احسن دكتوره جراحه عامه للناسور او البواسير بعياده خاصه

اهلا اختي ماتشوفين شر اتمني افيدج بكلامي انا مريت بتجربه قاسيه بلبواسير والشرخ لانه صارمعاي الشي هذا بعدماجربت رجيم الماي والحمدلله علي كل حال بصراحه كنت مستحيه اروح لاي مكان رحت لدكتوره خاصه ومااستفدت منها وايد بعدها رحت مستشفي الفروانيه وانحرجت من ان الدكتور يكشف علي ولكن نصحني بدكتوره ولله الحمد رحت لها وقالت عندي شرخ والحمدلله عطتني علاج بسيط جدا خلال عشره ايام تخلصت من الشرخ وقالت لوصرتي زينه تقدرين ماتجين اوتراجعين وبصراحه الحمدلله الحين انا احسن بوايد اتمني تقدر تفيدش الدكتوره خصوصا تعاملها جداراقي وراح ترتاحين لها وايد وهيه دكتوره استشاريه في مبارك الكبير اسمها الدكتوره فريده دشتي في مبني المسيله الي عند مستشفي السلام اتمنا تفيدج اذا رحتي لها وماتشوفين شر انشاالله وعيدج مبارك

اهلا اختي انارحت اكثرمن دكتوره اول دكتوره في بوحمرا كلينك الي سبحان الله حصل لي الشرخ والبواسير بسبب رجيم الماي الي نصحتني فيه الله يسامحمها يمكن الرجيم ماناسبني مع اني نزلت وزن عليه وثاني دكتوره في الهادي بصراحه ولاوحده عالجتني زين كانوا يعطوني بس مسكنات وانامحتاجه علاج وبلنسبه شلون عرفت انه شرخ بعد فحص الدكاتره لان مثل ماقلت رحت لاكثرمن دكتوره كل وحده تقول لي في شرخ وبواسير ملتهبه وحتي رحت المستوصف اخذت علاج للبواسير ولله الحمد حيل فادني وارتحت عليه لمده سنه حتي قبل رمضان السنه ورجع العوار مره ثانيه ورحت للدكتوره فريده بعد قالت لي عندي شرخ ويمكن اثنين حتي قالت لي فيه مثل قطعه لحمه خارجيه في المنطقه بسبب الشرخ راح اكتب لج الحبوب هيه سبع حبات تاخذينها وتطحنينها عدل وتخلطينها مع الجل بلكامل وتدهنين المنطقه ثلاث مرات بس بطريقه تخلين المنطقه تمص الدهان كله موبس تخلينه وفوقه تحطين دهان ميبومعروف يعني الاثنين مع بعض خلطه الحبوب ودهان ميبو

اختي انصحش لاتخلين نفسش اذا تقدرين روحي مستشفي حكومي قسم الجراحه حتي يشوفون شنو علاجش ومن اول مره بيعطونش علاج ويفيدش انشالله بس اذا ماتقدرين نفسي لاني كنت استحي بصراحه اروح لدكتور ولان ماكان في دكتوره رحت للخاص لاتسكتي علي نفسش بس حاولي تروحين دكتوره شاطره انا انصح بدكتوره فريده لان عالجتني زين ولاتروحين مستشفي الهادي لان رحت للدكتوره الي هناك مرتين وكانت تعطيني بس مسكنات وقالت لي اسويلش عمليه بس الدكتوره فريده قالت لي ابدي معاج من ابسط علاج مومن العمليه وهذي تجربتي ويمكن تفيدش وبلتوفيق والصحه انشاءالله

مشكوره محتاجين حق هالمعلومات

بس سؤال نغسل بماي حار ولا بارد كل شخص يقول شي

وماصرفتلج تحاميل