النساة والحمل والمعتقدات!!!

حلوووووى سالفه حلووو ولا جيكر …

بتسمعين حجي شكثر من هالحريم الكبار الله يخليهم لنا .. بس مرات عليهم معتقدات تضحك …

لا ماله شغل هذا بهذا …

وعلى سالفه الاكل اللي تتنسين فيه … انا في بنتي كانت نساتي كله حوامض اذكر بدعت بالخوخ والبرتغال .. وطلت بنووته

عيل اللي انا ما احبه بسوالف النفاس لما يقولون لج لا تشربين ماي يخربج .. وكل دكتور ودكتورة امراض نسا من اقولهم هالكلام يقولون لي سمعي خرابيطهم ولا تشربين ماي عشان يحوشج جفاف ,,, يعني هالكلام غلط ..

ويقولون بعد لا تاكلين برتغال او تشربين برتغال عموما حمضيات بالنفاس على قولتهم هم يسوي هوا برحمج ونفس الشي سألت الدكتوره قالت بالعكس فيتامين سي زين لج وانتي ترضعين والبرتغال عموما عشان لا يصير فيج امساك وانتي بكرامه بالنفاس وتتأذين مع الخياط ..

انا بفتره النفاس لااااعت جبدي من كثر ما سمعت فلانه وفلانه لاااااا مو زينننن ولا ما يصير … تتعقدين والله من كثر ما تسمعين حجي ..

عجبني موضوعج حبيبتي لأن صج صج انا اتعقد بالنفاس من هالسوالف واتملل وايد ..

ثانيا بتكلم عن تجربتي

بجري الله يخليه لي كنت كله ترجيع لي الشهر الرابع وتوحمت عالمالح وطلع ولد المعتقدات تقول اذا ترجيع بنت ((معتقد خاطئ))

ولدي الثاني الله يعوضنا عنه كان وحامي خفيف ماجني حامل لا ترجيع ولا لوعه وكله احب الحلو والكاكاو حسب المعتقد اجيب بنت لكن جبت ولد (( معتقد خاطئ ))

وكانو يقولون اذا الحامل متن كل جسمها اثناء الحمل يعني فيها ولد وهذا اللي صارلي في بجري واذا متنها بس من تحت والافخاذ يعني فيها بنت هذا صارلي بحمالي الثاني وطلع ولد

اما سالفة الجكر والحلاة اجزم مليووووووووووووووووون % خطأ لان البيبي لازم يطلع على احد من اهله افرضي العايلة كلها حلوة شلون بيطلع جيكر

وفي بعد معتقد دايم اسمعه اذا الحامل صارت حلوه وقت الحمل يعني فيها ولد واذا صارت تعبانه وضعفت وشانت يعني فيها بنت

واعتذر عن الاطالة

وقالولي بنت وطلع بالسونار بنت
لكن ماعتقد كل شي يقولونه صح ساعات يضبط وساعات لا
العلم عند الله