بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوه بنات
صارلي 11 والدة ولاده طبيعية الحمدلله بس بعد 5 يوم من الولاده حاشني شد عضلي مو قادره امشي والله ازحف واروح الحمام رحت الطبيب قالولي لازم ابره مرخيه للعضلات
والحمدلله قمت امشي بس حوضي للحين يعورني وظهري وفحوذي مو قادره اصكهم على بعض والله
ساعدوني في احد صارله جذي ؟؟؟ وشنو سويتي ؟؟
قوه بنات
صارلي 11 والدة ولاده طبيعية الحمدلله بس بعد 5 يوم من الولاده حاشني شد عضلي مو قادره امشي والله ازحف واروح الحمام رحت الطبيب قالولي لازم ابره مرخيه للعضلات
والحمدلله قمت امشي بس حوضي للحين يعورني وظهري وفحوذي مو قادره اصكهم على بعض والله
ساعدوني في احد صارله جذي ؟؟؟ وشنو سويتي ؟؟
لييييييييييييش؟؟
انا بعد الولادة مباشرةالى اخر طلعتي من النفاس بشوي بالمستشفى السسترات وبالبيت امي ينزلون ريولي ويرفعونها من الفراش تخيلي
ولا اقدر اقلب وقت النوم انادي احد يلفني يمين او يسار
واي اللي صارلي شي مو طبيعي
وقالولي شد عضلي قوي من الحوض الى اطراف الأصابع والسبب غير الشد العضلي ان اربطة الحوض بعد ما تفككت من الولادة طولت على ماردت مكانها وهذا سبب الام الظهر والوروج والصعوبة بالقومة والقعده
الحل
حاولي تمشين كثر ما تقدرين ،، كانوا الزوار لما يطلعون من غرفتي تيي سستر تمسكني وتمشيني جنها تعلم بيبي على المشي كنت ما ارفع ريلي من الأرض كنت اسحبها على ارضية الغرفة وما ارفعها ما اقدر ،، فتدربني كل يوم على المشي وتقولي بس تردين البيت حاولي تمشين كثر ما تقدرين ليما تبدي العضلات ترخى
الشي الثاني
رحت دكتور عظام وقالي اللي فيني طبيعي بسبب الشد القوي واربطة الحوض وعطاني حبوب مسكنة وترخي العضلات لمدة اسبوعين نسيت اسم الحبوب بس العلبة لونها ابيض وازرق والحبة مثلثة لونها سماوي تقريبا
وانشالله ما عليج شر حبيبتي
شوي شوي ليما وضعج يرد طبيعي انشالله ،، وسوري على الهذرة بس ذكرتيني بحالتي اللي مريت فيها استغفرالله
عفيه بنات شوفولي حل والله تعبت
واي الله لا يعودها من ايام توقعت بعيش طول عمري جذي
بس الحمدالله انها فترة وعدت
وحدي ميتة خوف بوالدتي هذه يصير لي جذي
لان بادية احس بنفس الاعراض
انا الحين صارلي يمكن ١٥يوم
وانشاءالله تولدين بصحه وعافيه بإذن الله لاتحاتين