بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات حبيت ان نستفيد من بعض ياريت اللي سوت اطفال انابيب (حقن مجهري ))
تكتبلنا وين سوتها و اي دكتور واذا خاص كم كلفتها (( عشان اللي ناوي يضبط ميزانيته))
و اذا نجحت العمليه
انا راح ابتدي معاكم انا سويتها قبل 3 سنوات بالهادي عند دكتور اسمه عاصم الحاروني ((( بس للاسف سافر مصر فتح له عياده هناك))
المهم كلفه العمليه 900 دينار كويتي و طبعا العلاج بيكون على حسابك فحطي في بالج مو اقل من 500-600 دينار (( انا عندي مبدء تزيد الميزانيه و لا تنقص بنص العلاج و اتوهق )) على العموم صارت معاي شويه مضاعفات لما سحبو البويضات (( نزيف )) بس الله ستر ولله الحمد و المنه و بعدها ب 3 ايام رجعو الاجنه و الحمدلله حملت في بنت
سبحان الله اول سونار كانو تؤم بس واحد ما كمل نموه و ضمر
ناطره مشاركاتكم
بنات حبيت ان نستفيد من بعض ياريت اللي سوت اطفال انابيب (حقن مجهري ))
تكتبلنا وين سوتها و اي دكتور واذا خاص كم كلفتها (( عشان اللي ناوي يضبط ميزانيته))
و اذا نجحت العمليه
انا راح ابتدي معاكم انا سويتها قبل 3 سنوات بالهادي عند دكتور اسمه عاصم الحاروني ((( بس للاسف سافر مصر فتح له عياده هناك))
المهم كلفه العمليه 900 دينار كويتي و طبعا العلاج بيكون على حسابك فحطي في بالج مو اقل من 500-600 دينار (( انا عندي مبدء تزيد الميزانيه و لا تنقص بنص العلاج و اتوهق )) على العموم صارت معاي شويه مضاعفات لما سحبو البويضات (( نزيف )) بس الله ستر ولله الحمد و المنه و بعدها ب 3 ايام رجعو الاجنه و الحمدلله حملت في بنت
سبحان الله اول سونار كانو تؤم بس واحد ما كمل نموه و ضمر
ناطره مشاركاتكم
بس عندي سؤال اكيد عطوج ادوية منشطة للمبايض ؟ شنو اهيا ابر ولا حبوب ؟
انا بمصر العمليه كلها مع الادويه تقريبا 500 دينار
وبالاردن العمليه والادويه تقريبا 700 لي 800 دينار
وعند الدكتورة معصومه العمليه بس من غير الادويه 900 دينار
مستشفى السلام انا مرة سالتهم العمليه من غير الادويه تقريبا 650 لي 700 دينار
الدكتورة ماجده اليتامي تقريبا 1200 دينار العمليه من غير الادويه
وان شاء الله البنات بعد يفيدونج اكثر
وانتي حطي ميزانيه حق الادويه اللي اهي الابر والمراجعات من سونار وتحاليل مو اقل من 600 دينار واكثر
انتي سويتيها عند معصومه وحملتي صح؟؟
لان في الموضوع الثاني قلتي سويتيها عند معصومه؟
استحمليني لاني مخي قفل
ننطر باجي البنات
عشان نستفيد
و تقريبا كل شي كلفني 2500
غير المنشطات و الادويه و السونار كلفني 300-400 دينار
يعني بحدود 1500 كلها
بس عندي سؤال اكيد عطوج ادوية منشطة للمبايض ؟ شنو اهيا ابر ولا حبوب ؟
اهلين اختي كاكاوه اسمحيلي تأخرت بالرد كنت مريضه وااايد و حراره الله لا يوريكم اياها و خذيت كمام يعني بالعربي ما ادري شنو يصير يمي
بخصوص المنشطات اخذت ابر و اعتقد ان اغلب اطفال النابيب ياخذون ابر
انتي سويتيها عند معصومه وحملتي صح؟؟
لان في الموضوع الثاني قلتي سويتيها عند معصومه؟
استحمليني لاني مخي قفل
لا اختي انا سويتها عند عاصم الحاروني بالهادي بس سافر الحين لمصر وماراح يرجع بس عشان صار معاي نزيف وقت سحب البويضات و تسبب لي بتجمع دموي كبير رحت حق معصومه عشان اتأكد من الموضوع فعلا
تصدقين كنت قاعده على سرير السونار اول ماشافتني حسيت ويها انتفض شويه مثل اللي ردت له الذاكره كان تضحك و تقولي ادري ادري شنو بتعرفين هههههههههههه
وانا اخزها فيني ضحكه ( اهي عاد للامانه احبها مووووووت و انسانه فوق الوصف والعايله كلها عندها))
قلتلها شدراك شفيني؟؟؟ استهبل عليها — قامت تضحك و تهز راسها تحاجيني لان د/عاصم ناداني اول ما صار فيج النزيف ناداني بالعمليات
ههههههه مو انقص ويهي الا انغسل بمرق ههههه تقولي وانتي بالعمليات اطالعج و اقول هذي اعرفها و الله اعرفها ههههه
وبسسسسسسسس
انا بمصر العمليه كلها مع الادويه تقريبا 500 دينار
وبالاردن العمليه والادويه تقريبا 700 لي 800 دينار
وعند الدكتورة معصومه العمليه بس من غير الادويه 900 دينار
مستشفى السلام انا مرة سالتهم العمليه من غير الادويه تقريبا 650 لي 700 دينار
الدكتورة ماجده اليتامي تقريبا 1200 دينار العمليه من غير الادويه
وان شاء الله البنات بعد يفيدونج اكثر
وانتي حطي ميزانيه حق الادويه اللي اهي الابر والمراجعات من سونار وتحاليل مو اقل من 600 دينار واكثر
امووووونه يالحلوه ماقلتيلنا وين بالاردن؟؟ واذا نجحت معاك؟؟
و بالنسبه للي سئلني على الخاص سوووووري حبيباتي ما اقدر ادز اي رساله خاصه الا بعد 20 مشاركه
بس الي بقوله انها دكتوره شاطره وااااااايد في مجال تاخر الحمل و عندها خبره واسعه و ابتدت معاي كل شي خطوه خطوه و بنفسيه حلوه و وايد غيري راجعوا عندها و حملوا و طبعا الفضل الاول و الاخير لله سبحانه
وكلفتني من غير ادوية 900 دينار
مع الادوية والفحوصات تقريبا 600
يعني كلفتني 1500
وحبيت استفسر عن الدكتورة فوزية القطان ابي رقم عيادتها او وين مكان عيادتها
الله يخليكم فيدوني
اللهم ارزقني الذرية الصالة وارزق كل المحرومين الاهي امييييييييييين