اخذوا حذركممممم يا بنات تعالوا اقروا هالسالفه !

شلوووووووووونكم يا امهات و حواامل؟

فالبداية احترت وين احط الموضوووع اهني او بقسم التربية و الطفل..

لكن فضلت هالقسم لان الموضوع مختص بالمواليد اللي بالاشهر فحبيت احذر الامهات اليدد و اللي على وشك الولاده ان شاء الله..

اليوم يا بنات كنت قاعده اطالع كلام نواعم ولا حاطين ام لبنانيه كانت اموديه بنتها الحضانه و عمر بنتها 5 شهور..

و الام و الابو بالدوام..

فجأه الحضانه دقوا عالام جان يقولولها لحقي على بنتج بالمستشفى مختنقه و صايره زرقه..

الام عندها ولد عمره سنتين او ثلاث فمو امصدقه ان هالشي صاير حق بنتها ام 5 شهور فقالتلهم البنت ولا الولد اعتقدت يمكن الولد ان شيطان كان يلعب او بلع شي و صار اللي صار..

قالولها لا البنت.. المهم راحت ركضضض المستشفى ولالالالالالا

البنت ام 5 شهور متوفيه

تخيلوا شعور الام و اهي تقص القصه واااااااااااي صج شي يعور القلبببببب

طبعا شنو نتيجة الوفاة؟؟

اهمال من الحضانه

رضعوا البنت الساعه 10 الصبح و خلوها يوها الساعه 1 ولا اهي مختنقه!!

الظاهر بعد الرضعه رجعت و اختنقت بترجيعها و ماكان في احد يمها وقتها…

حسبي الله ونعم الوكيل هذي امانه بيدهم ..

عاد امسوين مقابله مع الابو و قال لو ان كان في نفس قصتنا من قبل جان خذينا حذرنا لكن احنا اول ناس تصير معانا هالسالفه..

عاد صج عقب هالقصه فعلا قاعده اخذ حذري ما ارضع فروحه و امشي عنها دايما عيني امبطله لا سمح الله ترجع او شي..

فقلت اقولكم القصه يا بنات عشااااان تتحذرووووووووون

سواء فالبيت او بالحضانه اللي ابتختارونها و ماتختارون الا حضانه حدددددها ثقه

عيالنا امانه

الله يحفظهم ان شاء الله