البواسير ودكتوره فريدة دشتي

سلامة قلبج حبيبتي ، للاسف ماعندي فكره بس برفع الموضوع واهم شي الاستخاره وربي يسهل امرج

اختي انا جذي نفسج بس احس بالم وقت الجماع ومرات اتحاشى ريلي بسبب هالموضوع وماقدر اقوله فشله انا الحين بالعياده وناطره دوري مع امي الله يستر اشوف شتقولي وابلغج

امي سوت العملية بس طبعا العملية تكون اخر علاج اذا ما فادتج الحبوب والكريمات والتحاميل

امي سوتها عملية بسيطة مجرد ربط ماكو جراحة ولا فتايل حتى البنج يكون نص ابرة ظهر وثاني يوم انتي في بيتج لا تخافين وتوكلي على الله اذا كانت حالتج تحتاج عملية

امي سوتها بالحكومة عند دكتور شاطر استشاري بس طلع من الحكومة الحين عنده عيادة خاصة

قوه بنات انا توني طالعه من العياده والدكتوره روعه روعه ماشالله عليها حبوبه ونفسها طيبه اسالتني عن الاعراض وقتلها اني ماحس فيهم بس وقت الجماع يضايقوني وقالت خل افحصج وبعد الفحص اهيا قالت اللي فيج خارجي موداخلي الحمدالله لان الداخلي ياذي اكثر وقالت اذا ماتحسين بعوار ولا في دم او شي انا ما انصحج بالعمليه الا اذا تبين من ناحيه جماليه اتشيلينهم بس لازم تتحملين الالم بعد العمليه لانه يعور وسالتها عن الليزر قالت ممكن يرجع مع الليزر وومكن يسبب الليزر ضيق في منطقه الخروج عزكم الله وهذا مشكله ثانيه وسالتها اني حاطه ابالي احمل انشالله واخاف يزيدون قالت ممكن وخاصه باخر اشهر الحمل لانه الجنين وضعيته تكون ضاغطه عالمستقيم بس قالت انتي مالج اعراض بواسير كانها لحمه زايده وطالعه بره انا انصحج بكريم ميبو لما تحملين حاولي من يومين الى ثلاث انج ادهنين المنطقه مع مساج لي داخل هذا راح يساعدج واذا ماحبيتي ريحه المييو استعملي بيبانثين الكريم مال الحرق مو الدهان عشان الريحه اخف ولازم اضبط اكلي واكثر ماي وخضره وفاكهه وعطتني ملينات بس قالت مو كل يوم حاولي خلي الامعاء تشتغل من طبيعتها ومن الفواكه ادري قرقرت وايد بس الله يشافي الجميع ويعينكم على المرض اللي يفشل

حبيبتي مشكوره وماقصرتي