بنات رحت حق الدكتورة خالدة وتعالوا شوفوا شقالتلي وشصار :"(

اول شي اشكر كل من شاركتني بموضوعي الاول قريت ردودكم وحدة وحدة وشجعتوني ورحت واللي ماقرت موضوعي الاول هذا موضوعي

http://www.q8yat.net/showthread.php?t=599479

المهم اللي ماتعرفونه بس ان زوجي من النوع اللي مايحب افتر على اكثر من دكتور ومستشفى ليش ان يوم على بنتي كانت مراجعاتي كلها عند نجمة وبشهري الاخير انكسرت ريلها وتوهقت قمت افتريت على اغلب المستشفيات ماخليت الهادي ودار الشفا وطيبة كلينك واخرتها ولدت بالسلام قيصرية بس عند فرجينيا لان كل واحد كان له كلمة وراي لان كان فيني تسمم حمل بسبب الضغط وزوجي من وقتها قالي تختارين دكتورة وتمشين عليها مابيج تتبهدلين وغير جذي اهوا مقتنع بالسلام ومقتنع بنجمة فمخه ساعات يقفل المهم….

يوم شاف نفسيتي قالي اذا تبين اختاري دكتورة ثانية بس المهم تكملين عندها قلت له بروح عند خالدة باخذ استشارتها وبعدها اقرر بكمل عندها ولا بروح اكمل عند نجمة.. ومثل ما قلت لكم وحدة ونص انا وصلت المستشفى وقعدت عالكرسي وودوني العيادة وماكان في احد دخلوني على طول ويوم دخلت السستر قالت حق زوجي انطر بره!! حتى مو بغرفة الدكتورة وقفوه بره

المهم اول مادشيت الدكتورة قالتلي دشي عالسونار دشيت ويت سألتني اسئلة ولم درت اني مسوية ربط قالت ليش تسويلج ربط وانتي معاج نزيف؟ يمكن البيبي كان بحالة اجهاض؟ هذا غير ان اخر شي قالولج ان المشيمة مفصولة شوي يعني هذا السبب للنزيف وماكان له داعي للربط ابدا وغير ان الربط راح يسببلج التهابات وياثر عالبيبي

طبعا سوت السونار وقامت تاخذ مقاسات البيبي وهذا كله وزوجي ليلحين بره يعني انفجر غضب الكنادره المهم شوي ولا تعطيني الصدمة القاضية تقولي البيبي قياساته اقل باسبوعين عن عمره وهذا مؤشر ان الياهل قد يكون مو طبيعي تقولي انتي 14 اسبوع وشوي وقياساته طالعه 12 وشوي يعني فارق اسبوعين انا من امس انهيار وبجي تقولي يمكن انتي غلطانه بتاريخج قلت لها انا متاكدة اخر دورة ياتلي 21-12 قاتلي ماراح يبين الحين تعالي بعد اسبوعين اعيد السونار وانشالله خير