تجمع بنات الأنيميا

الله يسلمكم آنا كنت رايحة عند دكتورة وفاء الحشاش حق معدتي وايد تتعبني المهم طلبت مني جميع أنواع التحاليل ولا الصدمة الكبرى إن معاي أنيميا حادة وانا يا خلاف مادري شالسالفة المهم كانت النسبة عندي نسبة الفيريتين اللي إهو الحديد المخزن داخل المعدة والعضلات 4 واقل شي لازم يكون من 11_306 والسي بي سي عندي نسبته أتوقع 6 والطبيعي 12
المهم قالت الدكتورة نعالج المعدة أول لانها مو قاعدة تمتص الحديد فيمكن بعد العلاج تمتص الحديد وبنفس الوقت ما تقدر تعطيني حبوب حديد لأن المعدة عندي ملتهبة وفيني بداية قرحة وحبوب الحديد وايد قوية عالمعدة المهم قالت لي عيدي التحليل بعد أربع شهور والله يكتب اللي فيه الخير

عدت التحليل ولا الصدمة إن النسبة نفسها ما تغيرت وتقول لي لازم إدربات حديد أو نقل دم طبعا إخترت الدربات لأن لاعت جبدي بس قالت لي دم جبدي قامت تقلب أحس يعور وبنفس الوقت قالت لي إن الغرف االي ياخذون فيها الدربات محجوزة لشهر جدام فقالت لي مالج إلا تاخذينهم عند عيادة أمراض دم او طبيبة نسا فإخترت طبيبة النسا وأخذت عندها على طول عقبها بيوم بلشت الدربات وطبعا بس ركبت سيارتي بجيت بجي لمن فطست

ألحين بقول لكم عن الدربات كانو 7 دربات أول اسبوع أخذت 2 وبعدين كل أسبوع واحد والإدرب الواحد يحطون فيه 2 أمبوله حديد طبعا الدربات يصير لونها جنه بيبسي بني غامق يسد النفس كانت عذااااااااااااااااااب السستر كانت بهيمة ما تفهم تخيلو وربي كانت باليوم الواحد تغزني الإبرة 2 3 4 5 مرات والله العظيم وتقول أصل الوريد عندك مش باين وانا بس أفرك بمكاني وأبجي حسبي الله عليها لين آخر إدرب غيرو لي السستر بس عقب شنو والله كنت أرد البيت إيدي كلها مطققة إبر والله العظيم يا بنات لين ألحين آثارهم مبينة وانا مخلصة تقريبا صارلي فوق الشهر بس الحمدلله كله بأجره يارب

وحاليا آنا آخذ ملتي فيتامين تكملة عقب الدربات لأن فيهم نسبة حديد بسيطة معني المفروض حبوب حديد كاملة بس ما أقدر لأن معدتي ما تتحمل

بس الحمدلله ألحين وايد صرت أحسن من قبل الأعراض تقريبا خفت وكانت عبارة عن دوخة ورقعة قوية بالقلب ونادرا أطيح غشيانة الحمدلله مو وايد كنت حتى أحس بعوار بكل جسمي بس ألحين الحمدلله كل شي خف

لكن التحاليل لي ألحين مستمرة وياي كل شهر تقريبا أسويها لا بالله خلص دمي اللي توني معبيته

والحمدلله رب العالمين وبس هاذي قصتي مع الإنيميا

والحمدلله على كل حال