تجمع Diet 4 Ever من 108 لي 108 (انتهت المده!)

هااااااااااااااي .. بنااااااااااااااااااااااااااااااااااااات.. منو فيكم ماتبي جذي خصرها

احم احم … انا اليوم بفتح تجمع حق الريجيم بس مو اي ريجيم ابي امشي معاكم ريجيم صحي بحيث انكم تعودون نفسكم على حياة صحيه وبنفس الوقت تنزل اوزانكم من غير لا ترجع .. يعني اهو ريجيم واهو عيشه صحيه وتظلين عليه طول حياتج من غير ملل .. اللي تبي تشترك معانا .. في شروط لازم تتبعها :

1) لازم يكون ريجيمها صحي اول شي ( عباره عن ثلاث وجبات رئيسيه وسناكين) باليوم . ولازم يكون متكامل ..

2) لازم يكون فيه رياضه اقل شي نص ساعه . انا افضل انه الرياضه الاساسيه اهي المشي لانه الرياضات الثانيه ممكن لما تهدونها جسمكم راح يرد لانه تعود على الرياضه حلو ؟؟!! ( راح نحدد باليوم ساعه من القروب نفسه انه نمشي بمكان ) اللي حاب يمشي معانا حياه الله واللي حابه تمشي بروحها هم عادي بس بحيث تكون صادقه انها ابهاليوم صج لعبت رياضه ولا مشت عشان نفسها مو عشانا احنا حلو المكان راح يتحدد على حسب رغباتكم يعني كل اسبوع انتو حددو مكان نمشي فيه لمدة اسبوع وكل اسبوع نغير عشان مانمل وراح اخبركم بالمكان عن طريق الخاص حق اللي حابين يمشون مع القروب( لحففظ الخصوصيه ) المشي راح يكون يا الصبح مبجر اول ماتقعدين يا بليل قبل النوم

3)النومه مو خربوطيه ولا في سهر . يعني نام بكيــــــــــــر اصحى بكيـــــــــــــــــــــر شوف الصحه ككيف بتصير

موافقه!!؟؟ يناسبج؟؟!!

عيل حياااااااااااااااااج الله معانا

اللي تبي ريجيم صحي مني انا راح اعطيها وهو ريجيم نفسه انا راح امشي معاه .. ينزل من 3 لي 4 كيلوات باسبوع ؟؟!! واللي عندها ريجيمها .. توريني اياه وتاخذ رايي ورايي البنات اذا زين لها ولا لأ وانا هم بوريكم ريجيمي وابي رايكمم فيه ..

الحين كل وحده موافقه على الشروط وتقدر تمشي معاها ..

تحطلي اول شي ..
1_ العمر :
2_ الطول:
3_ الوزن:
4_الهدف:
6_ريجيمهااللي حابه تتبعه:
5_اذا حابه انها تنضم حق فريق المشي مع الجرووب ولا بروحها ؟!!

راح نبلش 1-8-08 الى 1-9-08 وفي احتمال نمدده او نسوي له جزء ثاني اذا نجح الجروب

كل وحده لازم كل يوم تحطلنا يومياتها شنو كلت وشنو سوت راح نقيس مره وحده بالاسبوع الوزن اللي اهو يوم الجمعه وكل وحده تتخلف عن يوم القياس راح تنلغي تلقائي حلو؟؟!!
وعادي استخدام الاعشاب اللي تساعد على نزول الوزن وممنوع اخذ الحبوب الكيميائيه

وانا اضمنلكم النزووول الصحي ومن غير رجعه للوزن ومنغير يوووع كلش