بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
أمهـــــــــــــــــــــــات
ويش رايكم بالاكل الجاهز المعلب للرضع ؟؟
من تستخدمه حق عيالها ؟؟ و شنو افضل نوع ؟؟؟
ادرري
ثقلت عليكم بس تحملوني ام جديده:tek
:
السلام عليكم
أمهـــــــــــــــــــــــات
ويش رايكم بالاكل الجاهز المعلب للرضع ؟؟
من تستخدمه حق عيالها ؟؟ و شنو افضل نوع ؟؟؟
ادرري
ثقلت عليكم بس تحملوني ام جديده:tek
:
انا جربت كل شي حق ولدي البجر…
بصراحة ماشالله عليه كانياكله…ف مادري شنو قصدج بالسؤال…يعني هل هو زين مو زين…ولا تبين النوع الزين…
عموما…
انا اقولج…كل ماركة تسوي نوع اكل مو موجود عند الثاني…
يعني اتذكر علاوي كان يحب البودينغ…فانيليا…يميم…من فارليز
وجيربر عندهم انواع المرق والخضار
وهيرو بعد زين…
والعصير مالهم تمام…يعني كل شي جربت وكنت انوعله
ماقصرتي حبيبتي
طيب اهو يزيد الوزن ؟؟؟
ابي بنيتي تسمن شوي
وعيش ميلوبا..كل يوم…
جم عمر بنتج..؟؟؟
امبيه هالشيين يحلون البيبي..ويخلون فيه عافية..ياحلاته عليوي…كان متعافي اسملله عليه لأن كنت وايد مهتمة بأكله
وشريت كتاب اسمه الطفل السليم مع الدكتورة ريم ممتاز ويعطيج افكار
اهي طويله ماشاء الله عليها بس احسها نحيفه
و اعطيها اللي قلتي عليه باستمرار
و خضار مع زبادي – توست مع زبادي – عصير طازج – تمر مهروس – شوفان
و ما سمنت و حليبها سميلاك
ادري هذرت وايد بس نفسي تربرب شوي
سويلها الاكل من الليل .. حطيلج جدر صغير قطي فيه بطاطه صغيره على نص حبه كوسا على قطعه قرع على جم عود سبانخ ونص صدر دياي مسلووق وقفشتين عيش مصري ..
وخليه ليما يستووون وطحنيهم وتعالي شووفي ريحته خنيين بلا قواطي ولا معلبات ..
اعيالنا نوكلهم احسن شي ومناعتهم ضعيفه عيل شلون لو نوكلهم قواطي ..
العيش المصري يسمن .. حطيه بأكلها .. او سلقيه وخلطيه مع حليب ووكليها وبالعافيه
والعيش ميلوبا وجبة بالحليب مالها..
وسويلها برنامج منظم..احسن
أظن بهالعمر محتاجة7وجبات حليب بالإظافة حق الأكل والخفايف
خل تفتح ريجها بحليب خالي…
وبعدين… تتريق جبن مثلا..قيمر..عسل…مربى…مع توست ناعم
بعدها بساعة تقريبا ان ياعت عطيها حليب مع بسكوت فارليز
وقبل الغدا..جذي عالساعة11ونص…تقدر تاكل سيريلاك…مع الحليب…
الغدا..بيكون عالساعة2….تاكل اكل بيت…طبخيلها لحم-دجاج-سمج-مع شوي خظار وعيش او معكرونة..والخظار شكليلها…حطي بروكلي..بطاط جزر كوسا بصل…يعني نوعي…وظربهم بالخلاطة…
وعقبها…عالساعة3… خل تشرب عصير او التمر اللي تسوينه
وبعدين عطيها حليب خالي عالساعة5ونص جذي…
وبعدين عالساعة7 خل تتعشى عدل…من المعلبات…مثلا خضار-فواكه..او بودينغ من هالسوالف..""ترى عادي تاكل مرتين باليوم من المعلبات""
يعني الصبح فواكه والعشا خضار جذي
وبعدين عالساعة8ونص سويلها سيريلاك …مع الحليب بس تاكله بالقفشة
وبعدين بالليل قبل لاتنام عالساعة10ونص حليب مع عيش ميلوبا
ملاحظة الحليب اللي مع السيريلاك…تسوين الرظعة العادية وظيفي عليها 9ملاعق سيريلاك القمح بالحليب..
وخلطيهم…ووكلي بنتج بالعافية
والحليب وعيش ميلوبا…اخذي الحلمة اللارج…وحطي العيش لما يثقل الحليب…
وتقدرين بدال الفارليزة تحطين 2 يشبع
انا جذي سويت حق علاوي وماشالله كبر وهو يحب الأكل…
مو متين…بالعطس ولدي هيلثي حده
ماقصرتي
باعتمد نظامج
الله يخلي لج علاوي و يبلغج بره
و لا المعلبات اللي ما يندرا شنو فيها
وانا ولدي اطبخ له بطاط وكوسا وجزر وبعدين احطهم بالخلاط ومعاهم قفشتين عيش ميلوبا وكيفج اذا بتحطين عيش عادي واحط بعد معاهم قفشتين من حليبه اس26 وازيده شوية ماي زمزم لين يوصل للسماكه اللي ابيها
حطي كوسا وبطاط وقطعه ديايه وقرع وعيش بس اذا بنتج صغيره لاتحطين ملح وايد ولابهارات الملح خليه خفيف حتى لو يصير الاكل شوي حالي من القرع عادي…
انا كنت اسوي حق ولدي اكل يكفي حق يومين واحطه بالثلاجه ومرات اسويله من اكلنا بس لمن صار عمره 10شهور عشان البهارات اللي بأكلنا عشان الاكل لايصير حار عليه…
احس من المعلبات /// انا اول ما بديت معاها كنت اعطيها من المعلبات بس مادري اشلوووون صاير ما احس انه زين مرة عطيتها جزر وكان لونه وااااااايد فسفوري مو طبيعي ما كملته لها ولما سويتلها جزر مهروس بالبيت كااااااان غييييير لونه طبيعي وفريش وقطعتهم من زمان
كتاب الدركتووورة ريم ممتاااااااااااااااااااااااز انصحج فييييييه
اذا في البيت افضل اكل البيت
بس مااستغني عن السيرلاك