بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات ولا عليكم امر بغيت منكم خدمه صغيره الي اهي في وحده قريبه لي خلصت رابعه متوسط ولاكملت واهي الحين طفشانه من قعدت البيت بس ودنا انها اتكمل دراستها بس اهي ناويه علي دورات ولي اتعرف فيكم دورات تستقبل الي معهم شهادة رابعه متوسط تعطيني خبر وهل الدوره هاذي تتوظف بعدها؟وين تتوظف؟ وين مكان الدوره وجم مدة الدوره؟ والله يجزاكم خير.
بنات ولا عليكم امر بغيت منكم خدمه صغيره الي اهي في وحده قريبه لي خلصت رابعه متوسط ولاكملت واهي الحين طفشانه من قعدت البيت بس ودنا انها اتكمل دراستها بس اهي ناويه علي دورات ولي اتعرف فيكم دورات تستقبل الي معهم شهادة رابعه متوسط تعطيني خبر وهل الدوره هاذي تتوظف بعدها؟وين تتوظف؟ وين مكان الدوره وجم مدة الدوره؟ والله يجزاكم خير.
عندج معهد الدراسات العالية دوراتهم حلوة واكثر دورة ياخذونها البنات السهههههههههله دورة سكرتارية تنفيذية
سهله كلش كلش موادها ماي وماكو احد يسقط فيها
ولا خلصت تقدم امتحان بالتطبيقي عشان يعتمدون شهادتها حق التوظيف
طبعا الامتحان ماي مايوه ويعلمونها بالمعهد شنو الاسئله ومحد سقط عندهم
يس اللي يسقط بامتحان التطبيقي يعطونه دورة بالمعهد ببلاش قبل الامتحان الثاني بس عموما محد يسقط خصوصا بهالتخصص
ومتى مااعتمدوا شهادتها تقدم بالديوان وبس
والدورة سعرها اتوقع 450 دينار تدفعين 50 دينار شهريا والدورة مدتها 6 شهور تداوم 3 مرات بالاسبوع تختار الصبح او العصر
انا اعرف وحدة ترى ماخذه هالدورة وتوظفت هم هي ماكملت ثنويه يعني على المتوسط وماشاء الله كاهي مستانسه
وهالدورة كل مكان تتوظف فيها عادي
وترى يصير تقدم الحين بالديوان على شهادة المتوسط ولاخلصت الدورة تضيف الشهادة بالديوان تكون عالاقل ماخذة دور
وهذا رقم المعهد
2411637
وترى هو احسن معهد بهالدورات وايد معروف
وبالتوفيق
مجهزات رياض الاطفال …شهادتهم متوسط …بس ماعندي فكرة وين دراستهم بالضبط ..
وانتي دقي عليهم استفسري منهم