بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات مين اللي كلمت زوجها ايام الملكة ..؟؟
عندنا ببيتنا ممنوع ..يعني عادة عندنا 
بنات مين اللي كلمت زوجها ايام الملكة ..؟؟
عندنا ببيتنا ممنوع ..يعني عادة عندنا
بعدين تملين منه
ويصير يوم زواجكم عادي مافيه سبرايسات ههههههههههههههههههههه
ومبرروووووووووووك
احنـآ عندنـآ عـآدي
انا عادي كنت اكلمه ونطلع بعد
أنا أكلمه وأهلي مايدروووون
صار لنا 6 شهووور متملكين ونكلم بعض .. ونحب بعض
بس تقاليد الأهل ماخلتناا نصارحهم ..!!
تخوفت أني أكلمه بس هو أقنعني ..!!
أنه يبيني أحبه وأتعرف عليه بدوون قيوود
والحمدلله ماندمت على هالخطووووة ..!!
علمني أن الحب تضحية وهذي أكبر تضحية لعنونه فديته ..!!
انا كلمت ريلي من ورا اهلي
طبعا اهو كان مصدوم وقالي اشكره
من وين خذيتي رقمي هههههههههه
بس ماكنت احس اني مسويه شي غلط
لانه خلاص ملجنا ومن حقي اكلمه
حبيبتي اقعدي مع ابوج او مج وقولي انا من حقي اكلمه قولي على الاقل لو قدامكم وفهميهم انه حلالج وانتي حلاله مافيها شيء بس لاتخطين خطوه تندمين عليها وبعدين ماتدرون اليال شنو تفكيره يمكن لو كلمته من ورا اهلها بعد الزواج يشك وحاله لان تقولكم عاداتهم وتقاليدهم تمنعهم من هالشيء يعني اكيد حتى الريال ماعنده هالشيء ….
حبيبتي الموضوع ماله حل الا تتكلمين مع احد كبير امج ابوج وتفهمينهم او امج تقنع ابوج وتقوله ان حلال…اذا الخطبه المشايخ حللوه ان المعاريس يكلمون بعض فمابالج باللي عاقده قرانها …وانا اعرف ريلي قبل الخطبه وكنت حاطه امي بالصوره من الاول الحمدلله تفهمت وعرفت اني ما ابي اتزوج عن طريق اهل لان لنا تجارب وفشلت قلت لها انا بختار حياتي..بالذات ان الوالد متوفي صارحتها بهالسالفه
الله يوفقج ويسخر لج
بس المشكلة عندنا عيب ويدرون انه حلال ومافيها شيء
بس عادة وتقاليد الله يجيرنا
عقد شرعي وزواج رسمي على سنه الله ورسوووله
لازم تكلمينه وتشوفينه بالملجه .. عيل شنو انصدم يوم العرس وعقب مايخلص شغله @@
لا شلون اصلا اسلم جسمي ليله الدخله حق واحد غريب اول مره اشوووفه واكلمه يوم العرس.gif "Eh S(1)")
امبي لا لا راح اموووت .. انا عن نفسي استحي على طوووول ادش غرفه مع واحد
الملجه تعطي مجال الوحده تتعرف وتفج الحيا شوي وعادي تتسكر عليهم غرفه وحده
انا عن نفسي يوم خطبني وصارت خطبه رسمه وقص المهر كلمنا بعض بمعرفه اهلي واهله .. يعني جدام الكل
بعد ريلي وحلالي ووين المشكلة؟؟
خطيبي هو اللي بادر بالمكالمة ودق علي .. !!
لأنه من حقه وحبة حبة تقبلت فكرة أنه زوجي ..!!
يعني الحمدلله مكالمتنا حلااال بحلااال بحكم أنه زوجي
لكن عشان التقاليد والعيب الأهل مايدروون ..!!
وهو مقدر هالشي .. !!
يعني أنا ماقصدت روحي دقي عليه من نفسك ..!!
يمكن هو تفكيرهـ غير ومايبي يكلم وتطيحين من عينه ..!!
يعني بادر كان بهااا .. مابادر الشكوى لله
ومو كل وحدة تكلم خطيبهاا يعني حياتهاا بتكون سعيدة
التوفيق من الله ياقلبي
وشكراً