الزوج بعد الثلاثين

تزوجت وعمري 19 وكان عمرة 22 كانت كل طلباته اقوله وين رايحه ووين ياية واكيد بعض المشاكل المادية لانه كان صغي ومعاشه اقل وكنت ادرس بس كان حل هذي المشاكل الصبر ولكن بعد الثلاثين. تغير طبعهائي

صارت بالاضافة الى مشاكل اليهال والخدم مشكلة الزوج مشكلة فالوحدة لازم بتحس بالضغط النفسي خصوصا ان احتضانها لعيالها خف لانهم اكبرو فصار الالتزام بدوامها اكثر وهذا الي صار معاي وسويت خطة وانجحت وراح اشرح لكم شلون
1- جانب الوقت
خليت اليهال يداومون صباحي في الصيف اقطهم نادي والاشتا مدارس عشان لا ينامون متأخر فيصير له وقت بالليل
سوت لي يوم واحد بالشهر يوم دلع عشان ما اطلع وايد انا زوجي ما يحبني اطلع من البيت وايد عشان شذي سويتلي يوم في الشهر سميته يوم الدلع اسوي مساج اسوي اظافري اتسوق شوي اغسل سيارتي اشرب قهوة وشذي
سويت لي 3 ايام في الاسبوع اطبخ طبخات تعجبة ومن اختيارة
2- جانب المادي
اقنعته انه نتحاطط انا وياه كل واحد فينا يحط 50 دينار تطلعلنا سفرتين ويك اند ايام المدارس عشان نكسر الروتين
جمعتلي مبلغ شهري قطيت هدوم البيت القديمة وشريت هدوم بيت جديدة ومن ظمنها قمصان النوم طبعا والميكب
3- البيت
غيرت في غرفتنا النوم كانت بيج والكبتات بالدار شلت الكبتات وتسريحتي وحطيتهم بغرفة اضافية عندي وشريت اجهزة رياضية حقي وحقه وبلازمة والله يخلي الاقساد ويررات لونه احمر وكسسوارات باللون الاحمر وشموع وورد ومناظر رومانسية والله ما كلفتني امية فتغيرت الدار صار يحب يقعد فيها مع ان غرفتنا افخم بس الريال عادة في اول الزواج يخليك تنقين بس لازم تعرفين انه مو كلشي تنقينه ترا يعجبه لازم تعرفين شنو يحب وتتنازلين شوي المهم اكمل !

4- الشكل
ظعفت نفسي والله وتعبت بس الحمدالله وصلت حق نتيجة حلوة
طولت شعري لاني كل اقصه
صرت اصبغة غامق واول كنت اصبغة اشقر
اول وايد احط مكياج احمر بس الحين صرت احط مكياج طبيعي وسهل عشان يتكرر اكثر من مرة باليوم
والله قام يطخ عقب هالافكار وصار اكثر هدوء انا ريلي ما يحب لجدة اليهال وما يقعد بالبيت وايد ويبيني على طول في البيت والحمدالله على كل حال والله يعيني على 40 *