بناات لحقوني عفية شسوي بضرس العقل؟ هادي الصفار يقول مالة حل :(

اقتباس:

المشاركة الأصلية كتبت بواسطة عود ومسك الله يهداج يا بنيه يعني اهو دكتور وممتاز وقالج هالكلام تتوقعين ان ما يبيلج الزين؟ بالعكس اهو شخسران يشيل الضرس وخلاص اهو مستفيد…اذا تبين دكتور ثاني شوفي نائل الهزيم بالميدان ولا تتسرعين يمكن ما ينشال الحين بس ينشال بعد فتره..ما يخالف تحملي واصبري كله محسوب عند رب العالمين اجر لج ان شاء الله وما تشوفين شر يا قلبي صدقيني انا حاسه فيج وعايشه الحين على مسكنات لين ابدا علاجي

بعد عمري الله يطمنج عالرد الحلو مثلج

انا مااقلت شي مع انة مااعرفة ولد الحلال يعني مادري اهو اختصاصي جراحة ولا شنو بالظبط

فأنا قلت اسألكم يمكن اتعرفون احد يفهم بهالشي لان الحجي اللي سمعتة مومعقوول شلون اتم طول عمري بمهدئات!!

زين الاسنان اللي جداامة شسوي فيهم؟ ذابحيني منة ,, وعسى الله يضاعف لنا الاجر انا وياج ويشافينا

وهالدكاترة كل يوم لهم حجي.. يمدحون عباس الرامزي بس والله ماعرف وين صاير ومنو جربة

ومشكوووووورة حبيبتي عسى الله يوفقج

اقتباس:

المشاركة الأصلية كتبت بواسطة عود ومسك امبلا اهو اختصاصه جراحه وزراعه وممتاز دكتور هادي انا راجعت عنده والكل يمدحه..بس للحين ما بلشت الخطه العلاجيه بس يمكن مو طول عمرج ما تشيلينه ما اتوقع يمكن تشيلينه بس بعد فتره..هم دكتور نائل ممتاز ترا اخذيلج موعد عنده بالميدان حولي ودكتور نائل استشاري ودكتور عباس مادري مو سامعه فيه..انا والله اخس منج تخيلي اقوم نص الليل اكل حبه وانام عسى الله يصبرنا بس وما تشوفين شر يا قلبي والله عوار الضرس يذبح

انتي بعد تراجعين عندة عشان ضرس العقل؟؟؟

والله ماادري مافهمت كلامة اذا على طول ولا فترة

دكتور نائل هذا كويتي؟؟

موحالة ويا هالضرس اقصد الضرسين لووووول استغفرلله يارب

انا جذي قعدت اذوني و راسي و كل شي يعورني ماخليت شي ماسويته
كله معاي صداع وماني عارفه من شنو
و يوم شفت قالولي ضرس العقل
ماخليت مكان مارحت كلهم قالولي مانسويه لانه جراحه لازمبالحكومه

رحت الهادي و السلام و مالمواساة و تقريبا كل العيادات
كلهم قالولي روحي يا مبارك او الاميري
خرعوني حسسوني انه فيني شي
و يوم سافرت رحت المانيا قلت خل اروح اتطمن اكثر قالولي نفس كلام الكويت
اذا شلتيه ماراح تحسين بشفايفج صوب اليمين
يمكن سنه او شهر او على طول ماندري

رجعت الكويت قلت خل اروح عند عباس الرامزي
بيني و بينج حسيته مايفضل يشيله قالي خليج على المسكنات

خليته و رحتالاميري حراحه
هناك دخلت و لقيت دكتور اسمه هيثم حيدر او حيدر هيثم
سوالي اشعه و فحصني و صراحه حيل ارتحت له مع انه توه صغير بس حسيته شاطر و ثقه و ماخوفني كلش قالي شي عادي
و كان مسوي حق جم وحده قبلي

و خذيت موعد بعد رمضان انشالله بسويه

و حاليا عايشه على البروفين 600 من الصيدليه و الله كريم

اقتباس:

المشاركة الأصلية كتبت بواسطة عود ومسك لا انا حالتي غير عن حالتج جان زين ضرس عقل انا عندي العظم متآكل ومحتاجه زراعه وقصه طويــــــــــــــــــــــــــــله عسى الله يسهلها علي ويهونها وابلش علاج وارتاح نائل الهزيم ايه كويتي وعسل صج صج عسل يهبل الدكتور…حيييييييييل طيب ومتفاهم وصدره وسيع ولو تحنين عليه لي باجر وتسألينه هم يرد بصدر وسيع والكل يمدحه ترا معروف حيل انا اول ما عرفت بحالتي سألت دكاتره قلتلهم ابي متخصص بهالشي قالولي نائل روحيله ان شاء الله يفيدج..الله يهون عليج يا رب

وييييييييي لاحول لله ماتشوفين شر الله يشافيج يالغالية

ويبيلة والله اشوف هذا دكتور ناائل بس تهقين انطر يعني؟؟ يمكن صج يبيلة فترة جود يتغير وضعةويوخر عن العصب

عادا انا وقفت البروفين مع ان العوار مينننننييي بس متحمله واخذ بندول اكسترا

اقتباس:

المشاركة الأصلية كتبت بواسطة عود ومسك الشر ما يجيج حبيبتي..وعسى الله يشافيج ويصبرج…يالله ان شاء الله يتغير الوضع بعد فتره وبس الاخت يم يم عارفه الحاله وما قصرت عسى الله يهون عليها..عاد انا فيني حساسيه من البروفين والبونستان ههههههههه يعني باجر لما ابدا علاجي راح اطق طوف من العوار يالله سهالات بأذن الله

لالالالالا لاتقولين جذي اسمالله عليج اخذي مخدر موضعي ولا بنادول اخف من البروفين