تجربتي الفاشله مع اوبن فليم 360

السلام بنات

بنات صار معاي شي بهالمطعم صج يقهر

طبعا شفته بقناه الوطن وكان التصوير بالنهار والمكان منور ويهبل

لما رحت انا و3 من صديقاتي المكان ظلممممممه ماتشوفين شي وكملوها الي يشتغلون لابسين اسود

والمنيو فضي قامج مع عرفنا نقرا ونطلب ولا نقدر نشوف

وكل المنيو بالانجليزي طبعاا

المهم اضطرينا ان نقول للويتر اختار لنا نبي جذي وجذي

رفيجاتي اطلبوا 2 مني برقر

1 برقر ربيان

2 سلطه

وانا قلت له ابي ستيك يكون حلو انت اختارلي

المهم يابه ناااااااااشف لاصوص ولا ملح ولا شي قطعه لحمه ناااشفه وحطيت فوقه ملح علشان اقدر اكله

المهم بنات ياب الحساب

والا جم؟؟

50 دينار

خير عسى ماشر

جان اناديه والا يقول ان الستيك الناشف الماصخ بدون اضافات بالطبق بروحه ب20

قلت له ليش

جان يقول لحم بقر

خير ياطير

اشتري بقره كاااااامله اكلها انا ورفيجاتي ما يطلع 20 دينار

اروح بوفيه سلطات وحلو وعيوش ب7 دنانير

اروح فرايديز والا نينو والا اي مطعم مايزيد الستيك عن6 دنانير

يعني انا بروحي اكلت بنص الفاتوره

والطــــــــــــــــــــــــامه الكبري

السيرفس ب5 دنانير

ضايفها علي الفاتوره بكيفه !!!

ورفيجتي خذت الفاتوره وتحلفت فيه ان تشتكي عليه !!

المايك لكم !!!