ابي شاليه بالكويت حقي انا وزوجي بهالويك اند نقذووووووني

حبيبتي اذا تبين شاليه راح اقولج وين:
فندق ومنتجع الهيلتون المنقف والحين عندهم عروض الصراحه انا دايماً اروحله عجيب حده
اول شي تروحين تحجزين اكثر شي ليلتين الى ثلاث ليالي كافي {اذا كنتي مع زوجج بروحكم اخذوا استيديو وكافي عليكم اما اذا كانت عائلية في الشاليه الملكي وفيه مسبح خاص لج العام رحتله مع اهلي عجيب بس حيل غالي}
بس بهالايام ماتقدرين تتسبحين الجو بارد

واحنا اذا كنا نبي نتسبح من الساعه 2 بليل لي 6 الصبح ماكو احد غيرج يكون
وعندج بعد العشا تقدرين تطلبين المنهم باكيج للشوي وتشوون وناسه على البحر
واذا رحتي اخذي كل اغراضج معاج مع ان كل شي قريب عندج واقرب شي بيكون الكوت وفيه مركز السلطان غير البقالات
بس انتي رايحه تستانسين مو كل دقيقه تلقين شي ناقصج
لو حبيتي تروحين لاتنسين
{ مايوه اسلامي للبحر, وملابس رياضيه للمشي وناسه تتمشون على البحر وتقعدون تجمعون محارات وقواقع, وطبعا قمصان النوم,
ولاتنسين تاخذين معاج المكسرات والباربيكان وحتى حلوياتكم وكل احتياجاتكم الخاصه}