بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
هاي حبوبات 
اسامي اليهال سالفتها سالفة
انا عندي بنتين ربي يحفظهم مسميتهم انا وزوجي
بس اهو حاط في باله بما اني حامل ( الله يتمم علي وعلى كل حامل ويرزق كل متزوجة الذرية الصالحة )
اذا كان ولد قصب يبي يسميه على ابوه
اسم ابوه عادي ودارج بس انا مو حابته المشكلة ما احب هالأسم من قبل الزواج يمكن لان كل اللي اصادفهم ابهالأسم دمهم ثقيل لووووول
انا امنيتي الأولى ودعائي اني اولد ولادة طبيعية ويطلع البيبي بصحة وعافية اهم شي ونقوم انا معاه بالسلامة
والاسم تقدرون تقولون رضيت بالأمر والواقع ،، خاصة ان الأسم عادي مو غريب ولا شي
بس يتلنا فترة تناجرنا وردينا رضينا قلنا مو مهم الاسم المهم صحة البيبي
فانتوا شلون تنقون الأسامي ؟؟
ومنو فيكم اللي ينقيها ؟؟
وما تسوى الهوشة على اسامي ،، صح ؟؟ 
هاي حبوبات
اسامي اليهال سالفتها سالفة
انا عندي بنتين ربي يحفظهم مسميتهم انا وزوجي
بس اهو حاط في باله بما اني حامل ( الله يتمم علي وعلى كل حامل ويرزق كل متزوجة الذرية الصالحة )
اذا كان ولد قصب يبي يسميه على ابوه
اسم ابوه عادي ودارج بس انا مو حابته المشكلة ما احب هالأسم من قبل الزواج يمكن لان كل اللي اصادفهم ابهالأسم دمهم ثقيل لووووول
انا امنيتي الأولى ودعائي اني اولد ولادة طبيعية ويطلع البيبي بصحة وعافية اهم شي ونقوم انا معاه بالسلامة
والاسم تقدرون تقولون رضيت بالأمر والواقع ،، خاصة ان الأسم عادي مو غريب ولا شي
بس يتلنا فترة تناجرنا وردينا رضينا قلنا مو مهم الاسم المهم صحة البيبي
فانتوا شلون تنقون الأسامي ؟؟
ومنو فيكم اللي ينقيها ؟؟
وما تسوى الهوشة على اسامي ،، صح ؟؟
بنتي الاولى سميتها على اسم خالتي ( ام ريلي )
بنتي الثانيه (( تؤام )) على اسم امي وجدته
بنتي الرابعه على اسم جدتي الله يرحمها
بنتي الخامسه على اسم اختي …….. لأنها قالت اللي يسمي على اسمي لها
ست مضاعد ذهب خخخخخخخخ
(مي) اكيد ماله داعي اهواش ..واهم شيء صحه البيبي وصحتج…وبعدين سالفه الاسامي تنحل..
يعني لا اتعاندينه لان بعنادج اتخلينه يعاند بزياده يعني حاولي اتساحلينه…ولا تنسين ترا اهو اللي يرووح يسجل اسم الياهل مو انتي..فلا اتعيشين الدور..لوووووووووول يعني ممكن يقولج اوكي واهو يكون مو راضي ويروح يسجل اي اسم اهو يبيييه ….
اما انتي (بناتي حبيباتي) الله يخليلج بناتج يارب ..ويحفظهم من كل مكرووه ..واتشووفين اعيال اعيالهم..يارب..
اما عني انا فبجري ولد..وريلي اقترح علي اسم وعجبني وقتها مو وايد دارج(شاهين) فحبيته اول ما سمعته وسميناه..اما بنتي فسميتها على اسم يدته ..(علشان خاطره لان اهو يحب يدته واهي امربيته وهي متوفيه الله يرحمها ويرحم موتاني جميعا)..
بس شرطت عليه اذا يبت بنت راح اسميها اسم ابخاطري..واذا ولد اهو يسميه..
وكبري عقلج..وترا ما يسوىى الزعل على الاسامي..وسبحانك يارب الياهل ايي ورزقه واسمه معاه …
مشكوووره حبيبتي على دعائج الطيب لي
ولدي الكبير على اسم ابوه ( عبدالعزيز )
و الثاني على عم زوجي ( ناصر )
و الثالث اسم معروف بعايلتهم ( شملان ) بالبدايه حسيت انه ثقيل وضاق خلقي بس بعدين حبيته خاصه انه مو دارج وايد
و الرابع على اسمه حماي (سعود )
يعني انا اييب و زوجي يسمي هههههههههه
بس الحمدلله اسامي عيالي حلوة مع انها كبيره وكل من يسمع اسامي عيالي يقولي عفيه على ريلج خوش اسامي
عسى ربي يحفظهم و يحرسهم قولي ااامين
الله يحرسهم لج يا رب…
(بناتي حبيباتي)..عاد بخطب حق ولدي وحده منهم
من الحين انيييب الدزه ونحجزها حق ولدنا….
واللي تامرون فيه احنا حاضرين (يعني ابي اكسبج اشرايج فيني..بس خل تيي عندي لا اطلع اعيوونها بعد تدرين خاله..والخاله والجنه يني وعطبه) لوووووووووووووول…
يارب يحفظ لنا اعيالنا وانشوفهم في اعلى المناصب ومعاريس …
بس لاتزعلين على ريلج على هالسبب ماتسوى
اخذيها بنت لج مو بس جنه بهدومها وبدون مهر بعد
احنا جم ام شاهينو عندنا ؟؟؟؟؟
الله يحفظ لج بناتج من كل شر انشالله
ويخليج لهم وتفرحين فيهم
البنات يهبلون ويشوقون
ام شاهينو
بس صج اهو اللي بيكتب الأسم بس يا ربي انا اللي اطلعت روحي بالحمل والطلق 
لاااااااااااااااااااااااااا حراااااااااااااااااااااااااااااااااااام ههههههههههه زوجي ما يسويها يتفق معاي على اسم ويروح يكتب شي ثاني
وبعدين انا كبرت عقلي خلاص بخليه على اللي يبيه
امواج البحر
اساميهم كله صوب اهله !!
بس ماشالله كلها حلوة ورزة ،، الله يحفظهم لج من كل شر وتشوفينهم معاريس
وردة العاشق
لووووووووووووول اي كلها اقولها لزوجي
ثاني شي مسأله الاسامي قصه قصيره لووول
لما عرفت ان اللي ابطني بنيه كنت بسميها الزين واهو كان يبي اوراد .. فسوينا قرعه وطلع اسم الزين معانا
ومن يومها قلتله , اذا اختلفنا بسالفه الاسامي نسوي قرعه لووول
ومن ضمن الاتفاق ان ولا احد من اهلي واهله يتدخل , لانهم عيالنا مو عيالهم
امواج البحر
اساميهم كله صوب اهله !!
بس ماشالله كلها حلوة ورزة ،، الله يحفظهم لج من كل شر وتشوفينهم معاريس
اي شفتي كله صوب اهله بس انا احط في بالي دام الاسم حلو ما عندي مشاكل خاصه وان هالاسامي مو موجوده بعايلتنا
انشالله لا حملت وولدت اقووولج =)
الله يرزق كل محروومة انشالله
لووووووووووووووول…اي الصغيره اوكي… يعني ولدي اكبر منها اشوه …وتسلمين وما اتقصرين …
لااااا يا عيوووووني مهرها ودزتها واللي تامروووون فيه
اي اشوه (مي)
خلج جذي دايما… والله يطولج مرادج
انا اعااااااااااااني منه
زوجي ما يحب الاسامي الغريبه
وانا اموت فيها
فانتوا شلون تنقون الأسامي ؟؟
اسم ولدي قررنا انا وياه ان نخليه على عمي ابو ريلي
لان ريلي كان وده يسمي على ابوه
بس بيتهم كلهم كلهم مسمين على ابوه
اخوه العود ما كان عنده ولد وقت الي يبت ولدي بس كان الكل يناديه بو يوسف
وبعد ولادتي اهو صار عنده ولد وسماه يوسف
واخوه الثاني عنده يوسف من زمان وهم بعد بجره والكل يناديه بو يوسف
واختهم مسميه يوسف وهم بعد بجرها
يعني كلهم بو يوسف وام يوسف
عشان جذي قررنا ان ما نسمي يوسف على الاقل ما يكون البجر
شنو كلنا نفس الشي ام يوسف وبو يوسف
عاد خوش اسم
بس ماحب التكراااار
فخلينا هالمسأله على عمي
فسميناه (( سعــــود )) مثل ما اقترح عمي
وبالنسبه لي اسامي الصبيان ما تفرق وياي مثل اسامي البنات لان اسامي البنات حلاتها تكون فنتق
فلما حملت في بنتي كان خاطري بهالاسامي (( عذبه ، زينه ، دارين ، بدره ، ســــــما
))
بس ريلي رااااااااااااافض
كان ما عنده مانع يسمي زينه لان الاسم دارج
بس مره قاعدين نتناقش مع حمولتي عن اسامي البنات جان خالتي تقترح نسمي على اسمها
وافتشلت اردها لانها خووووش خاله تنحط على الجرح يبرى
واسمها حلو وخفيف مو ثقيل
وسميت بنتي على خالتي
سميتها (( مــــي ))
ومنو فيكم اللي ينقيها ؟؟
احنا الاثنين
وما تسوى الهوشة على اسامي ،، صح ؟؟
لا ما تسوى بس تحز بالخااااااااااااااطر