مادري من وين ابدي وشقول .. بس نفسيتي حيل تعبانه ..
انا من زمان بي اسوي الليزك حق عيوني … ولما قررت اسويها دورت وسألت وترددت شكثر عشان اوصل حق القرار الصحيح وللاسف اختياري ماكان موفق !
الكل مدحلي الدكتور عبدالله المنصور ! الكل اجمع انه فاهم وزين وشاطر والكل اجمع انه يسمعج ويعطيج من وقته !
صليت استخاره وكنت محتاره بين كذا دكتور .. ومع ان اهلي كلهم مسوين عند الدكتور سامي الربيعه الا اني حزتها سبحان الله ماارتحت ووقع اختياري على هالدكتور اللي مايخاف ربه !
رحت عيادته من شهرين تقريبا فحص عيني عقبها شرحلي كل عمليه شلون صايره .. وقالي بسويلج (( ليزر )) انا استغربت قلتله بس دكتور الليزك ماتصلحلي .. قال امبله الثنتين يصلحون بس بسوي ليزر حقج ! قلتله غريبه الليزك جنها مطوره اكثر وعوارها اقل ! وقلتله شوي انا متردده قال والله شوفي العمليتين ناجحين .. الليزر مستحيل يصيرفيها خطأ والليزك ممكن الغلط يصير فيها واحد بالمليون بس انا كل عملياتي نجحت والحمدلله اظبط الثنتين ! واختي نفس نظرج وانا مسوي لها ليزر . وخلاص خليها علي ان بسويلج ليزر .. انا هني متردده بس ياربي عيني تعبانه ابي اسوي العمليه ومابي ااخر اكثر … قلتله خلاص دكتور اكيد انت اخبر مني وتوكل على الله ..
ومن باجر كانت عمليتي ..
اول مادشيت حق العمليه قال انا بسويلج ليزك (( لاحظو ان قبلها بيوم كان ملزم على الليزر !! ))
نا استانست وقلت اكيد جواب الاستخاره ..
وسويت العمليه اول الايام كنت حيل مستانسه مو شويه لان تخيلو من المتوسطه وانا البس نظاره يعني تقريبا 12 سنه وانا البسها
عقب بجم يوم قمت احس ان نظري اخف بعيني اليسار قلت يمكن لان توني مسويه العمليه ….. عقب اسبوع راجعت الدكتور فحص عيني قال مممممتاز ممممتاز ! على شنو ماادري .. المهم بفحص النظر الفلبينيه الخبله اقوله الاحرف الصغيره مااشوووفها ! تقولي تقريبا تقريبا … ! يعني قصدها حاولي تشيرين وقولي !
المهم سألته وقلتله ترى اليسار مااشوف فيها عدل قاااال عادي وطبيعي توج مسويتها مع الايام تتعدل
صار موعدي الثاني عقب تقريبا ب اسبوعين ونفس الشي يابنات تعبت والله نظري باليسار اخف يعني مااشوف الرقم الي بالرسيفراللي جبال فراشي عدل … اشوف ظباب شوي
وهم لما رحتله بالموعد الثاني قلتله دكتور نفس الشي ترى ماتعدل
طبعا اهو ماااايسمعج كلش ويغير المووظوع وكله مستعيل والله يااابنات اي اقولكم هالحجي وربي بيحاسبني عليه ان ماعطاني فرصه اتحجى بكل موعد ارووحله فيه .. كل مره يقولي يلا في ناس ناطرين ! او يقول لاتستعيلين !
وطبعا عطاني لستة قطرات كلهم استخدمتهم وماكو فايده
بالموعد الثاني قال استخدمي القطرات وعقب شهر بيكون موعدج !
واستخدمت … قبل تقريبا اسبوعين قمت احس ان العين الثانيه قامت تصير مثل الاولى ! وصارو الثنتين ظباب شوي ! واللي زاد الطين بله ان حتى لما اجابل اللابتوب الاحرف الصغيره مااشوفها عدل !
انا هنييييي ينييييييييييييييييييت وقلت بنطر لي موعدي
قبل شوي موعدي رحتله وسوتلي الفلبينيه الفحص .. وانصدمت ان فعلا النظر نازل !!!! وبالثنتين والله يابنات ان الاحرف اللي كنت اشوفها قبل الحين مااشوفها عدل !!!!!
ماتدرون شصار فيني والله نفسيتي تعبت مو شوي والمشكله ان هالدكتور المحترم مايرد عليج كلش ويصرفج بسرعه وكله يقولج في ناس وعندي مراجعين يعني بما معناه خلصي وطلعي بره ! واهو اصلا لما اروح مااعنده ناس وايد
المهم دشيت عليه وامي معاي … قال حق امي انتي قعدي بره لان بنتج لما تشوفج بتدلع !!!!!!!!!!!!!!!!!!!!!!!!!!!!!!!!!!
انا هني شبيت شكوووو ادلع ! وشلون يقول حق امي هالحجي ياربي شلون هذا دكتور !
المهم بلعناها وسكتنا وامي طلعت وحطلي قطرتين بعيني وقال سوي فحص مره ثانيه عقبها تعالي
وسويت الفحص ونفس الشي النظر ماتغير
لما ناداني بعدين قلتله دكتور ابي اعرف شسالفه؟ بكل موعد تقولي بيتعدل النظر والمشكله الحين النظر خف اكثر وعيني الثانيه اللي كنت اشوف فيها 100% الحين صارت مثل الاولى !
هني قالي شنو يعني؟ العمليه مافيها شي وناجحه وانا بعطيج قطرات استخدميهم وبعد شهر تعالي @@@@@@@@@@@@@@@@@
والله يابنات ان هذا اللي صار انصدمت موووو شويه حتى رد مثل الاوادم مايرد ويتهرب من السؤال ..
هني قلتله دكتور اذا استخدمتهم والشهر الياي ييتك ونفس الشي ماتغير النظر ولاتعدل شسوي؟
قال يعني شتسوووين؟؟؟؟
قلتله مادري انا اسألك شنو الحل؟ قال ماكو حل العمليه ناجحه وانا مادري ليش تقولين جذي
قلتله هذي عيوني انا اللي اشوف فيها واحس فيها ! انا اقولك مااشوف عدل وقبل احسن !
قلتله دكتور انت بالاساس كنت متردد شنو تسويلي … لما ييتك قلتلي ليزر ولزمت عليه ! وبوقت العمليه تقولي بسويلج ليزك ! والله يااابنات مااارد علي وبس يقولي ناااااجحه وانتي كيفج ! قلتله اوكي رد على سؤالي انت دكتور شلون تتردد بالعمليه اللي تسويها لو انت واثق من شغلك شلون تقولي شي وتسويلي شي؟ شلون تغير رايك بدقيقه؟؟؟
والله يااابنات مارد على سؤالي وقالي شوفي انا بعد ماابيج تيين عندي ! وسوي اللي تسوينه والعمليه ناجحه روحي اي دكتور خل يفحص عينج .. وروحي اشتكي !
والله يابنات انصصصصدمت حييييييييييييييييييييل قلت معقوله هذا الدكتور اللي الكل يشرق فيه ! والله بنات حتى رفيجتي متعامله معاه وتمدحه ! ماادري شسوي انصدمت مو شويه وهذي عين مو لعب
المهم قلتله مومشكله بس بذمتك انشالله ومو انت اللي تقولي ماابيج تيين انا اللي ماابي ايي بعد لان كافي اللي صاري
قام يصارخ ويقول انا اقدر اتخذ اجراءات .. ومادري شنو قام يخربط وطلعت منه وانا شااااابه يابنات بس قلتله خلها بذمتك ولا همه وقال ادري بذمتي !
بنات واللله ان ماجذبت عليكم وان هذا اللي صار
طلعت من عيادته وانا اتحلطم والنفسيه صفر وافكر بس بعيني
اقول ماادري يصير اسويها مره ثانيه عند دكتور شاطر؟ وهم لو يصير اخاف انعمي ! ياربي والله دكاترتنا يعفسون الواحد ماادري منو الزين ومنو الشين
من باجر انشالله بروح حق الدكتور سامي الربيعه يفحص عيني ويقولي شسالفه ..
ابي رايكم شورو علي شسوي؟
انا من زمان بي اسوي الليزك حق عيوني … ولما قررت اسويها دورت وسألت وترددت شكثر عشان اوصل حق القرار الصحيح وللاسف اختياري ماكان موفق !
الكل مدحلي الدكتور عبدالله المنصور ! الكل اجمع انه فاهم وزين وشاطر والكل اجمع انه يسمعج ويعطيج من وقته !
صليت استخاره وكنت محتاره بين كذا دكتور .. ومع ان اهلي كلهم مسوين عند الدكتور سامي الربيعه الا اني حزتها سبحان الله ماارتحت ووقع اختياري على هالدكتور اللي مايخاف ربه !
رحت عيادته من شهرين تقريبا فحص عيني عقبها شرحلي كل عمليه شلون صايره .. وقالي بسويلج (( ليزر )) انا استغربت قلتله بس دكتور الليزك ماتصلحلي .. قال امبله الثنتين يصلحون بس بسوي ليزر حقج ! قلتله غريبه الليزك جنها مطوره اكثر وعوارها اقل ! وقلتله شوي انا متردده قال والله شوفي العمليتين ناجحين .. الليزر مستحيل يصيرفيها خطأ والليزك ممكن الغلط يصير فيها واحد بالمليون بس انا كل عملياتي نجحت والحمدلله اظبط الثنتين ! واختي نفس نظرج وانا مسوي لها ليزر . وخلاص خليها علي ان بسويلج ليزر .. انا هني متردده بس ياربي عيني تعبانه ابي اسوي العمليه ومابي ااخر اكثر … قلتله خلاص دكتور اكيد انت اخبر مني وتوكل على الله ..
ومن باجر كانت عمليتي ..
اول مادشيت حق العمليه قال انا بسويلج ليزك (( لاحظو ان قبلها بيوم كان ملزم على الليزر !! ))
نا استانست وقلت اكيد جواب الاستخاره ..
وسويت العمليه اول الايام كنت حيل مستانسه مو شويه لان تخيلو من المتوسطه وانا البس نظاره يعني تقريبا 12 سنه وانا البسها
عقب بجم يوم قمت احس ان نظري اخف بعيني اليسار قلت يمكن لان توني مسويه العمليه ….. عقب اسبوع راجعت الدكتور فحص عيني قال مممممتاز ممممتاز ! على شنو ماادري .. المهم بفحص النظر الفلبينيه الخبله اقوله الاحرف الصغيره مااشوووفها ! تقولي تقريبا تقريبا … ! يعني قصدها حاولي تشيرين وقولي !
المهم سألته وقلتله ترى اليسار مااشوف فيها عدل قاااال عادي وطبيعي توج مسويتها مع الايام تتعدل
صار موعدي الثاني عقب تقريبا ب اسبوعين ونفس الشي يابنات تعبت والله نظري باليسار اخف يعني مااشوف الرقم الي بالرسيفراللي جبال فراشي عدل … اشوف ظباب شوي
وهم لما رحتله بالموعد الثاني قلتله دكتور نفس الشي ترى ماتعدل
طبعا اهو ماااايسمعج كلش ويغير المووظوع وكله مستعيل والله يااابنات اي اقولكم هالحجي وربي بيحاسبني عليه ان ماعطاني فرصه اتحجى بكل موعد ارووحله فيه .. كل مره يقولي يلا في ناس ناطرين ! او يقول لاتستعيلين !
وطبعا عطاني لستة قطرات كلهم استخدمتهم وماكو فايده
بالموعد الثاني قال استخدمي القطرات وعقب شهر بيكون موعدج !
واستخدمت … قبل تقريبا اسبوعين قمت احس ان العين الثانيه قامت تصير مثل الاولى ! وصارو الثنتين ظباب شوي ! واللي زاد الطين بله ان حتى لما اجابل اللابتوب الاحرف الصغيره مااشوفها عدل !
انا هنييييي ينييييييييييييييييييت وقلت بنطر لي موعدي
قبل شوي موعدي رحتله وسوتلي الفلبينيه الفحص .. وانصدمت ان فعلا النظر نازل !!!! وبالثنتين والله يابنات ان الاحرف اللي كنت اشوفها قبل الحين مااشوفها عدل !!!!!
ماتدرون شصار فيني والله نفسيتي تعبت مو شوي والمشكله ان هالدكتور المحترم مايرد عليج كلش ويصرفج بسرعه وكله يقولج في ناس وعندي مراجعين يعني بما معناه خلصي وطلعي بره ! واهو اصلا لما اروح مااعنده ناس وايد
المهم دشيت عليه وامي معاي … قال حق امي انتي قعدي بره لان بنتج لما تشوفج بتدلع !!!!!!!!!!!!!!!!!!!!!!!!!!!!!!!!!!
انا هني شبيت شكوووو ادلع ! وشلون يقول حق امي هالحجي ياربي شلون هذا دكتور !
المهم بلعناها وسكتنا وامي طلعت وحطلي قطرتين بعيني وقال سوي فحص مره ثانيه عقبها تعالي
وسويت الفحص ونفس الشي النظر ماتغير
لما ناداني بعدين قلتله دكتور ابي اعرف شسالفه؟ بكل موعد تقولي بيتعدل النظر والمشكله الحين النظر خف اكثر وعيني الثانيه اللي كنت اشوف فيها 100% الحين صارت مثل الاولى !
هني قالي شنو يعني؟ العمليه مافيها شي وناجحه وانا بعطيج قطرات استخدميهم وبعد شهر تعالي @@@@@@@@@@@@@@@@@
والله يابنات ان هذا اللي صار انصدمت موووو شويه حتى رد مثل الاوادم مايرد ويتهرب من السؤال ..
هني قلتله دكتور اذا استخدمتهم والشهر الياي ييتك ونفس الشي ماتغير النظر ولاتعدل شسوي؟
قال يعني شتسوووين؟؟؟؟
قلتله مادري انا اسألك شنو الحل؟ قال ماكو حل العمليه ناجحه وانا مادري ليش تقولين جذي
قلتله هذي عيوني انا اللي اشوف فيها واحس فيها ! انا اقولك مااشوف عدل وقبل احسن !
قلتله دكتور انت بالاساس كنت متردد شنو تسويلي … لما ييتك قلتلي ليزر ولزمت عليه ! وبوقت العمليه تقولي بسويلج ليزك ! والله يااابنات مااارد علي وبس يقولي ناااااجحه وانتي كيفج ! قلتله اوكي رد على سؤالي انت دكتور شلون تتردد بالعمليه اللي تسويها لو انت واثق من شغلك شلون تقولي شي وتسويلي شي؟ شلون تغير رايك بدقيقه؟؟؟
والله يااابنات مارد على سؤالي وقالي شوفي انا بعد ماابيج تيين عندي ! وسوي اللي تسوينه والعمليه ناجحه روحي اي دكتور خل يفحص عينج .. وروحي اشتكي !
والله يابنات انصصصصدمت حييييييييييييييييييييل قلت معقوله هذا الدكتور اللي الكل يشرق فيه ! والله بنات حتى رفيجتي متعامله معاه وتمدحه ! ماادري شسوي انصدمت مو شويه وهذي عين مو لعب
المهم قلتله مومشكله بس بذمتك انشالله ومو انت اللي تقولي ماابيج تيين انا اللي ماابي ايي بعد لان كافي اللي صاري
قام يصارخ ويقول انا اقدر اتخذ اجراءات .. ومادري شنو قام يخربط وطلعت منه وانا شااااابه يابنات بس قلتله خلها بذمتك ولا همه وقال ادري بذمتي !
بنات واللله ان ماجذبت عليكم وان هذا اللي صار
طلعت من عيادته وانا اتحلطم والنفسيه صفر وافكر بس بعيني
اقول ماادري يصير اسويها مره ثانيه عند دكتور شاطر؟ وهم لو يصير اخاف انعمي ! ياربي والله دكاترتنا يعفسون الواحد ماادري منو الزين ومنو الشين
من باجر انشالله بروح حق الدكتور سامي الربيعه يفحص عيني ويقولي شسالفه ..
ابي رايكم شورو علي شسوي؟
انتي شكثر صارلج مسويتها؟؟
نطري عليها شوي يمكن من اثار العمليه ان يصير شوي ضبااب … لو انج رايحه حق اكثر من دكتور و ساءلته قبل لا تسوينها ..
لان هذا من قالج ليزر و ليزك .. يعني مو عارف شسالفه
انتي نطري جم يوم و عقب جيكي على دكتور ثاني بس لاتخلينهم يجيسون عيونج ولا يلعبون فيها
روحي حق ككذا دكتور و ان قالولج كلهم نفس الكلام .. اخذي رايهم شنو الحل
وان عمليتج مو ناجحه ردي حق دكتورج الاولي و حاسبيه ..
ديري بالج كلشي ولا العيون
الله يعينج حبيبتي
ماعندي فكرة عن عمليات العيون حبيبتي
صاجه حتى خالتي مره راحت له مامدحته
شوفي حبيبتي انا خبره بالعيون انصحج نصيحه روحي لدكتور مبارك العجمي والله اينن وفاهم ويسمعج وباله طويل
دكتور الربيعه خلاص يعني كبر وجذي روحي لمبارك العجمي واذا تبين ترتاحين اكثر روحي لدكتور خالد السبتي هذا الحين يعتبر من احسن دكاترة العيون عندنا مره رحت له استشيره بشغله قالي منو الدكتور ال….. الي قالج جذي لوول اشوا انج ماسويتي شي عنده جان انعميتي تخيلي!!! واجهزته توب حدها متطوره يعني اتوقع وايد احسن من الربيعه احسه داثر بالنسبه للسبتي وعندج بعد دكتور حسين العباد هذا امي سوت عنده ليزر من زمان ماشاءالله عليه بعد وايد شاطر
انا من انولدت وانا عيوني فيها شي نادر ومن عمر سنتين بديت فحوصات وعمليات برا وهني يعني اكلمج من خبرتي بالكويت دكتور مبارك العجمي نمبر ون ولو ماكان صج بيرفكت ماصار دكتور بابا جابر وبابا سعد الله يرحمهم وصباح الاحمد ونواف الاحمد
واذا تبين اي شي ساليني
شوفي نموله انا اشور عليج تروحين لدكتور سلطان المطيري والله وايد شاطر ووايد بنات سوو عنده ماشفت بنت تشكي
وانا شخصيا راجعت عنده والله اني حست دكاتره العيون بالكويت حوووس كل من يعطيني قطره شكل وعيوني تعبت والتهبت تخيلي اقعد بغرفه ضلمه ماقدر عيوني تحرني
وماشاءالله من رحتله عطاني قطرات من عنده ماخلاني اشتريهم من صيدليه قالي هذي مافيها مواد حافظه لان عينج حساسه وتبارك الرحمن استمريت معاه صرت زينه وعياده على طول مليانه ناس
ولا هذا كلام دكتور ؟؟ استغفر الله
حبيبتي انا ماعرف دكاتره شطار بس ما يبي لها كلام روحي لاكثر من واحد خل يشوفون لج المشكله شنو
وروحي حق محامي ورفعي على الدكتور قضيه
عيل مخرب عميلتج ويهدد يتخذ اجراءات
اهو على باله الدنيا فوضى
لما قلت له ليش دكتور عيوني صارت جذي ؟
قال انتي كبرتي خلاص شي طبيعي تتغير عيونج عن قبل
قلت له انا عمري 34 شلون كبرت دكتور؟
قال اي خلاص المره من تصك الثلاثين يتغير كل شي فيها
الحمدلله والشكر دكتور موطبيعي لا اسلوب ولامفهوميه خسارة الفلوس اللي قطيتها عليه
الله يعيينج وتحسبي عن ربج بياخذلج حقج اذاا تقدرين تاخذين تقرير بوقوع الضرر يكون احسن عشان تقدرين تاخذين حقج
الله يعينج حياتي.. ما عندكم احد يدخلج المستشفى العسكري؟
انتي اهم شي سألي اكثر من دكتور…
شوفي خالد السبتي.. ود.سامي حتى لو كبر بس ماشالله فاهم شغله ممكن على الأقل يفهمج شنو الخطأ الي صار.
اذا يسوي شي غلط لازم هالتصريفه
الله ياخذ حقج منه