السلام عليكم يابنات. في مشكلتي باختصار
تزوجت واحد وحيد امه وأبوه عن حب واهو مو مدلل عادي يعني طبيعي والحمد لله. والحين عندي بنت منه. بس للمشكله مو فيه المشكله باهله
قبل لا اييب البنت كنا زينين مع بعض تخيلو أني ساكنه معاهم بنفس الدور لا وغرفتي جبال غرفتهم كانو يطقون الباب قبل لا يدشون. لدرجه أني ماكنت اقفل بس من عقب ماولدت استخفو قامو يدرعمون علي ومايفكرون اذا كنت لابسه او لا أنا مااظلمهم اهمه واااااااايد واااايد زينين معاي فوق ماتصورون لدرجه انهم يشترون لي هدايا بعيد ميلادي وخالتي اذا شافت شي عجبها بالسوق تشتريلي ياه وعمي يييبلي هدايا غاليه. بس من يبت الياهل ينوا واقعدو عمي من كثر ما اهو طاير فيها لابغا يلعب مع بنتي يعنفص بالقعده تخيلوا جدامي. !!!! أنا استحي جذي وخالتي تبي توكلها علا كيفها وتلبسها الي تبيه حتا لو كان قصير وضيج. تخيلو يوم كنت بالنفاس تفج المهاد وتنقزها ويدته مرا عوده تفججها من مهادها وتخضها خض. وخالته تشيلها من ايدها يوم كانت 3 اشهر. اهم حتا بيت يدتهم ماعندهم يهال ريلي ياب اول حفيده لهم. مع ان ولد خالته متزوج بس ماعنده عيال. صراحه الواحد يبي خصوصيه ماكو. ابي احس بالامومه ماكو. والله محتاجه حلولكم والي قاعد يصير معاي طبيعي وله أنا فيني شي؟؟؟ ومشكورييييبن
السلام عليكم يابنات. في مشكلتي باختصار
تزوجت واحد وحيد امه وأبوه عن حب واهو مو مدلل عادي يعني طبيعي والحمد لله. والحين عندي بنت منه. بس للمشكله مو فيه المشكله باهله
قبل لا اييب البنت كنا زينين مع بعض تخيلو أني ساكنه معاهم بنفس الدور لا وغرفتي جبال غرفتهم كانو يطقون الباب قبل لا يدشون. لدرجه أني ماكنت اقفل بس من عقب ماولدت استخفو قامو يدرعمون علي ومايفكرون اذا كنت لابسه او لا أنا مااظلمهم اهمه واااااااايد واااايد زينين معاي فوق ماتصورون لدرجه انهم يشترون لي هدايا بعيد ميلادي وخالتي اذا شافت شي عجبها بالسوق تشتريلي ياه وعمي يييبلي هدايا غاليه. بس من يبت الياهل ينوا واقعدو عمي من كثر ما اهو طاير فيها لابغا يلعب مع بنتي يعنفص بالقعده تخيلوا جدامي. !!!! أنا استحي جذي وخالتي تبي توكلها علا كيفها وتلبسها الي تبيه حتا لو كان قصير وضيج. تخيلو يوم كنت بالنفاس تفج المهاد وتنقزها ويدته مرا عوده تفججها من مهادها وتخضها خض. وخالته تشيلها من ايدها يوم كانت 3 اشهر. اهم حتا بيت يدتهم ماعندهم يهال ريلي ياب اول حفيده لهم. مع ان ولد خالته متزوج بس ماعنده عيال. صراحه الواحد يبي خصوصيه ماكو. ابي احس بالامومه ماكو. والله محتاجه حلولكم والي قاعد يصير معاي طبيعي وله أنا فيني شي؟؟؟ ومشكورييييبن
بس موزين جذيه خليهم فتره وراح يطخووون
والله يعينج عليهم يارب بس انا اقول من الفرحه فيهاا
حرااام يعورون القلب خليهم يفرحون بهاااا
واذا ماتبينهم يجون الدار خصصي وقت تنزلينها لهم
يعني كل اللي قلتيه دليل على حبهم لك ولزوجك وبنتك ،،
أنا عمي رجال كبير لقيته مرة منبطح مع بنتي بالصالة ! وعمي رجال شديد وتكانة وثقيل وعصبي !
بس شوفي شلون قلبه حن مع بنت ولده ! والله عور قلبي !
صدقيني هذي نعمة من ربك ، واذا على دخلتهم وطلعتهم قفلي الشقة ، عشان يطقون الباب وسهالات ،،
لاتكبرين المواضيع ولاتخسرينهم صدقيني ،
شوفي حبيبتي بالنسبة لغرفة نومج قفلي الباب بالمفتاح لحد ما يتعودون إنهم يطقون الباب قبل لا يدشون
لا تقولين ماكو مفتاح ولا ريلي ما يرضى ولا خالتي وعمي يزعلون مالي شغل الباب لازم ينقفل
وإذا وصلت للطلاق أخلي الباب مفتوح وألبس قمصان نوم شفافة وأخليهم يدشون علي شوفيهم ينحرجون ولا لأ ؟؟؟؟؟؟
أما بالنسبة للبنت خليها عليهم مساكين مستانسين فيها ، انتي بروحج تقولين أول حفيدة لهم خليهم على راحتهم
ما أعتقد لما يفتحون مهادها بيضرونها ولا بيمصعونها ولا بيسوون فيها شي ، ترى الكبار أبخص مني ومنج
بالعيال يبون يفرحون فيها
ودام مو مقصرين معاج بشي لا بهدايا ولا بغيره مضطرة تسكتين لأنهم حبايب وياج
وأشياء مثل هذي طوفيها لا تحطينها بالبال تراها ما تستاهل جدام مشاكل البنات وحمايلهم
!!!!!!!!!
ياحليلهم انا مثلج بعد في بنوتي الاولى ويييييييييييييييييييييييييه من واحد لي واحد حرام بالاول كنت اتضايق بس لما شفت الكل يمووووووووووووووت فيها خليتهم على راحتهم تخيلي بالشهر الثالث يطيرون البنيه فووووووووووق ويمسكونها ابيييييييييه اقولهم حرام تقول خالتي لالا عادي ماكو الا العافيه
واسم الله عليها الحين بثانيه ابتدائي والغلا كله لهاااااااااااا…مو معترفه فيني تموت بيدتها عماتها ولو نطلع نتمشى وبنفس الوقت يدتها بتروح جمعيه تكنسل الروحه معانا علشان تروح مع اليده…غير الممنوعات عندي مثل الكاكاو الحلاو بس عندهم حلاااااااااااال كله لبنتي …اول شي تضايقت بس الحيييييييييين عااااااااااااااادي على قولة خالتي هذي بنتنا انتي وييبيلج وااااااحد ثاني الحين عندي 3 صبايا غير الاولى يحبونهم بس مو مثل اول بنت هذييييييييييييج غيييير:eh_s(6
عاااااادي حبيبتي طولي بالج اصلا ترتاحين لارحتي داوام ولا سافرتي انها بايدي امينه
بس هم صاجه الواحد وده بخصوصيه وده اهو الي يربي عياله ويتحكم فيهم
يعني صبه بوضعج لانه اهل ريلج مايستاهلووون وخليهم يفرحون وبطخوون تالي
غيرك مو معبرين عيالها وينطقون وينزفون
لا تستعجلين بكره يجيهم احفاد من غيرك ووقتها بيطيح كرتك وكرت بنتك
فلا تطلعين بالشينة
مصيرهم يملوون
تجملي فيهم هالفترة
وبالعكس هذي ورقة رابحة بيدك
حتى زوجك لو لا سمح الله زعلك بيكونون كلهم معك عشان بنتك ماتبعد عنهم
لا تكرهينهم فيك
خصوصا على قولتك ماقصرون معك بالهدايا
وتقبلي مروري ورايي