تخطى إلى المحتوى
الرئيسية » بنتي تو داشه الشهر الرابع شنو ابدي اوكله؟؟!!غير الحليب!!

بنتي تو داشه الشهر الرابع شنو ابدي اوكله؟؟!!غير الحليب!!

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته

اتوقع الكتاب باين من عنوانه

بنتي توها داشه الشهر الرابع انا بديت احط لها مع الحليبه بسكوته فارليز شوي منها مع كل رضعه

يقولون ابدي معاها في بعض الاكلات ….مثل شنو ماني عارفه

ياليت ياامهاتنا وبناتنا الغاليات تساعدوني

الوسوم:

10 أفكار بشأن “بنتي تو داشه الشهر الرابع شنو ابدي اوكله؟؟!!غير الحليب!!”

  2. amira
    الرد
    حبيبتي ابدي معاها بسكوت فارليز او سيريلاك وعندج الاكل الجاهز اللي على موز وخضار مسلوقه طحنيها وعطيها والله يخليها لج ان شاء الله

  4. khouloud
    الرد
    بسكوت فارليز او سيريلاك

    و تطبخين للياهل جزر او بطاط او كوسا و عيش و لازم تهرسينهم

    في يهال تييلهم حساسية من بعض الاكلات … ولدي كانت فيه اكزيما من الموز .. اول ما ياكل موز ويهه يصير احمر

  5. amira
    الرد
    جكوره :ايي صح بنتي مقارب عمر بنتج اذكر يوم ولدتي ,,,مشكووووه

    الغاليه : مشكووووووووره غاليتي

    خياليه : والله ماادري احترت اصدق الخبره او الدكتوره

    ريفينا : شووكراان لج

  6. kamiliya
    الرد
    الله يحفظها أنا داشه بس عشان أقولج جذي لان ولدي توه يصير 3 أشهر وأبي أستفيد معاج (( الله يخليهم لنا ويخلي كل البيبيااااااااااااااااااات يارب ))

  8. kamiliya
    الرد
    طبخي كوسا وبطاط وجزر واشوي زبدة نتفه اقل بعد واشوي فتفوته ماجي عشان مايصير ماصخ وعيش وماي ويطبخون وعقب اضربيهم بالخلاط وبالعافيه تصير باليوم وجبتين يعني انتي تسوين حق وجبتين وسويله محلبيه خفيفه وعطي تهبل عالجاهل

  10. salima
    الرد
    واى بنات الله يهداكم قلبى عورنى اى زبده وماجى الى بتحطونها حرام كلها املاح ومواد حافظه والله نصيحه ومن دكتور متخصص الطفل للسادس مو محتاج غير الحليب وبس انا ما وكلت بنتى واهلى يتحلطمون وانا مطنشه قبل يوكلون مبجر بس اكتشفو انها تضر الياهل من السادس بلشى بالسيليلاك وعيش مع خضار بعد فتره الفاكهه ولا تعطين اول عصر برتقال مثل ما هو معروف لا لا تفاح مخفف علشان ما يتعب المعده واقرو كتب احسن للتوعيه همن الوحده تاخذ خبره حرام حذولى امانه عسى الله يحفظهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.