخضراء ولقيت الجلوكوز اصوره واحطه لكم ان شاء الله