اذا ناوي على الروحه

إذا ناوي على الروحه وحاسب للغياب حساب
أبي أسأل قبل لاتروح قلبي وين خليتــــــــه ؟

أنا مدري من المخطي ولا أقدر أزيد عتاب
عطيتك قلب يا قلبي يا ليتك عاد داريته

نويت تروح يالغالي ولا أدري وش الأسبآب
ونور الشوق في وجهي دخيلك ليه طفيته

خلاص أشوف ما ودك تعآتبني عتآب أحبآب
جرحت القلب في بعدك وقلبي عآد مليته

ترى قلبي مثل ورد كساه الرمل وصار تراب
ياليتك بس بيدينك هذاك الــورد ضميــــــــتــه

قبل ترحل ابي أسأل ؟دقايق قلبك اللعاب
لعبت بعمري يالغالي وغرامي بلحظه أنهيته

مدامك بايع العشره وناوي تقفل الأبواب
أبي أسأل ؟ قبل لا تروح قلبي وين وديته