استفسارات خفيفة حول رحلتنا الصيفيه .

وانا بعد مخططه نفسج ونفس استفساارااتج بالنسبه لطريقة السفر من لندن الى فرنسا اضافه الى اني ابي فندق نظييف وزين واماان ويم السووق

انا ودلوول ننطر جوابكم >>>> رازه ويهي معاج لوووووول

الدلال… اول شي مشكوره عالرد حياتي وقوليلي حجزتو تذاكر القطار (يورو ستار) ولا ليلحين؟
بالنسبة للفندق احنا حجزنا بباريس بنقعد بـ كورنكورد لافاييت << يعتبر من الافضل..

وافا عليج لا رازه ويهج ولا شي بالعكس صح كلامج انا والدلال ناطرين الردود << ليلحين في امل القى ردود

دانه الهيرات… مشكوره وااااااايد عالرد حياتي, جيكت على سايت اليورو ستار وشفت اسعار التذاكر بس ترى ماتفرق عن اسعار التذاكر اللي محصلينها من المكاتب اهني.. وبالنسبه للـ hotel احنا بنسكن جم يوم بباريس وبنروح يوم واحد ديزني (يعني من الصبح لي الليل) عشان جذي كنت ابي تفاصيل عن الاندرجراوند اللي من باريس لي ديزني لاند (يعني من أي محطه وشلون الحجز وشكثر المده وجم سعر التذكره……) وبس مشكوره مره ثانيه حبيبتي ماقصرتي

يالله ياجماعه اللي عنده أي معلومه لايبخل علينا .. ومشكورين

اقتباس:

المشاركة الأصلية كتبت بواسطة dalloool الدلال… اول شي مشكوره عالرد حياتي وقوليلي حجزتو تذاكر القطار (يورو ستار) ولا ليلحين؟ بالنسبة للفندق احنا حجزنا بباريس بنقعد بـ كورنكورد لافاييت << يعتبر من الافضل.. وافا عليج لا رازه ويهج ولا شي بالعكس صح كلامج انا والدلال ناطرين الردود << ليلحين في امل القى ردود دانه الهيرات… مشكوره وااااااايد عالرد حياتي, جيكت على سايت اليورو ستار وشفت اسعار التذاكر بس ترى ماتفرق عن اسعار التذاكر اللي محصلينها من المكاتب اهني.. وبالنسبه للـ hotel احنا بنسكن جم يوم بباريس وبنروح يوم واحد ديزني (يعني من الصبح لي الليل) عشان جذي كنت ابي تفاصيل عن الاندرجراوند اللي من باريس لي ديزني لاند (يعني من أي محطه وشلون الحجز وشكثر المده وجم سعر التذكره……) وبس مشكوره مره ثانيه حبيبتي ماقصرتي يالله ياجماعه اللي عنده أي معلومه لايبخل علينا .. ومشكورين

دلول والدلال شوف ماذكر اسم محطة الاندر قراوند بس اهي اللي اول شارع الشانزليزيه اللي يم قوس النصر وتاخذين الخط الاحمر بس هم ماذكر سعر التذكرة لان كان معاي يهال
والوقت من باريس لي ديزني تقريبا ساعة واهي اخر محطة يوقف فيها القطار بس المحطة اللي قبلها راح يكون الاوت ليت مالهم وتبين الصراحة انا ما حبيت باريس بس ديزني وايد حلوة طبعا مافي مقارنة مع مالت امريكا بس يتم اسمها ديزني والجو هناك وايد حلو يعني لو تخلن قعدتج بديزني احسن من باريس وتنزلين باريس احسن من العكس

اقتباس:

المشاركة الأصلية كتبت بواسطة dalloool الدلال… شوفي حتى احنا ليلحين ماحجزنا حق القطار بس السعر اللي قاللنا عنه يتراوح مابين 80 الى 100 دينار للشخص (طبعا هذا سعر تذكرة الدرجه السياحيه و رايح راد) << حلوه رايح راد … يعني اقصد ان مثلا حصلتيها بـ 80 دينار = 40 روحه من لندن الى باريس + 40 رده من باريس الى لندن.. وان شاءالله اذا تم الحجز راح اقوللج جم بالضبط السعر اللي حصلناه. om l3yal… اول شي مشكوره واااايد عالرد والمعلومات حياتي.. بس ليش مافي مقارنه مع ديزني امريكا مو جذي يحبطووووووون .. شوفي احنا اصلا روحتنا حق باريس جم يوم بس,, فانا قلت دامنا طبينا باريس خنشوف ديزني عن الحسافه وهم اننا نستكشف شي, بس ان نقعد بديزني ماظن لان احنا رايحين بس بنات يعني ما معانا يهال فاعتقد يوم واحد لديزني كفايه لنا..ونخلي الباجي للتسوق والكافيهات

لا حبيبتي بالعكس ترا ديزني وايد حلوة وانا استانست فيها
وشوفي بالنسبة حق التسوق فانا حتا الشانز ما عجبني لان اغلب المحلات نفس لندن وانا سنتها كنت رايحة لندن وكل ما شفت شي يعجبني اقول يمكن احصل شي احلا من باريس ويوم رحت باريس نفس المحلات بس السعر اغلا واشوة ان اختي كانت في باريس وبترجع لندن فعطيتها الفلوس تشتري من لندن وما عجبني بسوقتها الا اللافاييت
وترا الناس اذواق حياتي يمكن اللي يعجبني ما يعجبج والعكس
والله يتمم عليككم

اقتباس:

المشاركة الأصلية كتبت بواسطة om l3yal لا حبيبتي بالعكس ترا ديزني وايد حلوة وانا استانست فيها وشوفي بالنسبة حق التسوق فانا حتا الشانز ما عجبني لان اغلب المحلات نفس لندن وانا سنتها كنت رايحة لندن وكل ما شفت شي يعجبني اقول يمكن احصل شي احلا من باريس ويوم رحت باريس نفس المحلات بس السعر اغلا واشوة ان اختي كانت في باريس وبترجع لندن فعطيتها الفلوس تشتري من لندن وما عجبني بسوقتها الا اللافاييت وترا الناس اذواق حياتي يمكن اللي يعجبني ما يعجبج والعكس والله يتمم عليككم

صاجة وااايد قالولي ان سوقهااغلى من لندن.. شوفي انا موحاطه ببالي بروحلها كـ تسوق وبس … احنا بنروح نستكشفها خصوصا إني انا مو رايحه باريس من قبل وكلها جم يوم يعني محنا مطولين فيها .. بس طبعا السوق لابد منه
بالنسبة حق سعر التذاكر صح كلامج قالولي اهناك وايد ارخص بس احس فيها مجازفه ان مانكون حاجزين التذاكر انا احب اخلص شغل الحجوزات كلها قبل السفر عشان ماشغل بالي فيهم..
مشكوره حياتي على ردودج والله ماتقصرين واذا تذكرتي شي قوليلنا انا والدلال ناطرينكم