العناية بالشعر الجزء الثاني

رابط ط§ظ„ط¬ط²ط، الاول
http://forums.mn66.com/t454692#post5796506

امبولات ..

طقم مع الشامبو ..
يعني تشترين الشامبو وتأخذين معاه هالغراش ..
القوطي فيه 12 غرشه تستعملينه 3 مرات بالاسبوع

عبارة عن علاج لمنع التساقط ولنمو الشعر ..
انا اول ماشفت لونه ترددت اشتريه ..!!
بس حسيت منه فايده وقلت يالله نجربه

:cool:

الكريه في الموضوع انج تكسرينها ..
انا بصراحة اخاف اخلي الخدامة تكسرها لي ..
في العلبة يجي شيء بلاستك تحطينه عللى راس الغرشه
وتكسرينها …

:|:|:|

طريقة الاستعمال ..
بعد غسل الشعر بالشامبو وبعد مايجف تحطين منها ..
وتدلكين الشعر شوي حتى الجذور ..
انا احطها وقت مانام يعني اتسبح بالليل ولما يجي وقت النوم احط منها ..

هذا سعر الامبولات ..
6 دينار سعرها فيها ..
وأول ماتحطين منها تحسين شعرج ينفرش ..
ولا جنج حاطه شيء في شعرج بدون ريحه !!
بعض من انواع الشامبوهات اللي جربتها :

وحابه انقل لكم تجربتي ..

شامبو وبلسم من صيدلية بوتس ..
حلو للشعر الجاف وريحته طيبة ..

ماسك للشعر ..
تحطينه على الشعر لمده 3 دقايق
وعقب تحسين شعرج صار ناعم ..

سيروم من نفس الماركة للشعر ..
حماية ضد الاستشوار يوضع على الاطراف ..
بس وايد لزج يعني يفضل وضع القليل القليل ..

شامبو اللوز من فشكول حلو وما اقدر استغني عنه ..
اغلب صالونات الفنادق يستخدمونه روعة موجود
في نزيه وفي كل السوبرماركت الكبيرة ..

وهذا الحمام زيت مرة بالاسبوع ..
على لوز مثل الشامبو ..
ينحط على الشعر لمده 20 دقيقة ويغسل ..

معالج الشعر من دوف ,,
روعة للشعر التالف والمتقص
وفيه منه كذا نوع يخلي الشعر
حرير يوضع لمده 3 دقايق ويغسل

حمام زيت من محلات نزيه ..
ما اقدر اعيش بدونه عجيب
مايتفوت سعره ب 5 دينار ..
ينعم يطول يلمع الشعر ..
مرة الى مرتين بالاسبوع
ونتيجته فورية ومايحتاي ..
انصح فيه وبقوة ..

:thumbs_up::thumbs_up::thumbs_up:

حمام زيت من كاثرين من صيدلية رويان ب 7 دينار ..
حلو بس مو مميز وايد عادي يمكن للحين ما استخدمته وايد
من جذي ما حسيت بتأثيره نعطيه فرصة مو مشكلة ..
الزيوت والعطور :

زيت الخروع ..

زيت جدايل من الفرشي ..
مطول للشعر حلوووووووووو
وحسيت بالمفعول ..

عطر شانيل 5 للشعر
عطر جادوووغ للشعر ..

الاثنين كل واحد يقول الزود عندي ..
تحطينهم في شعرج اول ماتخلصين شور ..
او بعد الاستشوار والريحة مووووووووووووووت

:L::L::L:

في اشياء بعد ماقدرت اصورها ..

:hysterical::hysterical::hysterical:

بس صورت الاشياء المهمة واللي استفدت منها
وحابه انكم تستفيدون منها انا حاليا ابي اطول
شعري واكثفه..
طبعا هلاشياء مو كلها مع بعض استخدمها ..

:worn_out::worn_out::worn_out:

لا حاليا بس مركزة على اول شامبو مع الامبولات ..
واحط زيت جدايل من القرشي واستخدم حمام زيت الاسود ..

منتجاتي تحت تصرفكم ..
حق اي سؤال انا حاضرة وبالشوفة ..

الموضوع مجهود شخصي لا احلل بنقله ..

8o|8o|8o|

اذا عجبكم موضوعي لاتنسوني بالدعاء ..
اذا عجبكم الموضوع لا تنسون تقيموني ….

واذا ماعجبتكم المنتجات اتمنى يعجبكم التصوير ..